فيصل
كنت بالشركه اشتغل وملتهي ويه العمال واتابع شغلنه لان راح تجينه طلبيه جديده لازم نجهزة ومحتاجين وقت وجهد حتى نكمل شغلنه ووسط زحمة الشغل اتصل بيه عمي الشيخ جواد وطلب مني اجي بسرعه واجيب همام وياي كلتله صار وقفلت الخط وياه واتصلت بهمام
..الووو همام وين انته
.انه بالشركه شبيك فيصل اكو شيء صاير
..لا بس الشيخ جواد يريدنه نحظر للمظيف
.شوكت يريدنه
..هسه طلبنه نجي وبسرعه يمكن عنده اخبار جديده يريد يخبرنه بيه
.صار انه جاي عليك للشركه حتى نطلع سويه بس خلي واحد من الولد يلزم مكانك
..صار اخوي انتظرك
.مع السلامه
..الله وياك
قفلت الخط ويه همام وكلت لرضا يلزم مكاني لان عندي شغلة ظرورية اني وهمام رايحين سوة ولا يظل بالكم خاف نتأخر
رضا ..ولا يهمك اخوي بس انتبهو لنفسكم وحاولو تطمنونه عليكم
فيصل ..اي صار يلا سبع راويني همتك بالشغل عدنه طلبيه لازم تخلص قبل ساعه ١٢
رضا ..اي يخوي من عيوني
فيصل ..يلا انه اترخص منك
رضا .. مرخوص اخوي الله معك
فيصل طلعت من الشركه اتصل بيه همام كلي انه انتظرك بالشارع رحت عليه لكيته ينتظرني برة صعدت وياه ورحنه لبيت الشيخ جواد اول ما وصلنه لباب القصر استقبلونه عمامنه بالذبايح والهوسات وصار رمي بالقرية فرحانين بجيتنه لكن احنه كنا نتصرف بشكل طبيعي تقدمنه عليهم سلمنه عليهم واحد واحد بعده ولد عمانه عرفونه عن نفسهم
واجه علينه ولد طويل اسمراني شكله هيبه وحلو ومبين شخصية قويه تقدم باتجاهنه جان لابس دشداشه خليجيه وحاط اسلاحه بخصرة سلم علينه وعرفنه عن نفسه كال انه محمد ابن شيخ جواد جوابناه اهلا وسهلا تشرفنه بيك
محمد ..انت الشرف ولد عمي تاج راسي وحزام ظهري ساعة الشدة
همام ..دك على جتفه والنعم منك ابن العم
محمد ..حياكم الله تفضلو الشيخ ينتظركم
دخلنه للمظيف واستقبلنه الشيخ جواد
يا هلا يا هلا حلة البركه اهلا وسهلا هلا بالسباع
همام وفيصل ..اهلا بيك شيخنا
الشيخ ..استريحو استريحو هنا
همام ..مشكور شيخنا ما قصرتو والنعم منكم
الشيخ ..نورتونه بهاي زيارتكم
فيصل ..النور نوركم شيخنا
الشيخ ..بويه محمد
محمد ..تآمر شيخنا
الشيخ ..صبو الغدة لولد عمكم
همام ..لا عمي مشكور ضيافتكم على عينه وراسنه بس احنه جايين لاجل نعرف بشنو محتاجنه وطالعين لان عدنه ضيوف منتظرين جيتهم لبيتنه وزحمه نتأخر عنهم
الشيخ ..صفن شويه بعدين رد خلاص بويه على راحتكم بس المرة الجاية تحسبون حسابكم ضيافتكم علينه
همام ..على راسنه والله ان شاء الله المرة الجايه والجاي اكثر من الرايح
الشيخ .. سالم راسك ، جا يا بويه ادخل بالموضوع واسولفلكم كل شيء بس قبل كل شيء بويه محمد جيب النه حجي عواد وابنه
محمد ..على امرك شيخنا ، ورة ربع ساعه رجع محمد ووياه ثنين اشخاص رجل كبير بالعمر محني الظهر ووياه شاب عمره بالثلاثين او نهاية العشرين دخلو علينه سلمو .السلام عليكم
الكل ..وعليكم السلام ورحمة الله وبركاته
الشيخ ..اهلا وسهلا ياهلا استريحو استريحو بويه
كلنه كعدنه الله بالخير ..الله بالخير والعافيه
الشيخ ..صبو كهوة بويه
شربنه كهوتنه وبده الشيخ يحجي الله بالخير بويه
الجميع ..الله بالخير والعافيه
الشيخ ..يمكن بعض منكم ما يعرف انه ليش جمعتكم هنا لكن اليوم كلشي توضح والحقيقه انكشفت واللي فرقنه وخله الحقد عمانه اجه اليوم اللي لازم ياخذ جزاته ويتخلى كلمن بمكان الصح ( صارت ضجه بالمظيف اشر الشيخ الهم وطلب منهم يهدأو وانه وفيصل مركزين على كلام الشيخ ) كمل الشيخ كلامه وكال يبويه السالفه اللي متعرفونه وشاهده السالفه حاضر هنا هي وحجه السالفه كله اللي سمعه من حجي عواد عن المحامي ابو تحسين والكلام اللي صار ويه ولده هنا الكل انتفض وصار يطلع سلاحه وانه وفيصل مصدومين من الكلام اللي سمعناه وكته عرفنه ليش المحامي جان يبعدنه عن عمامنه لان جان يخطط حتى ينفذ اطماعه واحنه جنه ازغار بذاك الوكت والمحامي من جان مستلم الشغل هواي صارت خساير بوكته لمن احنه لزمنه شركات اهلنه اله كدرنه نوكفهن على حيلهن ساعته عرفنه احنه شكد جنه مخدوعين بهذا الرجل واللي جان كل هذا الوكت يخدعنه وناصب علينه واكثر من هيج طلع هو قاتل اهلنه هو اللي حرمنه منهم قبضت على ايدي بقوة وانتبهت على فيصل عيونه صايرة حمر من العصبيه ومو اقل مني بطلبه للانتقام هما كمنا على حيلنه وحجينه ثار اهلنه ودمهم احنه احق بيه واحنه اللي نسترد مو واحد غيرنه قاطعنه كلام الشيخ وكال كعدو كولكم واهدأو
الشيخ ..الامور مو هيج تقاس احنه لازم نفكر قبل لا نتصرف ومحتاجين دليل يدينه
صفنه على كلامه وكلنه صحيح محتاجين دليل هنا طفر ابن حجي عواد كال انه اجيب الكم الدليل
الشيخ ..شلون وليدي
الشاب ..المحامي مخلي كاميرات بكل مكان ومخلي حتى داخل بيته حتى يحمي نفسه من اي شي انه اكدر اجيب الكم التصوير والكلام مال ذاك اليوم
الشيخ ..شوكت تكدر تدبر النه
الشاب ..اليوم بس محتاج جماعه يرحون وياي ويساعدوني لان الشغله مو سهله
الشيخ ..محمد
محمد ..تأمر بويه
الشيخ ..انت تروح وياه
فيصل وهمام ..واحنه هم نروح
الشيخ ..لا بويه انتو ليش
همام ..احنه ندخل نلهي المحامي بين ما الشباب يكملون مهمتهم نطلع لان احنه هم منقبل ناخذ حق بدون دليل
الشيخ اذا هيج توكلو بالله بويه ، اجه محمد والشاب ووياه مايقارب عشرة من ولد عمنه طلعنه بسيارتنه صارت الخطه احنه ندخل طبعا بس اني ادخل اول شيء وفيصل يظل يلهي الحرس اللي بالباب وراهة يسوي طريق للولد يدخلون وفعلا تمت المهمه بأسرع وقت ظلينه ما يقارب ساعه اجتنه رساله من محمد الدليل صار ويانه وتلفنه كل الكاميرات اللي صورت دخولنه للقصر ماكو دليل ضدنه، سلمنه على المحامي وطلعنه واحنه دمنه فاير بودنه نكتله بأرضه بس كوة تحملنه على اعصابنه اخذنه اللي نريده وطلعنه رجعنه للمظيف تلكونه الجماعه وهم فرحانين ويتباركولنه بنجاح مهمتنه فتحنه الفيديو وشفنه وسمعنه الكلام كله وعرفنه حتى طريقة كتله لاهلي وحتى الاشخاص اللي شاركو وياه بقتل اهلنه هنا كمنه نتشاور بينه ناس تكول نسلم المحامي للعداله وهي تاخذ مجراهة وناس تكول نسويه عشايريه وكلمن انطه رأيه بالاخير الشيخ كال ..اسمعو مني
الجميع ..اي شيخنا تفضل
الشيخ ..احنه هسه صرنه اصحاب حق والمصيبه وحده احنه خسرنه خوتنه ونسوانهم اللي هنه بنات عمومتنه واولاد اخوتنه خسرو اهلهم وامهاتهم حكنه لازم ما نضيعه وناخذ حقنه سحب همام البندقيه من ايد ابن عمه محمد وكال حقه اهلنه انه وخوتي وولد عمومتي كامو عمامه واولاد عمه واحنه وياك يا ابن عمنه
اتقدم الشيخ على ولد اخوته همام وفيصل مد ايديه الهم هم تقدمو وحضنو عمهم حضنهم وهو يبجي هلا بولد العزاز هلا بأولادي طلعو اولا عمهم يرمون لاجل الصلح اللي تم بينهم وبين ولد اخوتهم والفرح بأن رجعو اولادهم لحضنهم وراهة قرر الشيخ يدز جماعه لشيخ عشيرة المحامي حتى يكوله الهم احنه كوم وياكم والنه حق قديم وهسه صار وكت تصفية الحساب بعده بقينه على تواصل ويه الشيخ حتى نعرف وين وصلو بالقضيه .رحنه لبيتنه حتى نفهم اخوتنه بالقضيه الصارت وعزمنه الشيخ عمي جواد حتى نلم شملنه ويه اهلنه وعمامنه .
&&&&&&&&&&&&&&&&&&&
في البيت
كنا بالبيت مجهزين امورنه ومحظرين الغدة حتى نستقبل ضيوفنه
علي صعدت لغرفتي سبحت وبدلت ملابسي وشسورت شعري وتعطرت واخذت سيارتي ورحت حتى اجيب روز وامه طلعت بالطريق اله اتصل بيه همام وبلغني انو هم راح يتأخرون وطلب نخلي الهم غدة واحنه نتغدة قبلهم سديت الخط وياه وكملت طريقي وصلت للشقه اتصلت بروز وطلبت منه تنزل هي وامه وفعلا ورة خمس دقايق اجتني روز وامه ياربي تخبل هذي البنت 😍😍صعدت ام روز كدام وروز كعدت ورايه اوووف يا عطره من ورة العطر حتى نسيت ارد السلام
ام روز ..شلونك يووم
علي ..صافن 😯
روز ..علي شلونك
علي ..صافن
هزت ام روز شبيك يوم بيك شيء
علي بارتباك ويحرك شعره بيديه لا يمه مابيه شيء
ام روز ..ده نكولك شلونك
علي وهو يضحك بخجل 😳..هلا هلا يمه بخير وانتو شلونكم
ام روز وروز ..تمام بخير
علي حركت السيارة ورجعت للبيت بس عيوني ابد ما شلتهم عن روز هي كانت مشغولة تحجي وية امه واني مركز على الطريق وعليه هاي البنت شلت حالي ليش ما منتبهتلي موتتني واني اركز بيه وهي ولا على بالهة
روز ..كنا ننتظر علي حتى يجي يوصلنه لبيتهم لان معزومين يمهم ع الغدة كنا واكفه بالبلكونه انتظر شفته وصلت رحت اركض بلغت ماما انو علي وصل واني دا ابلغ ماما اتصل بيه كلي اني انتظركم جوة سديت الخط منه ياربي شلون صوته يخبل 😍 يلا ماما بسرعه راح نتأخر ام روز ..اي على كيفج خوما طايرين طلعنه اني وماما سلمنه عليه وصعدنه بالسيارة اني صعدت وراه حتى اشوف ملامحه بالمرايه الاماميه وماما صعدت بالصدر يمه نسلم عليه هو صافن ياربي صافن بوجهي وما منتبه لماما وهي تحجي اخر شيء انتبه ورد علينه السلام ظلينه اني وماما نحجي وهو ساكت ما شارك ويانه بالكلام بس كنت منتبه عليه وهو يعاين عليه واني كنت كل شويه استرق النظرات منه بدون ميحس واحساس حلو لمن كنت اشوفه مركز بيه حسيت حفظ كل حركه وتصرف وفعل مني كنت اححي بثقه واني اعرف هو يتابعني لحد ما وصلنه لبيتهم نزلت حتى اسلم عليهم استقبلتنه عشق وايظا اولاد عمه واخوته عدا همام واخو عشق فيصل مكانو موجودين لان سمعت عدهم شغل مهم المهم دخلنه جوة داخل البيت واستقبلونه اجمل استقبال حسيتهم اهلي ومني بيه علي عيونه ما فارقتني كانت تفتر ويايه بكل مكان .
علي .لمن دخلت روز حسيته شيء خاص بيه وتمنيت اضمه حتى من عيون اخواني وولد عمي اااااخ لو تحس بيه وبالنار اللي شعلته بداخلي معقوله اني حبيت روز ومن النظرة الاولى اي اكيد اني حبيته بس شلون اوصل احساسي الهة وشلون افهمه اني احبه بس خايف اذا اعترف اله تصدني وتكسر كلبي 💔اوووف بيا بير وكعت نفسك يا علي
عشق ..لمن اجت روز جنت طايرة من الفرح بيهة كولش فرحانه لان هي طيوبه وامه انسانه رائعه جداً
كنا اني وهي وام روز وام حسين وبنات جبناهن يساعدن بالطبخ نشتغل بالمطبخ ونسولف ونضحك وسوالف خالتي ام روز كولش حلوة وطريقته بتجهيز الاكل كلش روعه جهزنه الاكل وصبيناه وتركنه اكل لهمام وفيصل لمن يجون يتغدون وفرشنه السفرة وكعدنه كولنه سوة وبين سوالف وضحك وشقه ما حسينه بالوقت بعد ما خلصنه الغدة ورحنه كولنه تجمعنه بالصاله الكبيرة كولنه كعدنه صارت كعدتي اني بين ام روز وروز وروز صارت بيني وبين علي ظلينه نحجي ونضحك ونكول نكات لشويه دخل رضا بيده عصير وماعون كيك وبده التصنيف
علي ..هاي شنو رضا
رضا ..شنو ؟
اسماعيل ..ولك هستونه خلصنه غدة شبسرعه جعت
رضا .اني عاجبني اكل انت شعليك بيه
ام روز ..الف عافيه يوووم
علي ..يمه والله ياكل وما يبين بيه
مرتضى ..انوب فضحنه جايب ماعونه وجاي ياكل يمنه
رضا ..الله اكبر بويه شمسوي فضحتك بايك ناهب هنه شويه كيكات وعصير شمسوي
الجميع ..هههههههههههه
روز ..معليك بيهم اكل الف عافيه
رضا ..الله يعافيج يا طيبه
لشويه دخلو فيصل وهمام ..السلام عليكم
الجميع ..وعليكم السلام
كعدو يمنه يحجون لشويه كام همام ترخص حتى يسبح وقبل لا يصعد التفت لعشق
همام ..عشق تعالي وراي
عشق ..اي صار هسه جايه
صعد همام لغرفته ولحكته عشق للغرفه
عشق .فتحت الباب على كيف شفت همام ما موجود دخلت للغرفه كلت يمكن بالحمام ردت اصيح همام سمعت صوت الباب نسد التفتت شفت همام وهو يتقرب مني وشكله تعبان تقرب مني وحضني وهو يشم بركبتي ورفع راسي وبده يبوس شفتي بهدوء وشغف محسيت نفسي اله اني كنت ابادله الحب بنفس الشوق والشغف بده يتجرأة اكثر وهو يلمس كل جزء من جسمي
نلتقيكم بيوم اخر احبتي
أنت تقرأ
ابناء العم
Lãng mạnقصة اجتماعية ورومانسيه تتحدث عن العلاقة القوية التي تربط ابناء الدم الواحد وتتضمن قصة الحب التي تتعلق بابنت عمهم الوحيدة الكاتبه مريم التميمي
