امي قيثاره الشر

Part5

امي قيثاره الشر

بقلم #حفيده-شكسبير

❤️

بس سديت المبايل طلعت امي  م̷ـــِْن الغرفه منظرهه غير شكل حاطه طن مكياج ولابس دشداشه قصيره بس شافتني عكدت حواجبهه وصاحت بيه
انـّ'ℳέ'ـي كلبي صار بي زلزال وحسيته رح يطلع  م̷ـــِْن مكانه ....
اجتي ضربتني راشدي
جمانه :- بت ال... ليش مامسويه العشه وشسوين بهذا الصنم لازمته بيدج ٢٤ ساعه
قبل مااحجي جرتني  م̷ـــِْن شعري حييل ووكعتني بالكاع على ظهري ..

آرٌيـّےـَِدِّ احجي الكلمه متطلع  م̷ـــِْن الوجع شفافي ترجف
جمانه :- خلال نص ساعه اذا ماصار الاكل حظج اطيحه قندره

راحت للغرفه وسدت الباب وراهه حيل كعدت ابجي
كل مره تضربني اتمنى الله مخالقني بهل دنيا .. اكعد ابجي على حظي الي نطاني هيجي ام
رحت للمطبخ افر بذاناتي شسوي اكل
فتحت الثلاجه لكيت بيهه معكرونه م̷ـــِْن البارحه طلعتهه حميتهه خليتهه بصينيه ووديتهه للهول بالكاع ع الكاشي كدام المبرده
وره شويه اجت امي كعدت كدامي اكلت وكامت بدون متحجي
كمت غسلت ورحت للغرفه جبت مخده وغطه وطلعت نمت بالصاله واتصفح بالمبايل

طبعاً مبايلي مابي نت امي متقبل تنطيني الباسوورد خالته بس الهه وحتى المبايل خالي جابليا  م̷ـــِْن نجحت  م̷ـــِْن السادس هديه
المهم تحججت ودزيت رساله لعماد ع الرصيد
جاوبني متعجب لييش ماعندي واتساب ولا فايبر كتله اصلاً نت ماعندي
دزلي رصيد اسيا ابو العشره وعلمني شون اسوي انترنيت على الرصيد

وره نص ساعه  م̷ـــِْن المحاولات كنگت ع الرصيد وصار عندي انترنيت طررت  م̷ـــِْن الفرحه لان دائماً صديقاتي بالمدرسه جانوا يحجون عن النت واني مثل الاطرش بالزفه كلهه تضحك عليه

وراهه نزلت فايبر والعاب كومه وكعدت لل ٤ الصبح العب كاندي كراش ومتعجبه
انـّ'ℳέ'ـي وين جنت والعالم وين ...
الى ان غفيت على نفسي والمبايل بيدي
كعدت الصبح جانت ماما بعدهه ماكاعده
بدلت بسرعه وطلعت بدون ماتريك اخذت كيه م̷ـــِْن راس الشارع ونزلت يم الكليه
طبيت لاول محاضره الدكتور يشرح واني بالي ولا يمه
تفكيري كله شلون رح اكللهه لامي انـّ'ℳέ'ـي داشتغل ووين ؟؟ يم ابو عماد وعماد الي يوصلني
يبووو بَـßÊـسّ تخيلت اجاني صداع براسي
والله لتذبحني بليله سوده
المهم كملت محاضراتي ورحت للكافتريا انتظر عماد كال انتظريني ربع ساعه واجي
كعدت ع الطاوله وحدي واحس العالم كلهه تباوعلي
اجه عماد كعد يمي وكله هيبه ووقار
العالم اكلتني اكل بنظراتهم طرقت بأظافري على الطاوله جنت مامرتاحه ومتوتره

ميسلون:- يلا نكوم

عماد :- انتظري خلي نتغده هنا ونروح
هزيت راسي مجبوره كلي  شنـِْ♡̷̴̬̩̃ ـِْۈۋۈ تاكلين كتله كريب لان انـّ'ℳέ'ـي اصلاً مااكل هوايه
وهوه اشتره لفه صاج اكلنه بسرعه وكمنه
امشي وهوه يمشي ورايه وصلنه للسياره فتحلي الباب وابتسملي
وصلنا للشركه طبعاً جوه محلات واكو باب صغيره تصعد للشركه
صعدنا فوك فتح الباب ودخلنه الشركه بارررده ثلج وحلوه الاثاث كله ابيض والميوزه صح صغيره بس مرتبه وحلوه
والموظفين كاعدين على كراسي متحركه بسره واحد بس قليلين جانوا ..