كروب فتيات عراقيات

نبع الحنان

من چنا زغار ... چنا نكره الحمام ليش ...؟؟؟
لأنه أمهاتنا چانن يعذبننا تعذيب لما يسبحونا ..
والله لما تگول لي گوم للحمام يركبني جني من الخوف تگول بزونه محشوره بغرفه ..
تبدأ رحلة العذاب من نزع الملابس
تنزعني البلوزه عبالك تنتف ريش دجاجة .. وأذاني كل إذن بجهه ،
طول وقت الحمام ينرادلك تبقى گاعد قرفصاء علی التخته ..
زين يايمه .. والله رجليه توجعني ...
بسرعه تناوشتني براشدي طيار وتگول ... إنچب ..!!
أما ..
بالنسبه للمي .. لازم یکون تحت درجة الغليان بشویه
يايمه لحمي ذاب (انهریت) ...!!
همینه جاني الطراك الثاني ..
ولمن تفرك راسي تگول تفرك بمصباح علاء الدين السحري ... علمود يطلع الجني ..
وراسي يطوطح يمين ويسار ،،
تگول عبالك هندي ..
والمشكله لما ينزل الصابون على وجهك وتريد تشيله تتشوه ملامح وجهك هاي غير حركة العيون ..
المشكله انه الصابونه غار (رگي)
طبعا هاي الصابونه .. أقسى من حجر الحمام الخاص بفرك الرجلين .
فقرة التلييف ...
تلزم الليفه وتفركها بالصابونه وهي تباوع عليك ..😠
تگول گصاب يحد سچاچینه للذبح ..
طبعا ربنا حامينا وإلا على هذا الفرك للجسم تسوي شلل كامل .. الحمام بالسرا .. والجبير قبل الصغير ..
ولما أسمع أخويه الچبير يبچي وهي تسبحه وآني بثاني غرفه أصير أبچي تلقائياً من الخوف ..
بعد هذا الحمام ...
تباوع بالمرايه والبخار يطلع من جسمك وكانك جدر ضغط مفتوح ..
الأصابع مجولگه ولون جسمك أبيض وأحمر ، طبعاً من الفرك ..😡
~~~~
بالنسبه لتلبيس الهدوم ...
رأسك أكبر من فتحة البلوز
بخمس مرات وتريد يدخل راسك ..!!
گوه وتلبس أول بلوزة والثانيه المصيبة ...
والطرگاعه لما تگول .. إلزم الردن
لاتفلتهه من إيدك .. حتى تلبس البلوزة الثانيه ...😬
ويا ويلك اذا تفلتها ...💂
مع حمام الغالية .. حتى لو انت صومالي ..👳
تصير ابيض .. 🏊
😔😔
بروح امك الغالي كم ملصق 😘