اغتصاب_ام_زواج

الاخير ٢٥

اغتصاب_ام_زواج

       #25والاخير
        
‎             #نواره

مرحبا حضرتك اسد
اسد.؛ اَي تفضل
_هذا التلفون لكينه وَيَا رجال جبير وحاليا بالمستشفى وانته اخر واحد متصل بي

اسد ؛ شنو ...
اَي مستشفى بي شي

_ماعرف تعال واستفسر
اسد ؛ الووو
ضرغام ابويه بالمستشفى

ضرغام : خير شبي عمي

اسد ؛ ماعرف
يارب انته اعلم بلي بكلبي 💔 مابيه حيل بعد
ضليت ادور تعرفون مستشفيات العراق من يصير انفجار دخلت لردهات اركض شفته وعليه اثنين اطباء
دكتور بشر
_لازم ندخله لغرفه العمليات حاله خطره
اسد ؛ ليش شنو  منتظرين يلا استعجلووو
اباوع كله دم من فوك ليجوى بوسته بوجهه ماكو نفس قليل اخذو من يمي وأحس روحي طلعت
يأبه شكد صعبه

ضرغام ؛ وصلت اركض اباوع ماكو بس اسد وكاعد وحده ولا واحد من الشباب يمه
بشر شبي عمي

اسد ؛ اخذو للعمليات
ضرغام ؛ انشالله يطلع بسلامه منها
فهد ؛ شلونه عمي
ضرغام ؛ فات للعمليات
فهد ؛ رجليله ماحملوني كعدت بالكاع اعرف مراح يطلع منها الناس ملخه الي شفتها ياعمليات
اسد حتى ميكدر يفتح حلكه ويحجي
الي يشوفنه بهالحاله ولا يكول زلم شايلن وطن بشغلهم وقسوه كلوبهم
بس كلها توكف لمن ينذكر الموت
شكد نشوفه صعب بس يابه شكد قريب علينه بلمحه بصر يروح الي جنه عايشين وَيَا عمر

ضرغام ؛ كومو كولو الله اكعدو هنا ليش بالكاع
زيد ؛ ابويه شبي اسد
اسد ؛ اني شفت زيد وكلبي نعصر تعال يكوم بالسلامه انشالله تعالي يمي

زيد ؛ لا تضحكون عليه لو مابي شي جان مابجتو انته وفهد

ضرغام ؛ والله بالعمليات ادعيله وكول يالله

اسد ؛ حضنت زيد وكعدت انتظر اباوع لفهد جسد بلا روح منتهي هو احن واحد بينه يكول كلشي ولا يروح واحد عايش وَيَا صار الموت عقده عنده من بعد مامات اخو وهسه عيونه ديحجن الالم الي داخله
فهد حبيبي روح للبيت انته بالنهايه كلنه راح نعرف للي يصير

فهد : ماعوفك اسد انته اخويه الماجابته امي شنو اعوفك

اسد ؛ تعالو ولكم انتم ولدي مو اخوتي ولد عمي

زيد ؛ بس الي يكوم ابويه بالسلامه

ضرغام ؛ انشالله

رهف ؛ خاله راح اموت والله الوجع موتني
الحجيه ؛ يابنتي دقايق وتخلصين ذكري ربج
الدكتوره ؛ عدها ولاده مبكره ولازم عمليه
رهف ؛ اَي شي موافقه بس اخلص من الألم
الحجيه ؛ هذا هو عيني دكتوره سوي الي بيدج
رهف ؛ دخلت للعمليات ورا شويه كلشي محسيت بس صوره اسد كدامي

ام ضرغام ؛ بنتي نسرين تعوذي من الشيطان وكافي بجي وعياط خطيه امج صيري قويه ع مودها مو هيج تفقدين اعصابج
نسرين ؛ عمه ابويه هذا روحي دنياتي كلها شلون ماابجي واعيط
ام ضرغام؛ ميخالف يمه ادعيله اقرا قران اريحلج ويشفعله