زهرة ..

ج 26

صباح الزهور

زهوة
ج 26
الفصل الثاني

شصار والله مسويت شي ..

كال عمار سال عنج ..وطلبج مني،..

شطلب اني مجاي افتهم ..كلامك ..

كلي بكل بساطه ..
استاذ عمار .معجب بيج وطلب يتعرف

عليج ..

حتى بالكي يصير حب وزاج ..

بقيت صافنه عليه ..

بس اني مسويت شي والله ..

سويتي او لا ..طلعه ماكو ..طبه ماكو ان مديتي راسج منا ..

اكسر ركبتج ..

طبت بيناتنه ام رند .حجي بالله عليك ..هو شمدري،هي مزوجتك ..

وعادي الي،صار .

وزهرة جانت ويايه ..ومسوت شي غلط. .

كال لوما هي تنطي مجال ميجرئ،..ويسوي هيج ..

بس هي مو راحة ..

شهكت ..كتله اني ابد والله اقسم

الك .واساله وشوف،..

لا سويت ولا شي ..بس،هو عينه ..وصخة ..

كال نسيتي مين جبتج زهرة خاتون ..

باستهزاء ..

وشكد دفعت فلوس حالج من حال اي غرض مشتري ..

نسيتي .بيت القمار ..وصب الشرب،..

خاف نسيتي اذكرج ..انتي شنو ..

تاذيت بكلامه .حيل ..

كتله مدام اني هيج. .طلكني ..

وعوفني ..لا انت الي مزوجني ومسجل هالطفله باسمك

ولا انت الي عايفني طلكني،..وخلي اروح ..

حسيت ..شي انضرب علية ..

اباوع ..فازة ..شمرها ...

وصار مثل المخبل ..

جرني من شعري حييل ..

ودفعني برة المطبخ ...

بدفعته وكعت ..

كال طالع الج اللسان روحي ..للي تطلكين علمودة ..

وسد الباب ..

اسمع صوته هو ونعمان وصوت صريخ دموع باذني يرن ..

كمت ..

دكيت الباب افتح حجي ..
افتح انطيني بنتي افتح ..
وشويه شويه الصوت بعد ..

حتى صوت بجيها صار صدى ..

بقيت ادك ..بالباب واتلفت ..دنيا لليل ..
وظلمه ..وهوى بارد ..

حجيي افتح ابوس ايدك اريد بنتي

ام رند ...نعمان فتحولي الباب فدوة ..