نوفيلا الآن أريدك .. شوشو الصافي

4

٤

_ يا منى قوليلي اعمل ايه

_ تعمل ايه ف ايه

_ سمير متغير مش عارفه ماله

منى : بصي هي دي الغلطة ال كل الستات بتوقع فيها ، انتي بتسأليني ليه

صفاء : يعني ايه

منى : لسه مكملتش كلامي متقاطعنيش ، الي عايزة أقوله انك بدل ما تسألي ست زيك متعرفش الرجال بتفكر ازاي كل اللي تعرفه تجربه او اتنين بتحكم على كل حاجة من خلالهم ، وغالبا يبقى رأيها خطء علشان مبني على خدعة أو كذبة ، اسألي الراجل ، أيو اسأليه ، انت عايز ايه ؟ أنت مالك متغير ليه أنا عملت حاجة غيرتك ؟ أنت بتحب ايه ؟ ، وكدا وحدة وحدة لحد ما تعرفيه وتعرفي كل حاجة تحرك مشاعره

صفاء : بس ده صعب جدا ومستحيل ازاي أسأله حيقول علي عبيطة

منى : انتي فعلا عبيطة ، علشان الكلام ده كلام ستات فاشلة ومعندهاش ثقة بنفسها ولو سألتيهم حتلاقيهم مرعوبين طول الوقت من ان رجالتهم يسيبوهم ويتجوزو عليهم ، وحتى لو سألتيهم الرجال بتحب ايه حيجاوبوكي الرجال زي القطط تاكل وتنكر ، أنا مش بدافع عن الرجال بس بلوم الستات اللي بتحفظ من غير ما تفهم

صفاء : انتي بتقوليلي كل ده ليه أنا عايزة أعرف سمير متغير ليه وبس

منى : الحق علي اللي بحاول أفهمك ، قومي اطلعي برا قومي

صفاء : انتي بتطرديني دي اوضتي زي ما هي اوضتك

منى : اهو يختي سايبهالك

صفاء : أحسن ، ده حتى سمير حيكلمني بعد شويه

منى : الوقت اتأخر يا صفاء متكلمهوش

صفاء : ليه ما كل العشاق بيتكلمو في اليل

منى : بس لو عايزاه يتجوزك ويحترمك لازم تحطي حدود وأهمها ان الكلام فوقت متأخر ممنوع

صفاء : حدود حدود ايه يا مجنونة انتي مفيش حدود بين اللي بحبو بعض

منى : لا يا حبيبتي في حدود ، متنخدعيش بالجملة دي ، دي الرجالة بقولها علشاان يختبرو الست ويعرفو اذا كانت صالحة للجواز أو لاء ولو لاء ي

ياخدو كل حاجة من غير ما يدفعو حاجة

صفاء : يدفعو ايه ، وياخدو ايه أنا مش فاهمة حاجة

منى : ماشي أفهمك

صفاء : بعدين سمير برن يلا هوينا

منى : ماشي يختي ربنا يسعدك ، اقتربت منها قبلت جينها ، ثم اتجهت لطاولة المكتب وأخذت كتابا كان فوقها ثم غادرت الغرفة ، جلست بشرفة المنزل وأضاءت ضوء الأباجورة ثم جلست وفتحت الكتاب عن آخر صفحة كانت تقرأها ...

....................

في الصباح

تجلس الأم على مائدة الافطار