#بنت الريف7
البارت السابع
هذا البارت لعيونكم
وصلنه للبيت ودزيت على اهل زهره
وانطيتهم التقرير الي اخذته امي من الدكتوره
دليل برائتها
امها حظنتها وبجت وكالت جنت متاكده من هذا الشي
واخوتها سكتو تنهدو
بعدين طلبو منها تكوم تلم ملابسها
وترجع لحياتها القديمه مرفوعه الراس
طلبو مني اطلكها
كتلهم اني ما اطلك اله هي تطلب بلسانها
سالوها زهره تتطلكين
زهره:مارديت تعودت ع سيف وع وجوده بحياتي صعب اعوفه وهو الوحيد الي ساندني بازمتي ونقذني من موت محتم بس جنت محتاجه ارجع لاهلي كم يوم وافكر بكلشي مريت بي
رجعت ويه اخوتي للبيت وكنت مرتاحه نفسيا فتحت الكنتور طلعت من ملابسي القديمه وجبه وشال وطلعت للبستان افتريت بي وافكر هذا البستان الي جانت بي اجمل ذكرياتي ويه بابا هنا لعبنه وهنا ضحكنه وهنا اشتغلنه ومنه اكلنه وعشنا انداريت ع شجره حفر بيها بابا اسمائنا حظنتها وكمت ابجي
اوووووف شكد مشتاقتلك يابابا
مشتاقه لحظنك الدافي
لو انت موجود جان محد مسني بشي جان محد اذاني
بابا اني زهرتك شوف شصار بيه
شوف شكد اتاذيت هنا بنفس المكان صارت الحادثه تغير البستان من اجمل ذكرياتي الى اتعسهن والى مكان مرعب لقبته بداخلي((البقعه المظلمه)) كمت ومسحت دموعي ورجعت للبيت
ساعدت امي واختي بالعشاء اتعشينه وغسلت اختي المواعين طبعا بيت اهلي مو مثل بيت سيف بيت اهلي غرفتين نوم وحده للولد وحده النه وهول ومطبخ فتت لغرفتنه فرشت فراشي بلكاع وكعدت افكر شلون اعوف سيف حسيت بداخلي تمسك غريب بسيف كانه صار جزء مني
غفيت. حسيت على علي يصيح زهره
فتحت عيني
لكيت علي جايب علاكه حلويات
مثل بابا قبل
علي من بعد بابا استلم هو المسؤليه وكام يسوي كلشي جان يسويه بابا النه قبل بس صار مده طويله على اخر مره سواها علي
حسيت شعور غريب
ما اتمالكت نفسي
حظنت علي وكمت ابجي
مد ايده علي وحظني وخلاني ابجي ع راحتي لحد ما هديت
جمعنه وكمنه ناكل حلويات ونلعب محيبس مثل ايام قبل نعست ورحت نمت
كعدت الصبح لميت فراشي
فتحت الباب لكيت امي تخبز على التنور الطين وريحه الخبز الحار تجنن
ركضت اخذت سطل ورحت حلبت الابقار وجبت الحليب فورته وصفيته
وطلعت عسل وجبن ودهن حر
وخدرت الشاي ورحت لقن الدجاج جبت بيض وطكيته ومديتلهم السفره
فاتت امي شايله الخبز ركضت عليها
اخذت الخبز منها ونطيتها كلاص مي
كعدو اخوتي كالوا هاي شنو شنو هلابداع علصبح
كعدت اصبلهم شاي او حليب حسب رغبه كل شخص بيهم
اندكت الباب
فتح علي الباب طلع سيف
سلمو عليه وكلوله اتفضل
