#بنت الريف6
البارت السادس
مانمت من الالم مال الضرب والاكثر الم القلب معقوله سيف يصدك اني اسوي هيج شي.
ما اصدك معقوله صابرين تسوي هيج باخوها
بقيت كاعده للصبح
الصبح اجه سيف طلعني
كال ما الج كعده هنا ترحين للبيت مال اهلج
واطلكج وشيريدون يسون بيج يسون
انتي مو وجه نعمه
زهره:عفيه الله يخليك بس اسمعني ونزلت يم رجله اتوسل لان اذا رجعني راح يزوجوني لرافع
عفيه الله يخليك اسمعني
والله اني مظلومه
صابرين جابتلي عصير ومن شربته دخت وفوتت عليه اخوك والله اتفاق بيناتهم
عافني وركض على صابرين للمطبخ
صاااااااااابريييين
انتي شمسويه
صابرين:والله ماسويت شي هاي تفتري عليه والله ماسويت شي
جرها من شعرها وضربها راشدي
بعدها بس رادت تحجي ضربها الثاني
وجرها شحط لغرفتها وقفل الباب
بس نسمع صوت الصريخ
اخر شي سمعتها كالت اريد اخلصك منها
والله هاي ممربايه
اني سويت هيج حتى اخلصك من شرها
بقى يضرب بيها ويعيط ويفشر وبعدين طلع وقفل عليها الباب
وكال اصعدي لغرفتج وممنوع تنزلين لحد ما اجي
وطلع جان عنده فحص لرجله علمود الاصابه
بقيت بغرفتي وونمت وارتاحيت للظهر حسيت الباب انفتحت
سمعت صوته اتنهد سويت نفسي نايمه
كعد علسرير وكال
ادري بيج كاعده بس ما تحبين تشوفيني
اني غلطت بحقج اني اعتذر
بقيت ما احاجيه
ولا اريد اشوفه
بعد يومين اجوي بيت عمه وخطبو صابرين ولان واحد من ولدهم متوفي جديد ما حبو يسوون عرس جبير اخذوها بشي بسيط
بعد ماراحت صابرين عشت هدوء فتره مؤقته من الزمن
صح شغل البيت كله عليه وصح عمتي تسمعني كلام علرايحه والجايه بس بدون مشاكل
بعد فتره كمت احس الم ببطني
وبده الالم يزيد لحد ماكمت اعيط من الالم
اخذوني لطبيبه نسائيه
الطبيبه سالتني متزوجه؟
قبل ما ارد ردت عمتي كالتلها اي هي مو بنيه اصلا
الدكتوره كالت يمكن حامل وعدها اسقاط
فحصتني جان تعيط هاي شنو
كومي ماما كومي
كالتلها عمتي شكو
كالتلها اشلون تكولين مو بنيه هاي بعدها بنيه
هنا عمتي انصعقت
واني بس صافنه كلشي مفتهمت
كلت للدكتوره يعني شنو
شرحتلي كلشي الدكتوره وهنا بجيت
وسجدت لربي بنص غرفه الدكتوره
عمتي جرتني من ايدي
وطلعنه بره
بحديقه بصف العياده
كالتلي هسه تحجيلي بلتفصيل
حجيتلها كلشي بتفصيل وعمتي متحملت كامت تبجي
كالت ظلمتج يابنتي
وعدتني من اليوم ما تخلي احد يمسني بحرف
رجعنه للدكتوره وسالتها لعد شبيها
كالتلها عدها تهيج قالون عصبي وكتبتلي ادويه ورجعنه للسياره عمتي لازمه ايدي
سيف:انصدمت من شفت امي لازمه ايد زهره
خير شنو لصار وزهره شبيها
-يمه زهره خوش بنيه وانظلمت هوايه ولازم انساعدها ونعوظها
سيف:استغربت من كلام امي وكتلها شنو لغير رايج بزهره
-سيف زهره بعدها بنيه واحنى واهلها ظلمناها
سيف:انصدمت من الي كالته امي بس بداخلي فرح وخوف فرح لان زهره اثبتت برائتها وخوف من انه زهره تتركني وترجع لاهلها وحياتها وشلون راح اعيش من دونها اذا راحت وخاصه بعد ما عشقتها وما اكدر على فراكها شلون راح اعيش من دونها. وبديت افكر شلون امنع زهره من الابتعاد عني بدون ما اذيها واجرحها
يتبع...
