..
قصتنا تبدي ب شارع حيفا ب احد الكافيهات جان كاعد هيثم موظف بجامعة بغداد وابن عم سراج موظف بدائرة الكمارك وجانو اكثر من اخوة وعلاقتهم قوية جدآ
-سراج شبيك؟
-مابيه شي
-لعد ليش ضايج
-والله ياهيثم محتار .. اكو مشكلة ومدا اعرف احلها واريد رأيك
-كول بلكت اعرف اساعدك
هيثم رغم صغر عمرة بس جان ذكي كلش من ينطي رأي ويعرف يتصرف زين وحجة سراج على المشكلة وجانت انو اكو واحد تاجر وشغلة مزكزك وعندة خروقات وهالمرة ناوي يطبب شحنة مخدرات بنص العاب مال اطفال ولازم سراج يوقع حتى تفوت للعراق وسراج جان كلش مظبوط ومايرضة بالعوجة بس هالمرة الضغط جبير وحتى فلوس رشو وماقبل
-محتار هيثم باجر الله يحاسبني شكول؟ ؟
-حقك بس هية الدنيا ماشية عكس
-بس راح اتحاسب ع دين الله اللي اجة بي النبي محمد (صل الله عليه وعلى اله وسلم) و عندي عايلة ماريد فلوس حرام
-بلغ عليهم .. اتفق ويا الشرطة يسوون كمين وينجازون وياهم
-والله خوش فكرة
ومر اسبوع وخلال هذا الوكت سراج بلغ الشرطة وصار يوم الكمين و ولزموهم بس للاسف التاجر دريد العاجي وبعد ساعة من الاعتقال طلعو وقبل لا يطلع دريد باوع ع سراج وضحك
-لا طلعت ذكي ونجر بس لعبتت بعداداتك من اندكيت ب دريد
-والله عاد كلمن وضميرة واذا انته تعرف كم واحد بلا ضمير فمو كل الناس مثلهم
-ههههههههه انته ماظلك شي و راح تطلع وعود سلملي على اللي راح تروحلهم
وبعد اسبوعين صارت المرافعة ودريد سوة شغلة و دفع وشال القضية واحد عادي وانسجن و دريد طلع براءة و صارت التهمة كيدية وسراج تخبل وجان خابر هيثم وطلعو يمشون بشارع حيفا وسراج مقهور
-يعني الله يرضا نبيه يطلع شخص محتال وتاجر مخدرات وما ينسجن ولك حتى الي هددني وكال اطلعك
-معليك منه المهم رضيت الله وضميرك بس اني خايف يأذيك
-يمعود الله واحد والعمر واحد
وبهالاثناء صار شي يوكف العقل اجت سيارة وفتحو الجامة وضربو طلقات ومشو
-سراااااااج لا تموت
-سراج ب اخر انفاسة.. هيثم... دير بالك ع اهلي.. ومات
وانهار هيثم واخذو للمستشفى وجان ميت وهيثم فاقد للوعي من الصدمة و
صبح الصبح وشالو الجنازة وهيثم طلعب ايدة المغذي ويبجي ع سراج ومن يردون يدفنو وكع بالكاع
-ولك انكسر ظهري من بعدك سراج خووويييية عمت عين التراب اللي يشيلك خوية ولك لو كاتليني وياك وميت ولا هاليوم اشوفة خويييية.
ابو هيثم-ابني بعد مايفيد كوم ارادة الله فوك كلشي
اندفن سراج ومرت الايام وهيثم مكسور كلبه واخذ اجازةمفتوحةوبعد 4 اشهر قرر ياخذ ثار سراج ويموت دريد بهاي ال4 اشهر هيثم جمع معلومات عن دريد وعرف مكانة ووين يروح ويجي وجان دوم يتردد ع بيتة بشارع السعدون وجان يسوي بي لمات مشبوهة شرب وشغلات عوجة وقرر هيثم ينتقم منه بس مايترك دليل لبس كله اسود وحد براسة قناع لان المنطقة كلها كاميرات.. السأعة 9 نزل دريد من سيارتة وهيثم جان خاتل ورى شجرة وبين مدا ايقفل اجته ضربة ع راسة من هيثم وسحبة واخذة ل عمارة قريبة تحت الانشاء وطش علية مي بعد ما ربطة وصحة دريد
-منو انته يا قذر
-فتح هيثم اللثام
-اني واحد بايع ومخلص واليوم اني خطفتك بوحدي وجبتك مثل الجلب وجايب مسدس عمي حتى افرغة براسك واخلص الناس من شرك
-دخيل الله ودخيلك كلشي انطيك بس لا تكتلني
-انجب ياعار تكتل الزين وانته تعيش يا عار .. صدك لو كالو العار مايموت واني اليوم راح اكسر هاي القاعدة
-لااااا عفية .
وضرب هيثم 5 طلقات 3 بلصدر و2 براسة ومات دريد بس خلال ما هيثم سحبة ل دريد شافة واحد و بلغ الشرطة اكو واحد مخطوف بالعمارة
لبس هيثم لثامة ويريد يطلع من العمارة شاف الشرطة وصلت هيثم بدة يركض والشرطة اقتحمو البناية و وبدت الطلقات ع هيثم وهيثم يجط من بيت لبيت ومن شارع ل شار ع لحد ما ضيعو الشرطة
$هيثم
ركضت ركضت لحد تيهوني كعدت بخرابة اخذت نفسي شوي وبديت اعبر من بيت لبيت لحد ما وصلت بيت سمعت احد ورى ألبيت مديت راسي واذا مرية تنشر ملابس ع الحبل وباب اللي جوة الدرج مفتوح.. جطيت و غافلت المرية وفتت للبيت جان عادي بس مرتب فتت واذا ولد ديلعب اكس بوكس بغرفة بصف الدرج وصوت برنامج ذا فويس وناس تاكل حب .. فكرت اطلع للسطح وحتى اكدر اطلع من ينامون وركضت ع الدرج بس جان باب السطح مقفول وماندليت المفتاح كلت خلي اختل بوحدة من الغرف جان اكو غرفتين غرفة مشتعل بيها ضوة وصوت ولد يحجي بيها ويضحك والخ مظلمة طبيت بالغرفة الظلمة شعلت ضوة موبايلي واذا الساعة 11 الا خمسة ظليت كاعد ورة الباب وسمعت صوت بنية دتصعد وتحجي ويا امها
فتحت الباب واني خاتل ورى الباب بس فتحت الضوة جريتها عليه وايدي ع حلكهة والمسدس ع راسها...
-كلمة وحدة اموتج
البنية جانت ترجف وتهز براسها واحس كلبها راح يطلع من مكانة
$ميار ..
جان يوم جمعة وغسلت بردات ونظفت وطبخت وورى العشا حطيت الملابس وغسلتهم وماما حلفت الا هية تشرهم ورحت دا اتفرج ذا فويس ويا بابا موظف بالصحةوعلي اخويةخريج تربية اسلامية ويشتغل محاظر اخوية وجان مصعب يلعب اكس بوكس بالغرفة وممدوح منتسب بالداخلية يحاجي خطيبتة سمر بغرفته.. صارت ساعة 11 طفينه وعزلت الكعدة وماما كالتلي صعدي نامي وبين مافتت للغرفة واذا احد يجرني ومسدس ع راسي وكلبي صار يرجف ماعرف شنو الصار
ظليت لازمها وساد حلكها .. بس من كد ما رجفت انقهرت عليها
-شوفي اني ماريد شي بس اني مهزوم اكو ناس لاحكيني فد ساعة اطلع من ألسطح وانهزم ولا اذيج ولا اريد اسوي شي ل اهلج بس لازم تصيرين عاقلة لان اي عيطة اكتلج واكتل اهلج.. ووخرت ايدي
-اندارت وباوعت عليه.. يعني أنتة مو حرامي ؟؟
-لا والله مو حرامي
-لعد ليش جايه؟ ؟
-ماعليج
-جان تفتح عيونها...هاي شنو معقولة سفاح
-ههههههههههه اي جدي ابو طبر واني حفيدة و دا اكمل المسيرة ... انتي شكد خيالية
-لعد مسدس وملثم شنو قابل دكتور انته
-شوفي .. ماعليج اني منو ساعديني انهزم من السطح ومعليج ولا شفتيني ولا شفتج
باوع…......... .
#يتبع
