اغتصاب_ام_زواج

السادس

#اغتصاب_ام_زواج
السادس
#نواره
مو تعرفين دااخابر شكو لطشتي يمي
تقى ؛ انتي شبيج
رهف ؛ شبيه يعني
تقى ؛ ليش مريضه
رهف ؛ هاي شكاعد تحجي بنتي المرض بيد احد
مصدومه بيها كلامها غريب
تقى ؛ مديت ايدي لركبتها شنو هاي
رهف ؛شنو هو 😲😲بعدتها
ماكو شي يمكن متعوره مامنتبهه
تقى : بس شكلها مو عوره
رهف ؛ هسه شنو تردين يلا كومي بس بقو عليه الجهال أفهمهم
عفتها وصعدت للغرفه نار صرت لك خرب بالساعه الي شفتك بيها
باوعت عليها لونها صاير اغمق 😞😞حطيت دهن مرطب خافي عيوب كله نفس الشي هم تبين
أخذت التلفون ردت افتحه خفت أيديه يرجفون اخاف افتحه ويتصل وأنوب بشنو يخيرني
ياربي 🙏🙏 رجعت ضميته شيصير خلي يصير
—
أسد : لو بس تفتح التلفون وتريحني
ضرغام؛ لو ماخايفه جان فتحته بس انته الظاهر مرعبها مو بس مخوفها
أسد : بس تسايرني اسايرها شريد منها بس كلشي ولا تعانديني
كاعد تموتني بهالشي
ضرغام : دكوم خلي نكمل والله كريم لكل حادث حديث
أسد ؛ خلي نكمل وتبقى ع هالوضع وحق لله راح تلكاني ابابهم وراح أصير مثل ضَلها اله اكفرها بعيشتها

ضرغام ؛ أسد مو وكت عصبيتك وخبالك كوّم
ضلينه لصبح شغل عيونه بعد متفتح وأسد نار صاير مو بس هو يفكر حتى اني تفكيري اشتت وَيَا صرت اتمنى شغلنه يطول ومانرجع ومرات اكول لا خلي يخلص كلشي ويختمها
شكله مو طبيعي عيط ويرزل ويكسر كوه متحملينه لله يساعدهم احاول اصبره بس وضعنه ابد مو مال واحد يصبر الثاني خلي بس نطلع بسلامات ليروح واحد منا والله كريم
_
نسرين : عدا يوم كامل لا ليل اتصل ولا نهار وكله تلفوناتهم مغلقه والله كلبي نار ضليت الوب من قهري مااكدر انام
ابو أسد ؛ بنتي هم اتصلي بااخوج
نسرين ؛ اَي بابا كله مغلق
ام ضرغام ؛ وحتى ضرغام هم ماكو بنتي مااتصل بيج
نسرين ؛ لا والله خاله من اول البارحه وبعد ماكو
ابو أسد ؛ كولو يالله واهدو وهسه يتصلون لتخافون
نسرين ؛ ياربي احفظلياهم 🙏🙏 ليصيبهم مكروه خلي يرجعون سالمين
ام أسد ؛ انشالله يارب
أسد ؛ ضرغام انته هنا تبقى اني راح اطلع وَيَا الجماعه
ضرغام ؛ متاكد
أسد ؛ اَي ليش
ضرغام ؛ الي يطلع لازم اني مو انته باع ع نفسك شويه اول نار راح تشوفها راح تذب نفسك بيها
أسد ؛ اَي وأذب نفسي عادي ليش لا
ضرغام ؛ رجلي ع رجلك
بس اكلك اخير شي اكو انسانه بركبتك حتلو تكرهك ماشي
عفته وطلعت كدامه شفته ابستم متاكد يحبها بس غضبه مسيطر عليه
أسد ؛ آه ياكلبي حتى واني بالموت متفاركين هالراس
محمد انته تبقى هنا ماريدك تجي
محمد ؛ ليش سيدي
أسد ؛ ع الأقل يرجع واحد عايش بينه ياابني وبعدين انته الوحيد الي تعرف متزوج وشاهد ع هالزواج حياتنه مو امينه
محمد ؛ محروس بالله ومحمد وعلي
أسد : تقريبا استمرت المواجهه لل٤ الفجر
ضرغام : الرمي ع راسنه أسد كلي شنو اخير أمنيه عندك حتى احققها
أسد ؛ هههههه لضل تافهه راح نروح من ورا سوالفك
زين انته شنو اخير أمنيه عندك
ضرغام ؛ ارجع لمريتي وماامشي بعد وياك لو يكلولي هذا اخر يوم بحياتك ولا يوم وديتنه بدربونه برأسها خير
أسد : ولَك لتخاف العار ميموت 😂😂😂😂 وروح ضَل نايم بحضن مريتك
ضرغام ؛ ولَك بشرفك اريد اموت شهيد اقتل امريكان يهود بفلسطنين مو خونه رحمه للعباس
أسد ؛ ااااااييييي
ضرغام ؛ أسد بيك شي
تسمعني
أسد
أسد ؛ اوديك لفلسطين لتخاف بس دير بالك ترجعي
ضرغام ؛ احجي صوتك شبي
أسد ؛ ماكو شي خدش احمي نفسك
ضرغام ؛ نذل حتى وانته تريد تموت متكول وصيتك
ضليت احجي أصيح عليه
اسمع سلاحه بس مااسمع صوته
كلبي نار
طلعنه وجه الصبح وَيَا الصلاه ودنيا شته بارده كلنه موجودين عقلي وبالي يم أسد
أسد ؛ ابد مااحس بالموت ولا امفكر بي بس من نضربت ايدي احس الدنيا وكفت خلص بعد ماكو حياه بالرغم خدش بسيط حتى بوجعه ماحسيت بس حسّيت بالحمل الي ع كلبي هسه يلا صحيت اني شنو الي سويته وشلون تصرفت هيج مافكرت وين جان تفكيري اسمع ضرغام يصرخ بس بالي يمها اكيد هاي دعوه منها شنو الاختبار الصعب الي خليتها تختاره
هدء الرمي ونسحبنه ماكدرت امشي جسمي ميت وعد يارهف راح ارجع واصلح كلشي وعد يابت كلبي
شلت اديه لربي ودعيت من كلبي
ربي لا تسمع منها ولا حرف من البشر يغلط الملائكه تنتظره يستغفر قبل لاينام حتى تكفر عن ذنبه لو لا يستمر واني صار اليوم الرابع
ربي استغفرلك وأتوب إليك يارب 🙏
وصلتهم لكيتهم ينتظرني
ضرغام ؛ أسد شصار
أسد ؛ خلي اوصيك مو تريد تعرف وصيتي
ضرغام ؛ سحبته داخذه للسياره فلت ايدي
أسد ؛ دوخر كلشي مابيه
ضرغام ؛ تعرف شكلت قبل شويه
أسد ؛ داربط ايدي اَي كول سمعني
ضرغام ؛ العار ميموت
أسد ؛ متشوف اثنينه طلعنه عايشين 😂😂😂😂😂
ضرغام ؛ ناقص
ديلا امشي دانشوف جرحك
أسد ؛ مابيه شي اريد انام
ضرغام ؛ لا بالعباس اشوف جرحك يلا انام
أسد ؛ صدك ضمد جرحي شي بسيط ورحنا انام
ضرغام ؛ أسف هاي غرفتي هذيج غرفتك
أسد ؛ مو اكلك ناقص تكلي لا
ساعه ٥ الفجر وأكثر هم فتحت التلفون اتصلت بيها هم مغلق دزيت مسج لامي خطيه ولو اني بطبعي ابد ماانطيهم خبر لا من اروح ولا من ارجع
اتمنيت اسمع صوتها وأنام 😞
ضرغام ؛ اتصلت بيها ماكو اكيد نايمه فتت للحمام غسلت وطلعت
لكيتها حاركه التلفون
ها حبيبي
الو
سوسه احجي
نسرين ؛ بس سمعت صوته ارتاحيت اريد احجي كلمه مااكدر وماريده يسمعني ابجبي ضليت ساكته
ضرغام ؛ كلبي وعيوني وحياتي ثقي هاي اخره مره واني زين كلشي مابيه باجر هيج وكت بحضنج صدكي ومحد يكلي لا لا أسد ولا ابو افتهمتي
يلا خليني اسمع صوتج
نسرين ؛ تعال والله اشتاقيتلك اعرف متكدر أترد عوفه مفتوح الله يخليك لتغلقه
ضرغام ؛ اروح فدوه لهالدموع والشفه والخشم الي يحمرون من البجي اوووف وج هسه ارتاحيت
نسرين ؛ واني لسه مامرتاحه
ضرغام ؛ اشش لاتفكرين كافي يعني باجر مسموحلي كلشي اسوي
نسرين ؛ صدك شوكت تجون
ضرغام ؛ امممم ليش متجاوبين ها
نسرين ؛ انته جاوب اول
ضرغام ؛ انشالله اذ الله راد
وهسه انتي جاوبي
نسرين ؛ أعشقك اني صرت مدمنه عليك
ضرغام ؛ جاوبي داكول
نسرين ؛ هم صار عصبي
ضرغام ؛ وتالي
نسرين ؛ اَي
ضرغام ؛ شنو اَي
نسرين ؛ اوف اوف اوف اني الي اسوي مو انته بس خلصني وتعال
ضرغام ؛ 😂😂😂 امممم شنو هالوكاحه
اني ماشايف بزونه تريد تخرمش ودمعتها بعينها
نسرين ؛ غير هالدموع عليك وانته بكل قساوه ولا كأنو اكو روح منتظرتك
ضرغام ؛ اموت ع الي خلقج
نسرين ؛ خلي التلفون بيدك اليوم
ضرغام ؛ بعيوني بس هسه راح انام اشويه لان قبل شويه رجعنه
نسرين ؛ يومه حبيبي الله يساعدك يلا لعد نام
ضرغام ؛ ديري بالج ع نفسج
نسرين ؛ انشالله
ضرغام :اوووو نسيت اسألها ع رهف يلا خليها للصبح
ديصيري باجر بحظني واني الج يا سوسه
_
رهف : امي راح اخذ تلفون تقى تلفوني ماشحن
تقى ؛ ما ماتاخذين تلفوني
ام رهف : تقى ميصير هي كم ساعه وترجع
رهف ؛ بس باقي اخذ إذن من الجهال
ام رهف ؛ وتالي انتي وَيَا هذا السان فوك ماماخذه تلفونها دكوليلها ميخالف شكرًا
رهف ؛ مابيه بعدين
يلا اروح باي
ابو رهف ؛ دعوفوها اموت ع تصرفاتها والسانها
ام رهف ؛ اَي بوكت نكوللها كولي كلام حلو مابيها وكت الي تتعارك تكول الف كلمه بدقيقه
تقى ؛ اني هم اروح باي
رهف ؛ طلعت وميته خوف اتمنى أضل بالبيت ولا اطلع باوعت محد اكو ركبت سياره ع السريع وكلبي يقرا الف ماخليت ايه ماقريتها
وصلت بخير واخير ركضت للقسم
نسرين ؛ شعجب اجيتي من وكت
رهف ؛ تردين ارجع ماعندي مانع
نسرين ؛ اكلج شو صايره حلوه مو ع الأساس مريضه
رهف ؛ واحد يكول صباح الخير بالجذب الحمد لله ع السلامه عذه شلون ناس
نسرين ؛ وج هو وجهج وجه صباح الخير ديلا امشي نشرب شي صاير يومين نار
رهف ؛ مو مثل النار الي بكلبي كولي شكو
نسرين ؛ شبيج ولج شكو
رهف ؛ غير مصخنه مابيه انتي شكو
نسرين ؛ ضرغام بواجب وصارله يومين قافل تلفونه الصبح يلا فتحه وحجه ويايه
رهف ؛ اممممم طيور الحب ما الله ينطيني واحد مثل ضرغام 💔💔 يلا اهم شي اطمنتي عليه
صدك ع طاري التلفون تلفوني عاطل ويايه تلفون تقى مو تنسين
نسرين ؛  ههههه عندي واحد الج بس هذا كلبه مقفول لا انتي ولا الأكبر منج يفتح القفل
رهف ؛ ماريد خلي الج ناقصني اني 💔😞 احجي وكلبي يجيب واودي مامرتاحه
نسرين ؛شلون انطته الج
رهف ؛ بابا اني رهف
نسرين ؛ ديلا لتنفخين علينه المحاضره بلشت
رهف ؛ اليوم كله كاعده ع نار ماخلصت دوام بالف قل هو الله احد وطلعت
_اسد : ضرغام يمعود اكعد افتح الباب كافي نوم كل تفكيري نرجع بليل
ضرغام ؛ اييي انطي مجال والله تعبان متكلي شوكت نمت شوكت كعدت وساعه عشره
اسد ؛ اريد ارجع ولسه شغل كومه
ضرغام ؛ اَي ع كيفنه ليش مستعجل
اسد ؛ طالع اني خليك لتجي
ضرغام ؛ ادري بي راح يكتل روحه اليوم حتى يرجع
الو هاحبيبي
نسرين ؛ كعدت
ضرغام ؛ عندي واحد حقنه مطلع روحي
نسرين ؛ ترى ماقبل تحجي عليه
ضرغام؛ افتهمي انتي مالتي معناه انسي اب اخ افتهمتي لا تعرفين
نسرين ؛ يبووو سكتت شجايكم اليوم كل مااحجي كلمه ترجعوها ب عشره
ضرغام؛ ليش منو غيري
نسرين ؛ يعني اكو غير رهف الله بلاني بيكم
ضرغام ؛ داومت
نسرين ؛ اَي
ضرغام ؛ شلونها زينه
نسرين ؛ كلشي مابيها السانها أطول منها بس صدك متغيرة شويه بسرعه يبين عليها
ضرغام ؛ اوك حبيبه اني اروح لا اخوج ينتقم مني
نسرين ؛ ماشي حبيبي باي
ضرغام ؛: والله يااسد شغلتك صعبه اثنيكم اعصاب منو الي راح يتنازل
خلي اروحله ليروح ينفجر
صدك غسلت وبدلت بسرعه
محمد وين اسد
محمد ؛ بغرفه السيد مهنا
ضرغام ؛ أعصابه شلونها
محمد ؛ زينه
ضرغام؛ صباح الخير عيني استاذ
مهنا؛ بخير بطلنه انته شلونك
ضرغام ؛ تحت رحمته اباوع لأسد ملتهي بالأوراق الي كدامه مادري شيدور
مهنا ؛ اليوم ماكو روحه ترى شغل وعازمكم ماريد اعتراض
أسد ؛ انشالله
ضرغام؛ انطيني اساعدك
مهنا ؛ اني طالع الولد هنا اذ احتاجيتو شي
اسد ضرغام؛ شكرًا الك ماقصرت
اسد ؛ اني من البارحه اسأل نفسي انتي ليش مامتت
ضرغام ؛ خفت اعوفك وضل تبجي عليه خطيه ومنا مرتك عايفتك
اسد ؛ ناقص لزمته من قميصه والنبي اذ ذكرت اسمها كافي رحمه لأخوك
ضرغام؛ خلي نتفاهم انته تحارشت مو اني وبعدين اذ متت منو يجيبلك اخبار عن رهف
الي هي اليوم مداومه بس متغيره شويه فصدك مريضه
اسد ؛ شمدريك
ضرغام؛ اييي هيج من البدايه صير هادء
غير نسرين اتصلت وسألتها
اسد : ممنوع بعد تسألها
ضرغام ؛ ع مودك غير
اسد ؛ اتصلت هم مغلق
لعد وتلفونها
ضرغام؛ تريد اخابر اسأل 😆
أسد ; ضرغام كافي ماريد أسمعك
ضرغام ؛ اكيد مامخذته او بعد مافتحته اصلا
اسد ؛ يصير خير خلي نكمل شغل ونطلع
ضرغام ؛ اوك
مهنا ؛ يابه ترى ساعه ٣ يلا الغده حاضر
اسد ؛ ماقصرت والله تعبناك
مهنا ؛ لا عمي شمسوين لو شننطيكم مانجازي الي سويتو
ضرغام ؛ واجبنه هذا سيد
اسد ؛ التهينه بين اكل وسوالف لحد ساعه ٥ وصار الغروب
ورجعت داكمل الي عندي
رهف ؛ رجعت تعبانه شفت التلفون بيد تقى
انطيني شسوي بيدج
تقى ؛ داشحنه اشوف شبي
رهف ؛ اني شفت التلفون فتح بيدها وماعت روحي اريد نفس ماكو اريد اشتم هوا ماكو اختنكت ع الاخير
لا اراديا دموعي كامت تجري
انطيني وقسما بالله اذ مديتي ايدج ع شغله من شغلاتي اموتج
تقى ؛ لتبجين كافي والله مسويت شي
رهف ؛ اطلعي برا عوفيني شويه
تقى ؛ هاي شبيها خطيه معقوله ضوجتها هي متهتم لهاي السوالف
رهف ؛ رجعت قفلته ارتاحيت قبل حتى ميشتعل الضوى
الو نسرين
هلو رهوفه
تلفونج يمج
اَي
شوفي وصلتج رساله انه فتحت خطي
نسرين ؛ لحظه
لالا ماكو
بس ليش
رهف ؛ داحاول بي بس يلا باي
اوووف الحمد لله ياربي
نمت شي ساعه وكعدت
وكل أحلامي وكوابيسي صارت بي 😞😞
ام رهف ؛ يلا بنات تعالو تعشو حتى ترجعون ادرسون
تقى ؛ بلي امي اجيت
ام رهف ؛ اكلج رهف شو متقرين عيني ناويه تصيفين
رهف ؛ اصلا الصيف للشخصيات امي
ام رهف اوووف هالالسان
_
أسد : هلا بالحجيه والله مشتاقلج
ام اسد ؛ لو تشتاقلي جان اتصلت
اسد ؛ هههه يايمه لعد شدسوي ياعيني
ام اسد ؛ شوكت تجي
اسد ؛ بحيل الله باجر
انطيني سوسه
نسرين وج انتي ضلين وحده حقيره وخاينه تخابرين بس هذا الغبي
نسرين ؛ والله اتصل عليك ماكو اشوكت فاتح تلفوك انته
هسه كلي شوكت تجي
اسد : اطلع وَيَا الفجر او قبلها بساعه
نسرين ؛ مرلي للكليه من تجي اذ ماعندك شي ومو تعبان
اسد : هذا هو اول مااوصل يمج غاليه والطلب رخيص
ضرغام ؛ نسرين كافي سدي الخط
اسد ؛ لتصير غثيث اني وأختي
ضرغام ؛ بسيطه تهون
اسد ؛ هاك تريدك راح تبجي عبالك عندي جهال
ضرغام ؛ شلون وياج انتي
نسرين ؛ احبك
ضرغام؛ متطبلين اسولفجً
نسرين ؛ اموت عليك
ويلا كافي بعدين نحجي باجر انتظركم بالكليه
ضرغام؛ شنو شنو الو
اسد شنو بالكليه تنتظرنه
اسد ؛ اقترحت اروحلها باجر وفكره حلوه اريد اشوف ردت فعل رهف
ضرغام ؛ فكر بعقل لتروح تجلط البنيه من كل عقلك تلفون مافاتحته تخاف ومتأكد وأكص ايدي اذ طلع غير شي
اسد ؛ يجي باجر والله كريم
ضرغام ؛ لعد اروح انام كم ساعه وكعدني
واني اشوف اسد ارتاح بس يلوب يروح يرجع
وكل شويه يكلي يلا كوم مانام خطيه ابد
هو اني خايف شمدريني شراح يجفص شراح يصير
اسد ؛ كوم ضرغام والله واح نتأخر وازدحام
ضرغام؛ كمت والله اهدء راح تشوفها وراح تتفاهم وياها بس كوّن هادء
اسد ؛ انشالله  يلا نتوكل

رهف ؛ خير ياطير الوجه مشرق اليوم 😉
نسرين ؛ ضرغام حيجي اليوم
رهف : ليش هو قابل وين
نسرين ؛ مو كتلج جان عنده شغله صارله هوايه واليوم جاي
رهف ؛ امممم بلا الهوايه مالتج خلي اشوف كم ساعه 😒
نسرين ؛ وربي وربي ٥ ايّام
رهف ؛ يلا حسّيت بيج تعالي حبيبي تعالي هوايه صدك حضنتها ❤️❤️
بس اكلج انتي متضوجين حبيبي وحياتي وهاي السوالف التعبانه ولطلعين ولاطبين واوووو لغوه هوايه
نسرين ؛ ربي يسلطلج واحد افيش واذكرج بكلشي ربي هسه بس اسمع مني هالشي ورفعت اديه
رهف ؛ يلا يلا كومي ندخل محاظره
نسرين ؛ وإذ إجى
رهف ؛ ليش يجي هنا
نسرين؛ وج اييي
رهف ؛ هلا هلا وأخيرا راح اشوف حبيب الكلب
دكومي ندخل وإذ اتصل نترخص ونطلع
نسرين ؛ وانتي شكو أتصور جاي عليه 😒😒😒
رهف ؛ بومه موصوجج والله اله اطلع واشوفه واكعد يمكم هم واشيل حاسيه الإحساس ع الاخير وكدامي يلا
نسرين ؛ المحاظره كلها احوص والتلفون بيدي
اكلج رهف اخوايه هم حيجي وَيَا
رهف ؛ هلا هلا حتى اكبل وَيَا
نسرين ؛ شو اتاخرو
رهف ؛ هسه ع جيه شبيج
اكلج اخوج صاك لا 😉
استاذ: رهف نسرين صوتكم
رهف ؛اسفه 😞
نسرين ؛☹️
خلصنه محاضره وكاعدين نشرب جاي بالحديقه الجو جان كلش حلو

رهف ؛مرات احس جان كابوس وخلص ومرات أحسه بلحظه يطلعلي دافكر وبالي مشوش احاول ماابين
نسرين؛ رهف ليش قلقانه
رهف ؛ مادري كلبي مقبوض بس لتخافين ماكو شي
ضرغام ؛ حبيبي وين انتي
نسرين ؛ بالحديقه الي مقابيل القسم
ضرغام ؛ اوك شغله ربع ساعه
ضرغام دخلنه ع هواياتنه هاي عرفنه المكان ورهف وياها اضحك شويه وكون طبيعي
اسد ؛ شفتهم من بعيد كاعدين واني عقلي وكلبي مادري شصار بيهم
ضليت هادء وابتسم اريد اشوف تصرفاتها
ضرغام ؛ مساء الخير ياحلوات
نسرين ؛ حبيبي حضنته وبوسته وبست اسد
اسد ؛ اها هسه صار ضرغام اول مو  بسيطه ضحكت ع شكلهم وغيرتهم فدوه الحمد لله ع سلامتكم
ضرغام؛ انتي رهف مو
اسد ؛ عرفينه ع البنوته الحلوه منو هي
رهف 😲💔😞
يتبع
           ............بقلم نواره ............