اغتصاب_ام_زواج

الجزء الثاني 31

#اغتصاب_ام_زواج

#الجزء_الثاني٣١

اكعدي خلينه نريح الطفل صارله اسبوع من روحه صعدت للسما
اخذت حقه بيدي الايد الي قتلته حركتها ماندفتنه اله شفت دم الي قتله بالكاع بس خلص اريد ادفنه عسى ولعل هذا يرتاح 💔😔
نسرين ؛ دم منو 😨
ضرغام : طار كلبي واني اسمع صوتها حبيبيتي روحي كلبي حياتي الحمد لله ع سلامتج شي يوجعج شتحسين

دم منو 😞
قتلت الي كتلو لجان
ليش مخليتني اشوفهم بس واكوللهم ليش قتلتو شنو ذنبه
هذا النوع مو ماحجي ابدا فعل وبس واني رجعت الفعل بالفعل

ضميت راسي بصدره وابجي ضرغام كلبي محترك نار ومشتعله بي شلون اهدء فدوه بعد مااتحمل احس روحي راح تطلع
شسوي

اشششش اذكري ربج ماعنده غيره هو الي يصبرنه تشهك وتبجي دموعها بللت صدري حالتي مو احسن منها ابدا بس لازم اهون عليها

شلت راسي واني اشوف دموعه نار ع وجهه مسحتهم بيديه الله الي يصبرنه اني جاهزه لبست اسود وضرغام هو من يومه لابس اسود ونزلنه لكيت الكل كاعدين اصعب شي وأصعب موقف بالحياه كلها تدفن الي تحبه جوه الكاع وخلص بعد متشوفه والأصعب من هذا كله قطعه منك وبيك جزء منك شكد مواقف تمر بالإنسان بس ماكو اصعب واقوى من هالشي دمار وموت بطيء 

فهد ؛ تقى انتي مراح تجين تبقين هنا ماريدج تشوفين هالشي
بس....
اششش ماكو اعتراض ويلا صارلي شكد مافاتحه كتاب يلا كدامي
اوك
وحتى رهف مالها داعي تجين
بس خطيه نسرين لوحدها
اسد ؛ لا امي وام ضرغام موجودات وضفر هم أبقو هنا
الله وياكم
ضفر ؛ زين سوو والله حيل اخاف من المكبره وهالسوالف
رهف ؛ ليش اني مثلا مااخاف بس ع مود نسرين حالتها تكسر الخاطر

مرت 3اشهر واحنه ع نفس الوضع كوه قنعت اسد نرجع لبيتنه بس اسد مااشوفه ياخذه الصبح ويرجعه لليل ومااحب اضغط عليه مابيه حيل يفرغ عصبيته بيه
ونسرين ع نفس الحاله لوحدها كاعده وحاضنه هدومه لجان الله يرحمه وضرغام خطيه يحاول يخفف عنها

اسد ؛ ضرغام لازم نروح لبغداد
ضرغام ؛ مهمه جديده
فهد ؛ بالضبط
بس يرادلها تضحيه
اسد ؛ من اَي ناحيه
فهد ؛ واحد منكم راح يتزوج سهى المسؤله عن البيت المشبوه وزواج علني وراح تكضي المهمه كلها بالبيت يمها لحد متعرف ارتباطاتها بكل المحافظات وَيَا منو وحتلو جانت وَيَا دوله ثانيه

ضرغام ؛ اوك وياكم بس نسرين ماكدر اخبرها بهيج شي حتلو مهمه وهاي حالتها
اسد ؛ لعد انته فهد
فهد ؛ اني معروف مستحيل تعبر عليهم
يعني كولو ماكو غير اسد ماعندي شكال بس رهف خلوها بعيده ماريدها تعرف بهالمهمه القذره حتلو متت بسببها

فهد ؛ كلشي توقع اسد هي مو بس امريه لا هي حيه هي مو بس مسوله ع بيت دعاره وخلص عدها ارتباطات بشغلات خطف قتل وحتى متاجره بالأعضاء البشرية
اسد: تكدر تكول صالحه لكشي
فهد ؛ حاليا بس هالمعلومات نريد دليل وتلبس بالجرم المشهود اكبر دليل
اسد ؛ شوكت نبلش
فهد ؛ باجر طالعين لبغداد اول شي حتكونين ضيوف عادين
اسد ؛ اوك لعد خلوني اروح اشبع من رهف وباجر أوصلها لبيت اَهلها