٢
صباح الخير
_ صباح النور تأخرت ليه
شريف : حطيت إعلان في الجرنال حينزل فعدد بكرة
جلال : صباح الخير يا أستاذ شريف
شريف : صباح النور
الجلال : الورق ده محتاج مراجعة قبل ما ابعته
شريف : اوكي حراجعه ، خد الملف ده
رامز : أنا بفكر ناخد الشقة اللي جنبنا دي
شريف : مش عارف لسه بدري على الخطوة دي
رامز : لا بدري ولا حاجة الشغل الحمد لله ماشي كويس وبيكبر كل يوم أنا بقيت راضي جدا عن نفسي ده المكان اللي شايف نفسي فيه ومرتاح وحاسس اني كامل
شريف : أنا خايف وكل اللي بفكر فيه إزاي نحافظ على المستوى اللي وصلناله ونتقدم
رامز : الخوف شيء طبيعي ومطالب بيه في حدود انك تبقى مسيطر عليه بس لو سيطر عليك حيدمرك ، وانا مش شايف داعي لخوفك ده أنت حققت أساس رجولتك
١ هويتك أستاذ شريف محمد
٢ وظيفتك مالك مكتب الترجمة
٣ مكسبك في حدود المعقول
أنت كده كامل وراضي عن رجولتك
شريف : معاك حق أنا فعلا حققت ذاتي والتوازن اللي بعيش علشانه ، بس خايف ومقدرش أبعد تفكيري ولو لحظة وحدة عن المكتب ده زي ما يكون حيختفي
رامز : أنت محتاج تاخد أجازة
شريف : نعم أجازة
رامز : اسمعني بس أنا خايف عليك ، لازم ترتاح وتشوف احنا كنا فين ووصلنا ال فين لازم تطرد خوفك ده ملوش مبرر
شريف : طيب ، روح شوف شغلك
رامز : ....
شريف : قول
رامز بابتسامة : مش دلوقتي بعد الشغل
شريف وهو يبادله إبتسامة : حاضر
بعد لحظات دق على الباب
شريف : ادخل
جلال : الظرف ده جي لحضرتك
شريف : شكرا يا جلال لولاك مكنتش عارف حنعمل ايه
جلال : لا يا أستاذ أنا اللي لازم أشكر حضرتك لانك شغلتني وانا لسه بدرس غيرك ماكنش أبدا حيشغل طالب لسه في الجامعة
شريف : وليه ميشغلوش انت مجتهد وطموح وبإذن الله حتبقى حاجة كبيرة في المستقبل أهم حاجة اوعى تتخلى عن هدفك
جلال : ربنا يخليك يا استاذ شريف
شريف : على فكرة احنا قررنا نجيب سكرتيرة اتساعدنا
أنت تقرأ
نوفيلا الآن أريدك .. شوشو الصافي
Romanceنوفيلا بتدرس أفكار واعتقادات مهمة كل السناجل تجمع هنا ·
