(2)
-وين ان شالله ؟؟
-نازلة جوة
-ماكو نزلة لحد ما اطلع..صراحة مو مطمنلج
جرت ايدها.. نازلة اجيب كطن ومعقم واتأكد اهلي نامو حتى اطلعك لان مابية حيل فضايح
-وشعرفني حجيج صحيح؟؟
-يعني ابلغ الشرطة حرامي بغرفتي ويجون ياخذوك من بيتنه واني انفضح
جرها من ايدها وعيونة تجدح شرار .. اني مو حرامي واذا عدتيها اكص لسانج
خافت ميار وباوعت عليه وتريد تبجي ... الله يخليك لا تورطتي وياك اني معليه
عافها ونزلت وبهالاثناء هيثم فتش بغراضهةو عرف انو هية مرحلة ثالثة احياء بجامعة بغداد واسمها ميار
رجعت ميار وجايبة كطن وتعقيم ومي
-عقم جروحك وبدون صوت اهلي كاعدين ومالي خلك فضايح
واخذه منها هيثم وبين ما بدة يريد يعقم صاح ممدوح بصوت عالي من باب غرفته
يابة يمة يا ولد ميووور طلعو سمعوني .. وينكم
هيثم وميار تخربطت وضعيتهم وميعرفون شيسوون
-شون هسة وين اوديك؟ ؟
-راح اختل بالحمام وانتي لا تبينين شي .. طلعت ميار وكلبها يرجف.. شصاير واجوي اهلها من غرفهم
-شكو يمة شصاير
-يمة خابرو ربعي ديرو بال اكو واحد مهزوم وديدورون عليه كاتل رجال بالمنطقة ومهزوم وخاف تسمعون طلقأت او يجون شرطة لا يضل بالكم وقفلو زين خاف يطفر ع البيوت
-ماشي
-اووووف همته نخلص من هالناس التعبانة
طبت ميار وهية ترجف لغرفتها لكت هيثم واكف ويباوع عليها
-قاتل؟ ؟
-اي
-مصدومةميار .. يا رب شسويت حتى يجيني قاتل للبيت وكعدت ع جربايتها
واجة هيثم عليها
-اني راح اطلع بس خلي تهدأ الاوضاع
-ليش كتلته
-ماعليج
-لازم تحجي والا والله اعيط وافضحك وخلي اموت بس دم انسان بريئ مايروح هيج
هيثم فار دمة ولزم ايدها....اللي كتلته اكبر تاجر مخدرات بالعراق وكاظيها شرب وشغل عوج وهوة اللي كتل ابن عمي لان ما قبل يفوت مخدرات للعراق ..لعد مو حرام ينكتل ابن عمي لان خبر الشرطة وتيتمو جهالة بسبب واحد فاجر مثل دريد
ميار سكتت وتباوع ع هيثم
-جيبي المعقم والكطن اني كلبي خلصان وميار صايرة محامية
-ميار مصدومة شمعرفك بيه؟ ؟
هز راسة مو عاجبة حجيها وبدة يعقم جروحة.. هيثم جان شعرة اسود واسمر وشوي جسمة ناهض ومن بين الجروح ايدة اليمنة
-تعاي لفيلي الشاش ما اسيطر
-هاي مامعقمة زين
عقمت ميار وبين مدا تشد ايدة يباوع عليها ويضحك
-ليش تضحك ؟؟
-تدرين عيونج حلوات وشعرج هم
-ميار وخرت وخافت.. اسمع لك اني صح بنية بس صايعة كلش اكمشك العب بيك طوبة تحترم نفسك وتجر عدل
-ههههههه انتي بكد الكتكوت اذا اشاقى وياج اشيلج
-يعني هسة شنو اللي تريدة؟ ؟
-هههههههه كتلج عيونج حلوات ... مو غير شي حلو
-شكد ادبسز انته
-هيثم كام وفتح عيونة وجرهأ من ايدها ولواها.. من هذا الادبسز؟؟
-والله مو قصدي بس لا تسويلي شي
-كولي اسفة
-اسفة
اجت الشرطة للفرع والليلة جانت الدوريات تفر وماكدر هيثم يطلع وميار نامت ع طرف الجرباية باوعلها هيثم غطاها ودل يحاجي نفسه .. خلصت من هذا العار وارتاح كلبي بس شون راح اطلع من هالبيت... وهاي ميار تورطت وعرفت كلشي.. خاف تحجي ل احد... لا ما اعتقد راح اخوفها ... واحط مستمسك اهددها بي حتى اذا جرت عوج الوي ايدها ... بس والله عيونها حلوات ووجهة بريئ.. وبين ما يحاجي نفسة اخذته غفة وصبح الصبح نايم هيثم يم ميار واندك الباب الساعة 10 ونص وكامو هيثم وميار بخرعة وختل هيثم بالحمام وفتحت الباب ميار واذا امها..
-صباح الخير ميورة
-صباح الخير
-شبيج يمة شو عبالك مو نايمة
-لا البارحة ظليت اقرة ونمت متأخر شو امبدلة
-راح نطلع نتسوك ونتغدة برة بدلي وتعاي لان ممدوح خفارة اليوم و علي ومصعب طالعين سفرة
-لا لالالالالالا مااطلع
-ليش؟ ؟
-عندي امتحان صعب باجر واريد اقرة
-لا تجين
-ماما مالي خلك حتى نوم ما نمت روحي وعود خابروني ماعليه شي #يتبع
صدوك جذب ماكو تفاعل واني انزل للحيطان شبيكم 😭😳😐 هسه عاد بس تصويت حتى لو تعليق واحد عاد يرفع معنوياتي 😧
