زهرة ..

زهرة 5

صباحكم عنبر

زهرة
ج 5
سوزان المندلاوي ..

اخيسة بالسجون .

ابالج تنهزمين ..

سهله ..ماكو اسهل منها يابنت عمي

رجعت انداريت عليه ..اكو ..صرخة مخنوكه بداخلي

عيوني غرغرت دموع .

كتله الي تريدة شنو ..

كال الي اريدة واضح ..

حيل..

شكد احاول افهمج صعب حاليا ..

بس لا ظنيني ..اتهاون وياج زهرة ..

انتي حرة بعد بالي تسوي ..

مسحت عيوني ..

كتله ..الي تريدة احسبة صار ..

بس عف عن فارس ..
ضحك ..كال هيج تحبي ..؟

مالك دخل احبه ولو لا ..

وعفته ومشيت ..

طبيت احس الحجي هوسة بهوسه ..

وريحة الاكل تكفخ بخشمي ..

والجهال صوتهم عالي ..

والنسوان كركر كركر تسولف ..

لزمت الحايط احس روحي ساحت مني ..
اريد اوكع ..

بصفي السنك ..

وخرت الربطه وغسلت ةجهي اكثر من مرة ..

احس نار بي.

وانداريت..
صحت يمة .

تعاي. .
اجتي يمي ..
كتلها اني رايحه للبيت وراح اخذ الجهال وياي ..
كالت اوكفي تعشي وروحي

كتلها ماريد

اصبري ..
لميت روحي وعدلت الربطه ..

اكو مرايه فوك السنك ..
اول مرة انتبهه ع ملامحي زين ..

عيوني كبار صفر ..
وسمرة ..
وخشمي صغير ..

وشفتي ..هم ..
شفت نفسي متغيرة هوايه مو عبالك اني ..

الي اعرفها ..
ضليت اباوع ع نفسي ومتعجبه بروحي ..

امي ندهتني ..
هاج ..
كتلها شنو هذا ..

كالت عشا الج وللجهال ..

كتلها ماريدة رجعي اني اكلي طماطات وناكل

خنزرت عليه اخذي ..
عفتها ومشيت ..
طلعت نص الطرمه ..

اسمع ابوي صاحني .

درت وجهي ..
ها يابه ..
اجه قريب مني

بويه قفلي البوب زين ..
و حتى باب غرفتج ..

سكت صاح كاظم كاظم ..امشي بات ويا اختك..

لا تخليها بروحها ..