زهرة ..

ج 30

صباحكم عسل

زهرة
ج 30..

مرهقة  وخائفة انت وطويل جدا مشواري ..

طريقي المجهول ..
الى اين ..لا اعلم ..
انا في الغابة تائهه
..مظلمة..باردة ..
يحاوطني الضياع ..

.تتخبط..
روحي ..بأشجار الامل  ..
وتتكسر..احلامها

لتعلن ..الهزيمه والانكسار ..

وترعد سمائي وتمطر غيثآ..

تعلن .ثورة القوى ..
وتخضر ارضي ..
وينبت منها ..عود الزهر ..

وتتفتح زهور ..حياتي ..

وتنجلي ..الغيوم ..

بعبيق رائحة زهرة ..

حياتي ..

كام من يمي و واخذ ويا الفانوس وطفة الشمع ..

خليت ع ايدي ..دموع والايد الثانيه مديتها لحسام..

كتلهم غمضو عيونكم ..
باجر الله يحلها النا ..

لا تخافون ..
حسام / زهرة امي وابويه وين صارو
درت وجهي عليه ..

حبيبي الطريق يخوف ..اكيد ..بس يهدى يرجعون

نامو ..ارتاحو ..

باجر نروح لاهلي ..

رند / حلو بيتكم ..

ابتسمت الها ..اي حلو لا تخافون ..ابد ..

دموع وياهم ..دردم ..

يلا كافي كلام نامو .

غمضت عيوني ..

وانتظر يوم غد يكون اجمل ..

من الهبطه وتعب ..

بس غمضت عيوني ..نمت ..

اشوف نفسي بمزرعه ..المختار..

كاعدة بين الزرع ..

ودموع والجهال يلعبون ..كدامي ..

واني ابتسم الهم ..

كامت ..ترعد ..

كمت من مكاني ..

جريتهم ..
وبقيت اتلفت ..

المطر جان قوي حيل ..

حضنتهم ..حيل ..

اشوف واحد من بعيد ..

يتقرب علينا ..وينزع سترته يغطينه بيها ..

رفعت راسي اريد اشوفه منو ..

افز من نومي ..

الحهال ماكو يمي ..

كمت بسرعه اسمع صوت لعبهم ..بعيد ..

اخذني الصوت ..

للمطبخ ..

المطبخ قديم ..وجدرانه كلها رطوبه ..

حتى الكاوتتر ..

الزولية كل شي قديم ..
اول ماطبيت الجهال ..
تعاي زهرة ..
اتريكي عدهم بيض ..وخبز حار ..
اندارت عليه الحجيه ..
وبينت ملامحها من شعاع الشمس الي يدخل من جام المطبخ ..