نوفيلا الآن أريدك .. شوشو الصافي

١

١

_ طب مفيش اخبار

_ اخبار ايه

حبيبة : انت فاهمني كويس

شريف : لا مفيش

حبيبة : ليه بس ، ده انت قمر

شريف : البنت اتجننت

حبيبة : انا بتكلم جد ، بذمتك مش ببتتعاكس في الطلعة والنازلة

شريف : امتى حتفهمي أنا لسه مش جاهز للإرتباط ، علشان لسه مجهزتش نفسي

حبيبة : طيب خلاص فهمت كل مرة نفس الحوار ، وخرجت من غرفته ،

شريف لنفسه : هي البنت دي مالها بتعاملني زي ميكون العالم واقف على جوازي ، اما اروح الشغل

شريف : صباح الخير يا ماما

الأم : صباح النور يا حبيبي تعال اقعد

شريف : حفطر في الشغل انا لازم اروح

الام : طيب ربنا يوفقك ويرزقك ببنت الحلال اللي تصونك

شريف : لا دي بعدين دلوقتي عايز أنجح فشغلي واحقق هدفي وبس

الأم : ومالو يا بني تنجح في شغلك وتلاقي بنت حلال تشاركك حياتك

شريف : بعدين يا أمي لو لقيتها دلوقتي حضيع مني علشان أنا مبفكرش في المواضيع دي دلوقتي ، يلا مع السلامة

الأم : مع السلامة يا بني ربنا يهديك ويريح بالك

في العمل

رامز : عملت ايه في المشروع بتاعنا

شريف : لا مش حينفع هنا لازم نتكلم في مكانا بعد الشغل

بعد ساعات في غرفة شريف

شريف : حفضي طاولة المكتب علشان أحط المخطط

رامز : اوكي يلا

شريف : الحمد لله ، يلا امسك معايا بشويش

شريف : كمان دي اوراق كتبت عليها ملاحظات وافكار حنقراها

رامز : ماشاء الله واضح انك ناجح الشكل جميل والخطة منطقية جدا

شريف : لازم ننجح ونحقق ذواتنا

رامز : بإذن الله يلا نبتدي

شريف : بسم الله ، ....

شريف شاب مجتهد وشخص طموح عمره ٢٥ سنة وأخته حبيبة بنت جميلة ٢٠ سنة بتحبه جدا وبيتعاملوا كأنهم أصدقاء عايشين في بيت والدهم المتوفي مع مامتهم سناء سيدة في آخر العقد الرابع من عمرها ربنة منزل ، رامز صديقه المقرب وابن عمه وراضعين على بعض

شريف : لازم نتحرك وندور على ارض نشتريها

رامز : لا مش محتاجين ندور خالتي نجوى عندها شقة في مكان مناسب نروح نشوفها ولو عجبتك نتفق معاها ونعملها التعاديل علشان تبقى مناسبة للمكاتب ومقر الشركة