#بنت الريف
البارت الثالث
سيف:اندرتلها وكتلها زهره لا تخافين اني مراح اذيج انتي اليوم نامي بغرفتي واعطيتها مفتاح الغرفه وكتلها قفلي الباب من الداخل حتى تكونين مطمئنه واني اخذت بطانيه ومخده وطلعت للهول نمت
زهره:ركضت قفلت الباب وبقيت ابجي للصبح يلا غفيت. كعدت الظهر
فتحت الباب على كيفي كنت خايفه من هذا الشخص الغريب الي اهلي شمروني يمه طلعت للمطبخ. كاتلني الجوع
ملكيت احد الحمدلله لكيت اكل سيف مجهزه اليه اكلت وكمت اشتغلت كملت شغل البيت وسويت غده وبعدها فتت للغرفه
وكفت علمرايه وصفنت ع نفسي
.............
معقوله هاي اني زهره
هاي شصار بيه
جنت مدلله شنو الي تغير
شفت عيوني مورمه واثار الضرب بيه ..
نزعت الشال شعري وحواجبي ماكو اختفو
ليش هيج صار شنو الي تغير
اني ما غلطت بشي حتى اعاني من كل هذا.....
وفجاه..
فات سيف رسا لزمت الشال مردت يشوفني بهيج منظر
سيف:لزمت ايدها وجريت الشال منها واتوجهت للسرير كعدت علسرير وبيدي الشال ودنكت راسي حتى متخجل من اباوع عليها بدون شعر
كلتلها
سيف:زهره كلشي يرجع لوضعه. شعرج يرجع يطول وحواجبج ترجع واثار الضرب تروح. والالم لتحسينه والمشاكل كلها تروح
بعدني ممكمل شفتها مخنوكه رادت تبجي
حبيت اغير الموضوع كلتلها: زهوره لوين وصلتي بلدراسه
استغربت سؤالي وكالت:
سادس ابتدائي وسكتت.
كلتلها:شاطره جنتي لو كسلانه.
هي نست كلشي واندمجت بلحديث اجتي مبتسمه وكعدت يمي علسرير وكامت تسولفلي عن ايام مدرستها وشكد جانت شاطره وتحب المدرسه وشلون تتمنى تكمل دراسه
زهره:اندمجت ويه سيف كانه صديقتي وبقيت اضحك واسولفله عن ايامي ويه صديقاتي وايام المدرسه الحلوه والمواقف لتضحك وهو مستمتع بحديثي نسيت هو غريب عني حسيته فعلا يعرفني صار سنين وحسيت بالطمئنينه
سيف:زهره حضري نفسج نروح للسوك نشتري غراض لغرفتج
زهره:حظرت نفسي لبست جبه وشال
وطلعنه اخذني ع محل يبيع غرف نوم واشترالي غرفه نوم مال نفر كلش حلوه وعجبتني جنت طايره بيها حسيت للحظه والدي ويايه وبعدين اشترالي فراش وفرشه وبطانيه ومخاديد رحنه للملابس مقبل اشتري مثل ما يلبسون اهل الريف
سيف:منعتها تشتري دشاديش وجبب هي طفله وحررام تنحرم من حياتها بهيج طريقه
سالتها انتي محجبه كالت لا بس لان بلريف مجتمعنه حكمني الف شال
كتلها تريدين تتحجبين
كالت لا
محبيت اجبرها هي طفله كتلها اذا متحبين لتلبسين حجاب
اشتريتلها تراكات وبرمودات وملابس طلعه مستوره ومرتبه بناطير وتنورات وفساتين شي يختلف عن لبس الريف وبحياتها ما لابسته
زهره اخذني لمحل يبيع ملابس مدرسه واني انصدمت
هاي شنووو
سيف:ملابس مدرسه
زهره:يعني شنو
سيف:من اليوم تداومين مدرستج
زهره :صدك والله ومن فرحتي حضنت سيف بلشارع بدون ما احس
سيف:اشترينه ملابس مدرسه ودفاتر وكتب وقرطاسيه
يتبع...
