اغتصاب_ام_زواج

الرابع عشر ١٤

#اغتصاب_ام_زواج
.......#الرابع_عشر14
‎.........نواره**

اسد ؛ ههههههه كولي وداعت ابويه متحبيني
رهف ؛ يايابه كلبي 💔 حباب لتضحك مااتحمل غيرت رائي ارجع اكلب وجهك أحسن
اسد ؛ هههههه ليش ولج
رهف ؛ ضحكتك تخبل
اسد ؛ جاوبيني تحبيني لولا
.....
رهف ؛ امممم ماعرف والله مرات اريد اموتك وادفنك واخلص منك واكول جان كابوس وصحيت منه
ومرات اكول وينه ليش اختفه ليش مسأل هالمده كلها
ومرات اكول احتمال سوه الي برأسه وراح
واخير شي لمن شفت بنت خالتك يمك كلش ضجت حتلو اكرهك ماريدك بس تبقى اليه وأبقه زوجتك
اسد ؛ اممممم يعني مقتنعه انه انتي زوجتي
رهف ؛ هاي الحقيقه سواء اقنتعت او لا
اسد ؛ متاكد تحبيني بس انتي كاعد ترفضين هالشي
رهف ؛ خلي كلشي لوكته
وهسه يلا عوفني كلش مامرتاحه بالكعده
اسد ؛ هههه تعالي وين رايحه بس تردين تفلتين سحبتها لحظني وادينها ع صدري
شوفي كلشي بدينا بي جان اجباري صارلنه بحدود الشهرين
بس بعد كلشي حيصير بموافقتج أجذب عليج اذ كتلج مااحبج او ردت أعاقبج او انتقم لا رهف انتي الوحيده الي اخذتي هالمكان لا قبلج وحده ولا بعدج متاكد مثل مامتاكد من اسمي
بس الي صار ماعرف شسمي
ومال اكلج ندمان لا ابد ومستحيل أندم ع هالشي ولو يرجع الوكت هم اخطفج واخذج لحظني
رهف ؛ فاتحه عيوني وحلكي ع كلامه كأنو كاعد يحجي وَيَا طفل ويقنعه والهدوء كارثه عجيب وينه اسد القديم
اسد ؛ ليش صافنه
رهف ؛ دافكر وين اسد الي يضرب ويعيط ويكلب الدنيا وينه
اسد ؛ ههههه يمج وبحضنج اصير غير واحد لتحكمين عليه من اول مره
رهف اني طبيعه شغلي طلبت مني هالشخصيه وموت ابن عمي كسر ظهري جان أعز من ضرغام جنه روح وحده وبيوم وليله اختفى وراح حتى ماودعني
من عدا المصايب الي تمر عليه وترديني هادء ع طول
رهف ؛ أريدك تضل هادء وهاي ضحكتك دوم تضحكها ويايه
اسد ؛ هههههه غاليه والطلب رخيص
وهسه تقبلين تكونين زوجتي وأم أطفالي وتشيلين اسمي لاخر يوم بحياتج 
رهف ؛ ضليت مصدومه من كلامه  ياريت لو من البدايه سوى هالشي حاطه اديه ع صدره بعدت تشيرته شويه وبسته من صدره
اسد ؛ يايابه وأخيرا الي تمنيته كاعد يصير اول مره بحياتي كلها اتمنى شي وكاعد يتحقق كدام عيوني مامصدك
ماجاوبتيني
رهف ؛ باوعت ع عيونه وبسته من شفته صحيح خجلت بس هو راد جواب وصوتي اختفه
ضليت ع هالوضع مابعدت عنه ماريد اشوف عيونه حسيته مصدوم ودكات كلبه لوين وصلن حتى نفسه صرت اسمعه
اسد ؛ رهف جاوبي لتشلعين كلبي
رهف ؛ مرات الفعل احسن من القول مو هيج يكلون
اسد ؛ أخذت الفعل واريد القول حتى هذا ❤️ يرتاح
رهف ؛ موافقه أكون زوجتك لاخر نفس بيه بس عندي طلب صغير
اسد؛ اطلبي
رهف؛ اسمع اسد لوشيصير بينه حتلو توصل مرحله نكره بعض بس لطلكني شي يوم روح ابتعد شهر شهرين وتعال صدك راح تلكاني مثل ماعرفتني اول يوم بس خليني بااسمك هذا يكفيني
موافقه حتلو بالسر خلص اعرف راح يجي اليوم الي تفتح الموظوع وَيَا الكل وهسه
خلص يااسد حياتي اني الك من ايدك هاي لايدك هاي
اسد ؛ اسمعها شتحجي واني عقلي وكلبي مادري شصار بيهم حضنتها ردت اطلع روحها بوستها بقوه واخذتها للغرفه
نيمتها ع السرير وأخيرا يارهف راح ارتاح بعد هالمعاناه بوستها من كل مكان مخليتها تحجي ابد ضليت اسمع بس ونتها محجت كلمه وحده شكد ائذيتها بس مع هذا هم محجت ضلت مكمشه بيه كأنو طفله متمسكه باابوها نمت ونومتها ع صدري
طلع الصبح واحنه ع نفس الحاله فقط صوت انفاسنه
رهف ؛ مراح تعوفني شي يوم
اسد ؛ بس من تسمعين بموتي ساعتها اَي راح اعوفج
رهف ؛ اششش كافي حطيت ايدي ع شفته
اسد ؛ أخذت ايدها بوستها
موجوعه مو
رهف ؛ ضميت راسي بصدره محجت
اسد ؛ عرفت من ردت فعلها
؛ اسف والله أسف ماتحملت وماصدكت من كلتي اني الك
رهف ؛ ليش منمت طلع الصبح
اسد ؛ كل عقلج ترديني انام وانتي بحضني وبين اديه
تعرفين هذا اليوم شكد جنت منتظره وكلت مستحيل احصل عليه وهسه تكليلي نام
رهف ؛ امممم واني شنو ذنبي اريد انام نعسانه
اسد ؛ هههه تعالي حبيبي وروحي وكلبي ونفسي كله يلا نامي بعد مااكعدج والله
رهف ؛ انته هم نام
اسد ؛ معليج بيه نامي انتي
رهف ؛ بس غمضت عيوني رحت بسابع نومه
_
ام اسد ؛ بنتي نسرين ترى ماشايفه عروس لسه نايمه
نسرين ؛😲😲 بيش الساعه
ام اسد ؛ 9:30
نسرين ؛ يلا يلا كايمه والله ماحسيت
زيد ؛ يلا منتظرج بسرعه
نسرين ؛ رهف مااجتي
زيد ؛ لا
نسرين ؛ اتصلت بيها اكثر من مره متجاوب
مريم ؛ يلا اني أجي وياج
نسرين ؛ لا ماكو داعي اتعبج راح اخذ ضفر غمزت لضفر علاقتي أقوى بيها وتنبهني ع كلشي مثل رهف ويردولي الشي الحلو مريم ماعدها هالشي ابد
ضفر ؛ يلا جاهزه ماعندي شي
نسرين ؛ لو بس اعرف هالغبيه وين جان ارتاحيت
ضفر ؛ خطيه البارحه تعبت اخاف اخذتها النومه
نسرين ؛ لحد ماكملت طلعت روحي اوووف صدك العرس شلعان كلب ههففففف
بس وَيَا رهف مااحس بالوكت ابد
*
* نصيحه لمن تختارون صديق اختارو بي كل المواصفات لتختارونه وكت المصلحه او وكت حاجتكم او تكضون وَيَا وكت لا هالشي حينتهي شي يوم للاسف والصداقة متنتهي
* اكو صديق ينشد بي الظهر اكثر من الأخ  ومن يسألوك منو صديقك تجاوبهم بكل فخر
* صديق يضل العمر كله وياك مو يوم ولا يومين اني بالنسبه الي صديقاتي عائلتي الثانيه وكل وحده صار وياها اكثر من ١٠ سنوات
* فالصديق ثم الصديق ثم الصديق ❤️
   
   
اسد ؛ نمت شويه فتحت عيوني ع نومتها ههههه هاي اول شغله مزعجه انه تحب النوم
كمت حظرت الريوك وكعدت شفت التلفون مالتها محروك نسرين كومه متصله وتقى وأمها كلبت بي ماعدها شي ابد ماشكيت بيها او قصد ادور عليها بس دوم الفضول يدفعنه أخذت كل صورها الي بالتلفون
فتت للغرفه شعرها مكفش ونومتها تجنن كلش هادئه ههه عكسي تماما رهوفه بنتي حبيبتي
رهف ؛ ايييي
اسد ؛ يلا كومي شنو هالكسل لو هيج حضني حلو
رهف ؛ اسمعه يحجي بس مابيه أرد وماريد اخلي عيني بعينه مستحيه من عنده 🙈
اسد ؛ شلتها اخذتها للحمام 😂😂وهي تصرخ
رهف ؛ اسد لله يوفقك نزلني واطلع فدوه
اسد ؛ حطيتها جوه المي باعي بعيوني ليش ضامه راسج
رهف ؛ اسد اطلع حباب
اسد ؛ هههههه ليش هالخجل
رهف؛ اطلع برا مو كافي مكعدني من النوم
أسد ؛ههههه يعني مخجلانه مو
رهف ؛ هففف يااسد
اسد ؛ ترى شايف كلشي وحافظ كلشي حتلو متكونين كدامي وبحضني اني الليل منايمه كله في سبيل احفظ كل شويه بيج
رهف ؛ رجعت حظنته كلشي محجيت سوى كلشي يريده
خليني اني أبدل
اسد ؛ لا اني
رهف ؛ فدوه
اسد ؛ ليش ياعيني اني اريد اسويلج هالأشياء
رهف ؛ كافي غسلتلي خليني اني أغير ملابسي
اسد؛ حضنتها وبستها قوي واني اباوع ع شفتها الي مورمه وركبتها يلا طالع
رهف ؛ ياربي ماعرف هالشي صح غلط كلشي ماعرف 💔😞
بدلت وطلعت اسد وين تلفوني
اسد ؛ يمج ع الميز
رهف ؛ الو هلو امي شلونج
ام رهف ؛ بعد وكت لو مامتصله احسن
رهف ؛ يلا شويه واجي
ام رهف ؛ ليش خلص العرس
رهف ؛ لا تعبت مابيه أبقى
ام رهف ؛ ماشي بنتي ع راحتج
اسد ؛ ابجي ترتاحين عرفت اختنكت بسرعه يبين عليها
رهف ؛ لا ليش البجي ماله داعي
خلي نأكل جوعانه عفته وفتت للمطبخ واني احس صوت امي سجنه كطع كلبي
اسد ؛ تعالي
رهف ؛ فتحلي ادينه وكلي تعالي
شمرت نفسي بحضنه وضليت ابجي وهو ساكت فقط يمسح ع ظهري ويبوس برأسي
اسد ؛ ارتاحيتي
رهف ؛ مابيه شي
اسد ؛ اكعدي تردين باجر ادز اهلي اليوم مترهم
رهف ؛ ماعرف اسد والله ماعرف
اسد ؛ انتي شتفصلين اني البس شتكولين أنفذه الج بس ماريد اشوف دمعه وحده
رهف ؛ البارحه نفذت كل الي تريده مني وما جان شي جبر لا جان بأراتي واكذب اذ كلت ماارتاحيت او انزعجت لا جانت احلى ليله بحياتي
بس اول شغله اريدها منك لتخابرني وتكلي اريدج الليله وتحسسني اني وحده رخيصه تأخذني ع كد احتياجك
اذ البارحه كدرت ابات بعد لا مااكدر
وإذ ع اهلك اني متاكده راح ادزهم بالوقت المناسب
اسد ؛ صدكي خمس دقايق تكفيني او ساعه منو كالج اريدج ليله وغصب عنج لا مكالمه بالتلفون مامجبوره عليها وتكليلي حبيبي تسوي الف ليله عندي
كلمه رخيصه بالله اذ لفضتيها حضج اطيحه انتي مرتي شرفي عرضي سمعتي كلها تعرفين هالشي لو لا
وبداومي كلها عرفت اني متزوج لا عبالج اهلج وأهلي يهموني بكد ماالعالم الي اختلط بيهم ٢٤ ساعه
وبعدين اكو أهوايه حجي وكلام مااكدر هسه افهمج عليه بالايام الجايه يلا
وهسه كافي خلي نأكل
شوكت توصلني ع البيت
اسد ؛ لو بيدي مااخليج اطلعين
رهف ؛ههههه الله كريم تجي ايّام تكلي روحي لهلج اريد اشتغل
اسد ؛ ههههه ميجي هاليوم ثقي بالله
متروحين ع نسرين
رهف ؛ لا مالي خلك اخابرها اعتذر منها
اسد ؛ يلا لعد حضري نفسج
رهف ؛ اعتذرت من نسرين وغيرت ملابسي وطلعت
راح تطلع بالتراكسود
اسد ؛ اييي ليش
رهف ؛ اممممم مو كأنو شي غريب
اسد ؛ ههههه اوصلج وأروح ع البيت هناك ملابسي الي اريدهم
رهف ؛ يلا
_
نسرين ؛رهف متجي
ضفر ؛ يلا اني هنا
نسرين ؛ ههه فدوه لكلبج ماقصرتي
زيد ؛ لا مو خوش خبر مال رهف حرامات
نسرين ؛ وتالي انته وياك ضَل ثكيل شويه
زيد😂😂😂😂
_
اسد ؛ وهسه وصلنه عندي طلب اخير
رهف ؛ كول
اسد ؛ اريد اسمع كلمه احبك من السانج ابد مكلتيها
رهف ؛ تقربت من شفته بسته بطرفها وهمست احبك ونزلت بسرعه فتحت الباب ودخلت حتى ماالتفت ادري بي مصدوم
اسد ؛ شعلت نار بيه بنت الكلب وراحت اموت ع جرئتها وحركاتها وهدوئها وكلشي بيها
وصلت للبيت غيرت ملابسي وطلعت شفت نسرين فدوه لهالطول
باعي انتي بنتي لليوم ماكتلج اختي حافظي ع ضرغام شكد مابيج متلكين مثله لوتفترين الدنيا يكفي انه انسان حقاني ونظيف هاي اني اخوج بس مو مثله ابد اكسبي وارفعي راْسه صرتي بااسمه بعد
بس شوكت متردين هاي الأيد مفتوحه الج لتنسين هالشي
نسرين ؛ انته ماكو منك ابد يوم الي اشوفك مرتاح طول حياتك واريد ربي يحفظكم الي
اسد ؛ هههههه مرتاح والله وعن قريب راح تشوفين
نسرين ؛ اشرلي بيده وطلع ياترى شنو سبب فرحته
اسد ؛ وصلت لضرغام كالب الدنيا شكو شبيك
ضرغام ؛ انته وين بس اريد آفتهم
اسد ؛ يعني حُستدني ع هاليوم
ضرغام ؛ لا تكلي شغل رحمه للعباس
اسد ؛ لا جنت يم مرتي حرام
ضرغام ؛ صدك تحجي
اسد ؛ اييي
ضرغام؛ يعني هالضحكه وهالابتسامه هي ورآها
اسد ؛ ايييي
ضرغام ؛ الله يجعلكم انشالله تستاهلون اثنينكم
لعد يلا هم ايدك وروح لهلها هاي دنيا اسد اصير ماصير وهي ع ذمتك اخلص من هالحمل وارتاح
اسد ؛ انشالله بااقرب وكت
__*
رهف ؛ وصلت سلمت ع امي وصعدت غسلت وبدلت داريد انام جسمي يوجعني
تقى ؛ رهف وين جنتي
رهف ؛ يعني وين عد نسرين
تقى ؛ رهف وين جنتي
رهف ؛ شبيج بنتي
تقى ؛ شنو الي بينج وبين اسد
رهف ؛ شنو 😲😲
....يتبع
نصيحه صغيره ياناس ياعالم لتثقون حتى بااخوك ابن أمك وأبوك ولتنطون كل الي عدكم
احنا عايشين بغابه ترى كافي فتحو عيونكم شويه
لحد يضل غبي وع نياته
*لحد يكلي القصه جريئة وماكو هيج شي
مراح اكول غير شغله وحده احنه عايشين بمستنقع كل واحد يدور ع فريسه حتى يستلذ بيها وهاي من اسهل القصص الي مرت عليه كافي اطلعو وشوفو العالم تعلمو اقروا جازفو بس لتضلون اغبياء وهذا لا وماكو هيج شي دانمر بشغلات ومشاكل لا الإذن تقبل تسمع ولا القلم يقبل يكتب
خليك انسان واعي وخليك متوقع كلشي يصير بالحياه
* واخير شي قبل لا أنسى اشكر هالبنوته الحلوه ع تعليقاتها الإيجابية واللطيفه كلش من اول مابلشت القصه
* @Rana Mohamad