(3)
-ماما مالي خلك حتى نوم ما نمت روحي وعود خابروني ماعليه شي
-تعاي قفلي الباب
راحت ميار قفلت الباب وصعدت لكت هيثم امدد ع فراشها
-انته شمبقيك ليهسة ويعدين شون تنام يمي انته ما تستحي
وبدت ميار تباوع ع هدومها خافت هيثم مسويلها شي
-هههههههههههههه عساس نايم يم هيفا وهبي.. اني احلى منج اصلآ نمت وخايف تسويلي شي
-شكد لسانك طويل.. ليش ما انهزمت
كام هيثم وسد دكم قميصة وعدل شعرة .. ماكدرت الليل كله الشرطة تفر وماكدرت اطلع
-و همته نمت؟ ؟
-هههههههه يووووو شبعتي نوم يلا نمت دخت من شخيرج وبس ادفرين نوبة ايد نوبه رجل تجيني الله يساعد زوجج عليج
-والله انته... وشال هيثم المسدس وحطة بحزامة
-شنو اني؟ ؟
-ماكو شي
-اريد اكل جوعان
-والله وتريد تبقى بعد.. الشرطة مو راحو يلا شتنتظر؟ ؟
-اطلع هسة؟ ؟؟ لا طبعآ ما يصير
-لييييش ؟؟
-نهار واطلع من البيت احد شافني شيحجون عليج راح يكولون يجيها واحد للبيت ويضربوج ب اخلاقج
-يااااربييييي يعني راح تبقى لليل ... هواي والله
-اطلع هسة وخليج على كل لسان؟
-استغفر الله..
نزلت ميار ونزل هيثم غسل وجهة وشعرة وفاتت للمطبخ وميار جانت دتسوي ريوك
-عفية جاي ترى مصدع وراسي راح يطك
ميار بصوت ناصي...ان شالله يطك واخلص منك
-شدتحجين علي صوتج
-دا احجي ويا الطباخ
-ما شالله حتى الجماد يحجي وياج
-حطت الريوك وصيت جاي وكعد ياكل وكامت ميار
وين؟
شتريد
تعاي تريكي
ماريد
اني ماحب اكل وحدي
واني ما حب اكل وياك
صاح بيها تكعدين لو شلون
كعدت ميار وبدت تاكل باوعلها..
ناس ماتجي الا بالعين الحمرة
كملو ريوك ودتلملم ميار الاكل
-ها شتسويلي غدة اليوم
-والله عاد صرت فلبينية لحضرتك سيد
-هيثم .. اسمي هيثم
-هاي اسم المستعار الله العالم اسمك الاصلي شنو
-السفاح حفيد ابو طبر
-ههههههههه والله كلش لايك عليك
-شراح تطبخين
-ماعدنة غدة شنو خوما كلسع اكل
-شوف البخل وهاي اني ضيفج
-والله اللي يجي بدون عزيمة كلشي يتوقع
-اووووف بدت تعير بيه خلص ماريد شي
-راح اسوي اندومي
-الله كلش احبها سوي كمية زينة لان احبها كلش
-هم مهزوم وهم تشرط وفوكاها حشاش
هههههه لازم انعجبتي بيه
باوعتلة من فوك ليجوة.. انت شايف نفسك ابو المولدة احلى منك
اييي ظلي كولي هيج تاليج توكعين ع بوزج.. اني محد يكدر يقاوم ومايحبني...
اهااااا ولا يكعد جاستن بيبر ... اروح انزل كتبي واقرة احسلي
وبين مانزلت كتبي اقرا ب الاستقبال مدد هيثم ع القنفة وظل يلعب بتلفونة وظليت اقرا لحد ال1 والتفتت واذا هيثم نايم ياوعتلة واني بداخلي روحي تحاجيني
اوووووف هذا منين اجاني اني ابيت اهلي وجاني مثل القدر المزحلك ...لا بيه ابلغ عنه ولا اكدر احجي ل احد خاف يأذيني شون راح اخلص ماعرف قربت عليه لكته نايم تلمست شعرة وخافت وراحت للمطبخ
تسوي اندومي وكلبها يدك.. يا ربي شسويت اني هم زين لو كاعد جان عبالة غير شي اني صدك ماعرف شصار بيه هأي لان ما شايفة ولد قبل وشفته غريب .وبين ما تطبخ اجاها
جعت وين الاندومي
شوي وتستوي
بيتكم يجوع وينعس .. فتح الثلاجة ولكة عشا البارحة كباب وزلاطة وبتيته مكليه
الله الله الله العشك بالثلاجة بتيته مكلية هاي نقطة ضعف
انتة شو تتصرف عبالك ابيتكم
شنو يعني فتحت ثلاجة قأبل فاتح كنتورج
لسانك طويل
ع الاقل عندي لسان بس انت عندي ذيل حصان
صبت الاندومي وبدو اكل وبين مدا ياكل
الكباب هذا شي خرافي امج صدك طباخة
اني سويته مو امي
ولا طيب اني لو ما الجوع ما اكلة
مثل البزون تاكل وتنكر
لعد خوما امدح اكلج وفوكاها عيونج حلوات .. اكيييد راح تشوفين نفسج
اكعد راحة خلي اليوم يمشي ع خير كامت ميار وحاصرتها ضحكة
ب الله عود من تكملين ضحك كوب جاي
اصلآ مدا اضحك
هااااا خوش لعد جاي
كوم سوي لنفسك
اووووف بدت تذمر الله يساعد اهلج عليج ..
بعد ساعتين رجع علي ومصعب وجنت ماخذ اجازة اسبوع بين ما ارتاح وقافل جهازي لان اعرف ميار راح تتصل وفتحته بعد 4 ايام ولكيت 88 مكالمة و15 رساله من ميار وهية تحجي عليه طلعت خاين الملح والزاد وراح افضحها
ودزيتلها كتلها اني عندي اعراض وما افضح اعراض الناس بس انتي لازمة علية لزمة وهيج خالصين لا اني احجي ولا انتي تحجين
بس وصلت الرسالة 6 دقايق واتصلت
-يا هلا يا هلا
-لا هلا ولا مرحبا ما تستحي تسوي هيج فوك ما ساعدتك ووكفت وياك هيج تجازيني
-صبري لا تتعصبي انتي ساعدتيني وعلى راسي وماناسيج بس أنتي تعرفين عن اشياء ممكن تأذيني واني ماعرف عنج شي ولازم امن نفسي….
#يتبع
