#بنت الريف
البارت العاشر
حيدر:لحكتها شفتها فتحت الكنتور ولعبت بالملابس وسدته وطلعت
رجعت دخلت وراها
وفتحت الكنتور
والعفو منج زهره دورت بملابسج ولكيت
ذهب نهال وعرفت صابرين سوت هلشي حتى تتخلص من زهره
زهره:اني اشكرك حيدر
ا
حيدر:العفو هذا اقل شي اقدمه الج بعد لسويته بيج
سيف هجم ع صابرين خلص عليها وحبسها بلغرفه مالتها ومنع اي شخص يفوت عليها واخذ المفتاح وياه
من يجي يفوتلها اكل وجبه وحده
وحمام اكو.يمها بلغرفه
اني بهلفتره كلش مريضه
مجان الي خلك افكر
جنت بس احس بدوخه قويه ومرات اريد اوكع
واتقيء ونفسي تلعب من كلشي
مرت الايام جدا هادئه ورجعت اقره حتى امتحن السنه الجايه
عمتي كالت اليوم نعزل البيت ونزلت البردات غسلتهن ومن يبسن كويتهن وصعدت علكرسي اعلكهن وعمتي يمي حسيت بدوخه كلش جبيره
ورسا وكعت بدون ما احس ع نفسي
-ياا يمه زهره شجرالج عزه زهره يمه باوعت زهره وكعت بلكاع
اصيحها متكعد
صحت علولد
سيف جان طالع
اجه عباس وحيدر
عباس شالها مثل طفل من يشيلوه
هو لابس قميص ابيض حطها علقنفه
صار بردانه دم
كال يمه البنيه تنزف
رجع شالها ولبست عبايتي وركضنه للسياره وكبل للمستشفى
بلطريق حيدر دك على سيف وكله تعال للمستشفى مرتك وكعت وكامت تنزف
وصلنه للمستشفى اخذوها الممرضات والطبيبات وبعد الفحوصات كالو محتاجه دم بسرعه نزفت هوايه
شنو فصيلة دمها
B+
عباس
اني فصيله دمي مثلها وراح يتبرع
الدكتور الجنين مهدد.بلاسقاط والام تعبانه ومحتاجه دم بسرعه
حيدر:جنين شنو يعني هي حامل
اتبرع عباس بالدم ودكينه ع كريم اخوها اجه هو وعلي وامها
وبعدين وصل سيف.
بقت يومين بلمستشفى
بعدين الطبيب كال الحمدلله صارت زينه
اخذناها للبيت وكلش فرحانين بخبر حملها
زهره:وصلنه للبيت تلكتني نهال بخوف عليه بوستني
بس من عرفت بحملي ضاجت
انقهرت خطيه
تغيرت نهال عليه وكامت متكلمني وتباوعلي بحقد
اما صابرين بقت تحوكلي المشاكل بس كل محاولاتها تفشل
اما عمتي كامت تدللني
مرت اشهر جدا هادئه عليه واستمريت اقره
فتت بشهري التاسع والدكتوره كالت تكمليه يلا تجيبين
صعدت انظف بغرفتي
صاح سيف عليه جوه
وصلت للدرج وماحسيت الا اجتني دفعه من وره
وكعت علدرج
للكاع
فتحت عيني ردت اكوم مكدرت
كان كل جسمي مكسر والم فضيع
حسيت بحراره قويه باوعت شفت نفسي سبحانه بمي الطفل وومن الالم اغمى عليه
حسيت على الدكتوره من كالت هسه تدخلوها غرفه العمليات
رجعت فقدت وبعد ما حسيت الا والكل ملتم على راسي
لزمت بطني واني ابجي
سيف:لتخافين اطفالج بخير
زهره:اطفالي؟؟
سيف:اي حبيبتي جبتي ولد وبنيه وسميتهم فهد وشهد
واحنى فرحانين بالخبر نهال عافتنه وطلعت
كالت اروح اشرب مي
وبعد ساعه رجعت نهال وبيدها ورقه وعيونها مورمه من كثر ما باجيه
سالناها شكو شبيج بس جانت ايديها ترجف ومتكدر تحجي
كعدها سيف ع كرسي ونطاها مي وعباس سحب الورقه من ايدها وفتح عيونه وكامت دموعه تنزل تلقائيا بدون وعي
--يمعودين شبيكم تبجون شكو شبيها هاي الورقه
جر حيدر الورقه من ايد عباس
كال هذا تحليل بس ما اعرف اقراه
-نزل عباس وسجد سجده شكر لرب العالمين بدون. ما نفهم شنو الفلم بعدها حظن مرته وباسها من راسها وهمه يبجون
بعدين كال مرتي حامل
كلنا فرحنه لان الله جازهم على نياتهم وعوظهم
طلعت نهال من رايحه لاهلها مراجعه يم دكتوره زينه وناطيتها علاج وصار عدها حمل طلع شي بسيط بس مجانت تروح للطبيب المناسب اما الي دفعني كانت صابرين بس محد حاجاها لان بعمرها مراح تتغير بس طردها سيف لبيت خالتها
رجعت للبيت واستمريت اربي اطفالي واكبرهم نهال جابت ولد سمته عبد الرحمن
وهسه هي حامل ببنت
اني امتحنت ثالث وسادس وهسه اني كليه
تربيه قسم انكليزي
اما صابرين رجعت لزوجها وبعد ما شفناها ولا شافتنه
........................................
الى هنا انتهت قصة بنت الريف اتمنى استمتعتو بقرائته كنت حابه اضيف احداث اكثر بس ما ردت تملون وهوايه منكم طلبو اكمل القصه بسرعه لهذا السبب كانت قصتي وياكم جدا قصيره اتمنى تكتبون ارائكم بس بدون كلمه تم او ملصقات مجرد اراء واتذكروا رئيكم هو دعم الي
تحيه لكم مني انا.....
كاتبتكم.هند العبيدي
