لمحبات ومتابعات الكاتبه شمس
جبتلكم قصه جديده وحقيقيه تتحدث عن رجل يعاني من الم الحب وتحمل مراره وسار في دروب تائهه ومتعرجه من اجل حمايه من يحب
والوصول لقلبها ..
فهل سينجح بالوصول لمبتغاه ؟؟
وهل سيستطيع حمايه طفلته ومعشوقته فجر
من ظلم البشر وحقدهم؟؟
تاابعو ويايه احداث القصه وحسب التفاعل اكمل
والي تحب توصلها منشوراتي تبعثلي طلب صداقه
#ساهـر_الفجـر___
قد تأخذنـا الحياة في آفاقهـا عبر دروب صعبـة طويلـة وشاقـة ...تحفها الأشواك وتحيط بها المتاعب من كل الجهات ...
نمشي بها أحيانـاً بإرادتنا ...وأحيانـاً مرغمين ..
ولكن نتيجـة تعبنا وصبرنا فيها لن تذهب سدى بالتأكيد
فالنور يشق قلب الظلمة ...
كما ينبت الزهر الجميل من الأشواك...
...في بعض الاحيان تتقرب الى انسان بدافع الشفقة والعطف ..
لكن سرعان ماتجد نفسك .. في حالة تعلق ورغبة اتجاه هذا الشخص ..
وتأخذك مشاعرك وعواطفك لدروب انت فـي غنـى عنها ..
.....رجعـت من الشغل تعبان .....
حارة وبشهر السابع والمفروض الواحد من يرجع البيته يحتاج الراحة والطمأنينة .
اني بيتنا مايخلو من المشاكل والعياط ..
ام ساهر .. هلا ييعد امك گواك الله ..
ساهر .. هلا يمة .. شبيكم صوتكم واصل للشارع .
ام ساهر .. شعدنا غير هاي المگموعة الفگر الي الله ذبهـا علينا ..
ساهر .. اووووه يمـة بعدج حاطتها ببالج خطيه هم يتيمة وهم صغيرة بعدهـي فهميها علميها بدل ماتحاربيها ..
ام ساهر .. هو شطلع عينها غيرك انت وجدتك. خبصتونـي طفلة وطفله .
نسيتوا هاي الطفلة كتلت اهلها وخلت عايله كاملـة جوة التراب .
والله اخاف يجي يوم تدفنا كلنا بليلة ظلمة ..
-ولج نعيمـة كافي حرام عليج .. البنية طفله وغلطت
عاد لاتضلين تعيدين وتصقلين .
كم مرة گلت سالفه فجر مااريد واحد يذكرها بهالبيت والي صار قضاء وقدر وهي مالها ذنب ..
-عمة ماتشوفيها فوگ وكاحتها گوة عينها . وماتسمع كلامي وتعاند .
-وج يامضروبه لو تعامليها صدگ مثل ماتعاملين بناتج جان سمعت كلامج واحترمتج .
مو تسمع كلام مرت حمزة وشتگللها تجاوبها بجلمة صار وتدللين عمة .
صيري مثلها وشوفي شلون تجاوبج .
تركت امي وجدتي يتعاركن وصعدت الغرفتـي . لگيت بنين اختي نازله .
بنين .. هلا خوية گواك الله .
گرصتها من خدها . هلا بنون . اخيج جوعان ومن ورى امي صعدت بلا غدا . صبيلي وصعديلي الغرفتـي .
بنين .. صار خوية تدلل .
اني صعدت مدنگ افتح بدگم الدشداشة من الحر . وكل ضني ماكو احد بالصالة الفوگ .
وتفاجأت من شفتها تمسح بالارضيه ورافعه دشداشتها وتدندن مدري تغني . ماانتبهت .
كل فكري بحسنها ..
وعيت على حالي .
احم احم ..
