#اراك_بقلبي#البارت الثامن عشر.
ياقابعا وسط افكاري واحلامي وقلبي ..هنيئا لك🥀 نسياني .🥀
كيف استطعت ..علمني ..اين الطريق ارشدني ..🥀
فانا سرت في طريق .. كتب في بدايته...ممنوع الرجوع ..🥀.💐🌸🌸💮🏵🏵🌹🏵🏵🏵🏵🏵🌹🌹🥀🥀
تردين تيتمين فضه وفرقان لج انجلطتي اله شويه
مياسه .. خاله..جهالي
اسيل ..اي فكري بيهم وكومي الهم بلسلامه يله .اروح ميقبلون ابقه يمج بلعنايه
....ازاد... اجتني صوره لمياسه محمد لازم ايدها يم بيتهم يعني تروحله طلعت ..ركض ردت اموتهم اثنينهم وابويه جلب بيه .ومخلاني .. كال طلكها .وعوفها بعد
اني هم رحت للمحامي .وطلكت بس نصحني بلطلاق الرجعي
ازاد. رجعي خلعي بس طلكها
...الرجعي تكدر ترجعها خلال العده فكر واذا ماعجبك اتركها ازاد .. ليش .
....هواي يجون تحت تاثير عصبيه ويتندمون . فكر
ازاد ..ماتندم المحامي كال كم يوم ويوصل التبليغ .. طلكت رجعي ورجعت للبيت مطايق نفسي ورا ايام رحت اجيب التؤام ماخليهم عدها بعد
لكيت اسيل طالعه ..اريد التؤام
اسيل ...ليش بشنو اذتك هاي الطفله وهيج دمرتها لك طفله بعدها ١٩ مبالغه ..توصل للجلطه وين صايره .
ازاد.. شصايرر.
اسيل ...لا سلامتك بس من وصلنه التبليغ وكعت واخذناها للمستشفى وحاليا بلعنايه المشدده وهسه جاي تكمل تريد تاخذ منها جهالها حته تموت فد مره . يله اخذهم مو انت الرحمه انشالت من كلبك لك يابشر حرام والله تتندم بكد شعر راسك
ازاد... حته ابين اني احسن منها اخليهم بس تتحسن اخذهم
اسيل .. واني .اكلك اعله مابخيلك اركبه .قبل جنت اسكت واسكتها لان مخليه العشره وافكر اكو خط رجعه هسه خلص .انت قطعت كلشي . روح عسه حوبة هاي اليتيمه متتعداك .لاانت ولانجاة .
ازاد... رجعت وذرة محنه مابكلبي الها ااطلع الصوره افور ركبت السياره ورحت لبيتهم اليوم اله اسكطه
لكيته فارغ شفت ولد سئلته وينهم
بت المرحوم شيلتهم . هي وعمامها . صارت طلابه
ازاد....ها متعرف ليش
....حقها كتلو ابوها وكاعدين بلبيت
ازاد...ها . وشلون عرفت هي
....المنطقه كلها تعرف عمامها اجو وطلعوهم كوه
ازاد...رجعت للبيت . حته نوم مكدرت انام بيوم الي طلكت رجعت رجعت خطبت رانيا .. تتصل تريد تسولف بلعرس والترتيبات واني الدنيه طافره من عيني عفتها دك ونمت
مياسه .... صحتي ..تحسنت وطلعت لغرفه خاصه والزيارات سمحو بيها . بس مقبلو اطلع واني متت مشتاقه للجهال وممنوع يفوتون للمستشفى .يومين وطلعت عطشانه لشوفتهم بس اكو خدر بايدي ماكدر اشيلهم وضعف احس رجفه بكل جسمي ورجليه تنطوي وحدها واكعد مااسيطر ...
اسيل ..جيبيهم كافي .ارتاحي
مياسه لا خاله اريدهم مشبعت .وهما يبجون عليه بقو يمي بلفراش . ايام . ورجعت .وضعي مثل الاول . بس غصة طلاكي تذبحني .ماريد افكر دك تلفوني جاوبت .
هلو . نسيتيني مو
مياسه ...منو .
....اني الي كتلج اطلك وازوج ازاد .. حبيت اذكرج ..واعزمج على زواجي بعد اسبوعين . وعلى فكره . اطفالج راح يجيبوهم يمي . وراح انتقم منج بيهم .الله شكد احبج . وراح اعبر عن حبي الج باطفالج حضريهم كم يوم ويودي يجي ياخذهم هسه مقهور عليج لان مريضه
مياسه . انتي منو
رانيا ....لا ماحبيتها منج نسيتي رنو . واني طول هاي الفتره ماناسيتج ولا لحضه .كل يوم افكر بيج
مياسه ... شتردين هسه . شكو مخابره . اطفالي ماطيهم الج لو يبقة اخر يوم بعمري
سديته .خاله ولج خاله الحكي .
اسيل ..خير .
مياسه ..رانيا .هيج كلتلي .الحجي . لا زودوها .هواي .. عدج رقم المحامي مالت المرحوم . اتصلت بي . طلع مسافر
الحجي ... خلي اشوف طلال .
اتصل ..جاب محامي واجه .
المحامي ...اختي .مدام يزوج يسقط حقه بلحضانه حسب القانون اي طرف من الزوجين . يتزوج قبل يسقط حقه وتصبح الا لوليه للطرف الغير متزوج
مياسه ... يعني . ماخاف
المحامي لا ..ابد .واني اضمنلج
مياسه .. الله يطمن كلبك
طلال ..انتي تطلكتي .
مياسه ..اي .
طلا ل ..ليش مترجعين للشغل
مياسه .. بس خلي اطمن على وضع اطفالي وراها اكمل دراستي واشتغل خلص كافي لهنا
ازاد... رحت اجيب التؤام طلع الحجي .يصيح وطردني . وكال خلص مدام راح اتزوج مالي حق رحت للمحامي اكد كلامه ((()غدير وسام))))
.ازاد.. والحل ..
المحامي .. حلين ..اما تلغي زواجك .او تعقد فقط عقد سيد متصدق محكمه وبذلك محد يكدر يثبت انت متزوج .
او ترجع زوجتك .وتطلبها لبيت الطاعه .وتضمها الك هي واطفالك وارجح الحل الثاني لان الاول بي اشكال .يعني يكدرون يثبتون انت متزوج وبعد مترجعها عود اتزوج
ازاد. .. وشلون ارجعها .. هاي متقبل اكيد .
المحامي . ... مو ضروريه موافقتها مدام هي بفترة العده يحق الك فقط انو تتلفظ .. رجعت بكي .تكون رجعتها لعصمتك
ازاد ..... بس ..
المحامي ..بس .
ازاد .. استشرع .. يله وفعلا رحت استشرعت وكان كلام المحامي . صح انو مدام مو خلعي . ومدام هي بالغ وغير يائس ..اكدر ارجعها ..تلفظت ورجعتها لعصمتي .والمحامي قدم اوراق طلب الطاعه .. ومشه بيها وزواجي اجلته
رانيا .. ليش اجلته
ازاد.. كتلج مااكدر هسه .
رانيا مو اشتريت الفستان وحجزت كلشي
ازاد .. كلشي اجلي ماكو هسه زواج اخسر جهالي علمود زواج
رانيا ...خلص . امري لله انتظر شكد يعني
ازاد ...
ازاد . اكلها ثور تكول حلبه . عفتها ورحت . خلي اكمل قضية الطاعه هسه ولو مطايقها . بس لخاطر جهالي .ظلت شغلة تفريغ البيت بالي . تذكرت رقم عمها الجبير عندي اتصلت
السلام عليكم
...اهلا وسهلا
....اني ازاد زوج مياسه بنت اخوك
...اهلا وسهلا تفضل
ازاد... يمكن سامع بلخلاف الي بينا
...سمعت من مياسه . كله من هاي الحيه نجاة من رادت اطلعهم من البيت
ازاد.. هو هذا الي ردت افهمه منو طلعهم من البيت
....ميس .طلعتهم بمساعدتنه . خليل الله يرحمه مسجل البيت باسمها . وهي رادت يفرغوه وذيج مارضت فافزعتنه احنه عمامها وطلعناهم لان مانقبل هذا العار يكعد بيت اخونا .اني بلبدايه ماقبلت كتلها اخوتج .ومرت ابوج بس من حجتلي ماقبلت .وانت هم يابوك لاتاخذ بحجي نجاة تراها حيه من تحت تبن . وكلنه نعرفها
ازاد... .عموما ردت ابلغك اني طلكتها رجعي وهسه رجعتها لذمتي حبيت تبلغهم ترجع لبيتها ترا اخذ الجهال ولاتهددني بزواجي لان لغيته يعني بطلت حجتها
...الله يهديكم ليش توصلها طلاك ومحكمه .جان جيتو وحليناها
ازاد... الله كريم الحل يمهم حجي مو يمي
...اني ابلغهم بس اني هسه مسافر ارجع ولروحلهم الحجي مو مال تلفون
ازاد....اريد اعرف منو يدز الصور والصوره ماخوذه قريب طلعتها باوعت واحد من داخل البيت ماخذها قربت وجه مياسه مبينه ضايجه دكيت على الرقم دك وبعدين انغلق .
اكيد نجاة والها ايد بلشغله هاي مياسه فاهيه اعرفها اووف شكد تعبان واريد اعرف الصدك عدمن
اسيل ... ليش مترجعين لشغلج تغيرين جو
مياسه ... مادري خاله تعبانه بعدني
اسيل ..براحتج الحجي يكول شوكت ميعجبها ترجع
مياسه ....ارجع بس مارجع للحسابات فعلا الشغله اكبررمن قدرتي تريد واحد فاهم ومكمل دراسه .
اسيل ...بكيفج . ودراستج .
مياسه ..خاله وذول .منو يهتم بيهم لشوكت ذابتهم عليج يعني شغل ودراسه
اسيل ...من اشتكيلج شيلي همي
مياسه . .حضنت خالتي الله يخليج اليه .. فتره استمريت على العلاج ومراجعه للدكاتره لان الرجفه متتركني اوحس كلبي يدك سريع كلش بحيث روحي تنجر مني وكلاص مي ماكدر الزم حته فكرة الشغل لغيتها
البيت اجرته . ونجاة عدها اخ جبير الناس كلهة تعرفه خوش انسان وابد ميقبل على تصرفاتها كام الحجي يودي نص الاجار اله وحلفه هو الي يصرف على اخواني
ازاد ... رانيا ليش تلحين زواج هسه ماكو خلي اخلص شغلة التؤام
رانيا .. اخذهم منها شكو خايف عليها واني اخليهم بعيني
ازاد.... شبيج انتي اكلها مريضه متتحمل .خليها تتحسن
رانيا ..شدعواك خايف عليها مو هي عايفتك
ازاد...عايفتني عايفها ميخصج وكومي اوديج اريد اطلع ميت شغله براسي
رانيا .. احجيلي شبيك . شنو
ازاد...رانيا .. ابقي اني رايح .عفتها لحكتني .يودي ليش صايررمتتحملني غيرراريد يجمعنا بيت واحد
ازاد...اذا ماخذ جهالي لاتحلمين نتزوج واذا كالو زواجنا بي احتماليه اخسرهم الغي افتهمتي
رانيا . هيج بسيطه عندك تلغي زواجنا
ازاد ...من ورا ملحتج
مياسه ...ستوني غفيت دك تلفوني اخذته وطلعت لايكعدهم وكوه نامو .
نعم ...
رانيا ... شسويتي وخليتي ياجل الزواج
مياسه ...لااله الى الله لج انتي شتردين مني .مو طلكني .وصفه بس الج شكو مخابرتني ترا اي علاقه مالي بي بعد عندج شي روحي خابري اله
رانيا .. شسويلج بعد واخلي ينساج
مياسه ... ليش شسويتيلي انتي
رانيا ...لج تعوفي لااندمج . واخليج تعتبرين الراح لاشيء كدام الجاي ..
مياسه ... رانيا ..انتي شتردين مني
رانيا ... اني اريد منج انتي شنوو. خلك وحده فاهيه وعوبه مادري شيحب بيج .
مياسه . ...لاتجاوزين واني اعرف شسوي واخليج بعد متتصلين سديته منها .خابرته ...ازاد.
حسيت نفسي ممستعده اسمع صوته سديته . بس دك ..رجع اتصل ..مكدرت اجاوب دز رساله . شبيج ميس .انتي زينه .الجهال زينين جاوبي راح اتصل دك جاوبته..
...ازاد ..رانيا شتريد مني كل يوم مخابره تصيح وتغلط
ازاد ..شوكت اتصلت بيج
مياسه ...صار مرتين
ازاد .. شكلتلج
مياسه ...نفس الغوه عوفي اريد بس افهم اني راكضه وراك دازه عليك وعليها طلكتني يااخي خلص
اطلعو من حياتي
ازاد.... ردت اكلها رجعتج عفتها عمها يبلغها خاف بعدها مريضه سدي اني اربيها والج الصافي اذا اتصلت بيج بعد عاتبيني
مياسه ياريت . سديته منه رغم ميته وماردت اسمع صوته.بس انجبرت من ورا هاي .الغبره ام عطوب
اسيل شو دردمين .
مياسه ..مادري الله شوكت يخلصني من رانيا وشكولها
اسيل .. رانيا منو .
مياسه ..خطيبة زياد ...متذكرتني اليوم حضرته لاغي الزواج مدري ماجله ومخابرتني
اسيل ..اي
مياسه ...خابرته كتله عليها يخليلها حد .
اسيل....ختولي .غاثه نفسج .. كومي ويايه مدام جهالج نايمين تعاي يمنه
مياسه جنت نعسانه طيرت النومه حسبي الله عليكم
كعدت يمهم . اتذكر رجفتي من سمعت صوته .اي كلب لو شنو بعدك تحن مو داسك بحذائه وماخله شي مسوا بينا .وبعدني احبه واريده
غدير وسام 💐💐🌸🌸💮💮💮🏵🏵🏵🏵
اسيل ... وين وصلتي
مياسه ...وياكم .
اسيل ..الحجي يكلج ترجعين للشغل وامتحني خارجي احسن
مياسه ...اي ارجع للشغل بس سنة الجايه ارجع للدوام حته لو مسائي
...عفيه بنتي احسن الج
اسبوع رجعت للشغل . والحجي خلاني نص دوام
اول يومين مكدرت اكمل .رجعت بس بقية الاسبوع جريتها اعتيادي نرجس . دائما تسئل .. وطلال مشفته مسافر دوامي صار اني ونرجس سوا كلش ارتاحيت يعني من يحتاجون شي يجونه .
خلصت شغل ومريت للحجي نطلع شفت طلال من فتت جان كاعد وكف لحيله . شلونج مياسه
...الحمد لله استاذ طلال انت شلونك
طلال ...الحمد لله انتي شلونج .
الحمد لله نروح عمو .
....يله بابا نترخص .
مياسه انتبهت لطلال يباوعلي من فوك لجوه وبنظرات اعجاب . تضايقت كلش .
اول مافتنا للبيت رحت لفضه وفرقان كامو يزحفون وصايرين . وكحين .اخلصها ركضه وراهم
اكثر شي ..هاي فضه وكحة نار وذاك وراها شتسوي يسوي
خاله عفيه نطلع اجيبلهم كسارات لركبتهم تتجلغ من الزحف
اسيل .. العصر . نمنا وكعدت بدلتلهم نفس الملابس ووازاد جابلهم عربانه مزدوجه خليناها وطلعنه بلباب لاكاني نزل من السياره ..صار كومه مشايفته متغير حيل . لحيته وصاير اسمر الجهال شافو كمزو
ازاد ... هلو باباتي .وين رايحين كعد يمهم باوعلي خوما للدكتور
مياسه ... جاوبته من ورا خشمي ..لا اشتريلهم ملابس . ومحتاجه الهم شغلات
ازاد تعالو اوصلكم
خاله ...تسلم . يله ماما ..
ازاد ..جاي اخذهم يومين
مياسه باوعت لخاله حصرتني البجيه . ليش
ازاد ....غير اشوفهم يبقون يمي لو اكو ااعتراض
مياسه ... اريد اطلع وياهم تعال باجر
ازاد.... مو على مزاجج . امشي اوصلكم اشتري شتردين الهم من نرجع حضريلي ملابسهم و.اخذهم
اسيل ...بصفتك شنو صاعدين وياك انت هسه رجال غريب روح ابني الله وياك لو تاخذهم هسه لو تعوفهم وتجي باجر
ازاد ...ابو ايسر مبلغكم
اسيل ...شيبلغنه
ازاد ... اني رجعتها لذمتي هي بعدها زوجتي
مياسه .شنووو لزمت خاله ردت اتخربط
اسيل ...اوكف شنو . تعال جوه يمعود بعد مو حجي مال شارع جيب الجهال هاي راح توكع .. فوتتني خاله .للبيت .الحجي ها رجعتو
اسيل ...تعال ابو ريتاج فهمني عقلي وكف
الحجي . شكو
ازاد فات شايل التؤام كعد وكعدهم بحضنه فرقان نزل وجه يمي ..
ازاد...اني طلكت طلاق رجعي ..مو طلاق بائن
اسيل ...اي شنو يعني .. الفرق
ازاد ...الرجعي اكدر ارجعها بدون عقد وبدون موافقتها
اسيل ...حجييي
الحجي كلامه صحيح اذ ا مطلك رجعي
مياسه .. شنو يعني .
ازاد...يعني اني رجعتج وبلغت عمج وكال اني ابلغهم .. وكتله اما ترجعين برضاتج او اطلبج بيت الطاعه الى متى اظل اتوسل اشوف جهالي
مياسه ..لو تموتني مارجعلك
ازاد...شوفي الحكم كم يوم يطلع وانتي كيفج ترجعين بدون مشاكل .ماكو ارفضي التنفيذ .. وراح اخذ الجهال وتعتبرين ناشز
الحجي...ابني مو هيج الحجي شنو جاي حامي عليها وتهدد
ازاد...ابو ريتاج صار كومه صابر وساكت على الي سوته وجهة مااباوع بي مو ارجعها بس ذول الي جابريني وهي هم لازم تجبر نفسها وترجع باوعتلها لاتخافين انتي اخر مره ممكن افكر بيها فترجعين بس لخاطر الجهال
مياسه ...مارجع خاله ..ازاد انت شنو من بشر مو خطبت عوفني
ازاد...اذا مترجعين تسوين فضل اخذ جهالي ورانيا تربيهم
مياسه ...رانيا تتربيهم للي تتصل تكلي اخذهم وانتقم منج بيهم
ازاد...شوكت هيج كلتلج
مياسه ورا ماطلكتني .
ازاد...ليش محجيتي من كتلج شحجت تكولين لغوة اذا هيج كايلتلج صدك
مياسه... اذا صدك . شوف اذا اكلك تصدك بيه كلتلي اني الي طلكتج بعد شتريدتعرف ..تكلي الي راح اسوي بيج ولاشي بلي سويته .. اذا ماسحبتي نفسج من حياة ازاد . وانت تريد ترجعني وتتزوجها من بعدك خاطبها وهيج لعد من نصير بيت واحد شتسوي بيه وباطفالي
ازاد...شسوت بيج انتي سويتي بنفسج بغبائج .وفهاوتج
مياسه ...اي اني فاهيه وغبيه .ماعندي حيله مثل غير ناس ولان هيج انت تسلطت عليه ودستني
ازاد... مدست عليج ..انتي كل مصيبه توكعين نفسج بيها العن من الي قبلها عموما اني مجاي احجي بلي فات .. الج مهله اسبوعين ترجعين برضاتج ماكو الحكم طلع واللجنه طلعت شافت البيت . مهيئ للعيش . وكل حجه مالج اطيني ..غراضهم وملابسهم . وخليني اولي والي تحتاجي الهم كتبي برساله اني اجيبه لاتظلين تفرفرين
اخذ فضه وفرقان وراح
ازاد... بلغتهم وارتاحيت ..بس وجهة صار اصفر .اخاف توكع هاي . لو منتظر جم يوم بعد
دكت رانيا مجاوبتها اريد اتفرغلها هسه اسوق والجهال يممي
فضه . لج عرمه ليش تضربي
ههههه خطيه بابا اخوج . طبعا هاي البنيه طالعه على هيام وكحة وهذا فطير على امه
نزلتهم لبيت اهلي .ابويه وامي تخبلو عليهم ..الحجي اخذ فرقان ..
هيام ...هلا ..بتوم وجيري ..
ازاد...اخذي هاي شبيهتج بدليلها دمرت نفسها وموتت هذا تكفخ بي .
هيام ...يمه فديت بنيتي هيج اني حلوة
ازاد ...ولج هو بلشكل
غدير وسام 💐💐💐💐🌸🌸🌸🌼🌷🌷💮💮🏵🏵
لج هو بلشكل ..عرمه مثلج
هيام ...احسن مافقيره مثل امها والناس تكفخ بيها
ازاد...شتقصدين
هيام ..فهمت قصدي . خليها تطلع عليه حته تعيش ويا الناس
ازاد...ومنو كفخها اني
هيام ...انت وغيرك . منو بقه مااذاها . انت المفروض رجلها وتعرفها صدكت مرت ابوها كلتلك تحب محمد هي بس تجي سيرته تختنك انوب تحبه . جم مره جتي للمدرسه تبجي لان مضايقها انت نفسك ليش كطعت علاجك .ورجعت لهنا وسويت كعدت عشاير . مو لان محمد يتحارش بيها هيج كل هذا نسيته وصدكت بحجي نجاة وجم صورة محادثه
ازاد.... والفلوس والذهب والمحامي
هيام ... انت تدري بيها فطيره وبكلمتين تتقشمر لو ماقشمر ماظلت وياك وانت حته رجلك خليتها تبوسها وهي لو تعرف محامين جان ماظليت تلعب عليها . ويوميه مشعوطها على جهالها جان خلعتك وخلصت
ازاد... انت شمعرفج بهذا الحجي
هيام ...هههه هو ظل احد ميعرف .بعدين ميس صديقتي وام اولاد اخويه ليهسه اتصل بيها واسئل عليها .
ازاد....تتصورين اني ظلمتها .
هيام ...لا . حشاك انت طيحت حضها مو ظلمتها .
ازاد... رحت .للغرفه خذت فرقان ..لان بجه
ليش باباتي .تعال . شتريد .
يبجي .ويصيح ناه
خابرته الصدك اريد حجه
مياسه .... الو .
ازاد ..هذا يبجي .شنو ناه .
مياسه ..اني ناه . ميكدر يكول ماما يسميني ناه
ازاد...هسه يعني يريدج .سكتت واسمع شهكه
ليش تبجين شنو هنه يومين
مياسه ...ماكدر بدونهم .
ازاد ..شنو اجيبهم الج هسه
مياسه ...فدو . جيبهم هذا مينام اعرفه
ازاد... بس اهلي واني مشتاقيلهم .اذا مسكت ونام اجيبه يله مع السلامه
نزلت لكيت فضه هم متضامنه وتبجي
ها انتي هم تردين ناه اني كلتها لو ابتليت اشتغل العياط .
ام ازاد....شكتلهم خبلتهم علينه .ولج يمه سويلهم ممات
ازاد...يردون امهم يمه . خلي اوديهم
..... وشفنه منهم احنه نظل هيج ..
ازاد....ان شاء الله يجون يعيشون هنا
هيام ...وهاي الصخله خطيبتك
ازاد... الله كريم ..اشوف حل ... يتبع
😙😚😙😙😚😚😗.. تصبحون على خير واحلام سعيده باجر اذا الله خلانه من اهل باجر ان شاء الله اتاخر بلنشر فاعذروني
أنت تقرأ
اراك بقلبي
Chick-Litدائما مانحكم على الاشخاص . من خلال اشكالهم .. لكن لو سمحنا لنفسنا .للتقرب منهم والتعرف اليهم اكثر لما اصابنا الندم . الندم .. كان .هو كل ماحس به ..لاني سمحت للمضاهر ان تاخذني .. لاخسر .قلب افل مايقال عنه انه ناصع البياض
