امي قيثاره الشر

Part12

امي قيثاره الشر

بقلم #حفيده-شكسبير

❤️

عماد ..

كعدت الصبح م̷ـــِْن النوم ضحويه .. جان يوم جمعه مااكو دوام
رحت للغرفه شفت ميسلون مااكو فتحت باب الحمام هم مااكو صرت عصبي رحت للمطبخ اصيح بسمهه ماهيه بالبيت طلعت جمانه  م̷ـــِْن غرفتهه لابسه كلابيه قديفه بنفسجي وشايله المبايل بيدهه
اجتي يمي كالت خير شبيك تصيح كتلهه ميسلون وين
جمانه :- طلعت  م̷ـــِْن الصبح مادري وين راحت

عماد :- وهيه شنـِْ♡̷̴̬̩̃ ـِْۈۋۈ هيته شلون تطلع من البيت بدون علمي
جمانه :- اهدأ عيني موو زين عليك هل عصبيه هسه شويه وتجي
رحت كعدت على القنفه واعصابي تفور متحلفلهه اول مترجع اله اموتهه ادميهه لهل حيوانه
كامت تطلع عينهه شويه شويه .
كعدت جمانه يمي لزمت ايدي تفرك بيهه بهدوء
جمانه :- الموضوع ميسوه تعصب عليه يا عيني

عماد :- شنوو يعني ميسوه مرتي طالع  م̷ـــِْن البيت بدون علمي والدنيا الظهر صارت شمدريني وين موليه

جمانه :- يعني وين تريد تروح مثلاً

عماد :- مادري والله هيه تربيتج وانتي اعرفي

جمانه :- شتقصد عماد

عماد :- ماقصد شي

صار وجهه احمر وكامت بنرفزه لغرفتهه
رحت وراهه كعدت يمهه بست راسهه وكتلهه اسف
جمانه :- ميفيد اعتذارك ضوجتني

عماد :- اسف والله بس غير تصرفات بنتج مخبلتني

جمانه :- ايي اني شعليه بيهه اصلاً عماتهه الي ربوهه على هل تربيه .

بست ايديهه وحطيتهه بيدي وجنه كلش قريبين  م̷ـــِْن بعض
احس اكو احد يسيطر على افعالي مْْـٍـٍـْْـْْـو اني ..
مرت ثواني قليله وإذا بست الحسن شرفت على البيت
بَـßÊـسّ سمعت صوت الباب نفتحت كمت على حيلي رحت للصاله شفتهه جايه وبيدهه علاكه صغيره ووجهه اصفر مخطوف مابي ذره دم
عماد :- وين جنتي ؟؟

ميسلون:- عماد يصير نروح للغرفه نحجي اكو موضوع لازم تعرفه .
مشيت كدامهه للغرفه وهيه ورايه دخلت وسديت الباب وراهه وقفلتهه
عماد :- اييي بلا احجي شنوو الموضوع

ميسلون..
رحت للغرفه نزعت حجابي والعبايه ووكفت اباوع لعماد بنظرات الخوف وهوه جان يباوعلي وعيونه تطاير شرار صاير بركان  م̷ـــِْن العصبيه
وجهه احمر وعروك ركبته بارزه ضل يخزر بيه واني لساني نربط آرٌيـّےـَِدِّ اطلع الحجايه ماكدر
عماد :- احجي شبيج سطرج العباس

ميسلون:- اليوم اتصلت بأمك ..

عماد :- ايي ؟؟

ميسلون:- ورحت وياها للمختبر..