ابناء العم

البارت الرابع عشر

فيصل
اخذت ليلى من الجامعه بدون ما احجي اي كلمه وصعدته بالسيارة وطلبت من عشق تروح للجامعه اخذته صعدته  بالسيارة وانطلقت بيه هي طول الطريق تشهك بالبواجي وتسألني شبيك شسامع اني كلشي ما مسويه ليش عصبي واني بس انفخ بعصبيه وساكت  لحد ما وصلت للقصر  الحرس فتحو الباب دخلت السيارة واخذته اسحل بيه لداخل القصر وهي بس تشهك وتبجي وتتوسل دخلته جوة وشمرته بالكاع رفعت راسه
هدى ..عفيه فيصل فدوة اروحلك شبيك والله ما مسويه شيء ليش هيج تتعامل ويايه
فيصل ..نزلت عليه وجريته من شعرهة ولج اني تخونين ثقتي بيج وتوشين بيه وبخوتي مو صوجج صوجي انه اللي ثقيت بيج صوج كلبي
هدى ..بس ابجي والكلمه كوة تطلع مني والله ما وشيت بيك احلفلك بروح اعزازك اني ما خنت الثقه
فيصل ..لج لا تحلفين بروح اعزازي مثلج لازم تنكتل وتندفن هنا حتى تصير عبره لغيره
هدى ..عفيه فيصل بس اهدا حباب اهدأ وفهمني شنو السالفه الله يخليك بس فهمني
فيصل ..تريدين افهمج ع اساس انتي متعرفين شصار ومسويه روحج بريئة 
هدى ..والله مجاي افهم شبيك لخاطر الله احجيلي شنو السالفه من حقي ادافع عن نفسي وانت تعرفني اذا مسويه شيء اوكع بلساني 
فيصل ..شويه هديت ورفعت شعري ومسحت وجهي بيدي واستغفرت ربي وكمت عنه كعدت على التخم هي كعدت عدلت نفسه وكامت على حيله وكعدت كدامي كلتلي
هدى ..احجي اسمعك شنو الشيء اللي سويته انه
فيصل ..اليوم عمي جواد اجه الي للشركه
هدى ..لطمت على صدري يم صخام الوجه وشواداه عليك بس لا عرفو بعلاقتنه
فيصل ..رفعت حاجبي اله صفنت عليه لا عمي جواد ميدري بعلاقتنه اصلا هو اجه حتى يصالحنه احنه وعمامي ويرجعنه وياهم
هدى ..شنو شتكول زين عمي شلون لكه مكانك واجه
فيصل ..رفع حاجبه وعاينلي بأستغراب يعني انتي متعرفين شلون وصل الي
هدى ..لا وداعت عافيتي ما اعرف اصلا تفاجئت من كتلي
فيصل ..هدى انت متأكده
هدى ..بيش تريد احلفلك وتصدك جيب القرآن احلفلك عليه اني مالي دخل بهاي السالفه بعدين ليش اورط نفسي واكول الهم وافتح على نفسي باب ما ينسد من السين والجيم
فيصل ..صفنت شفت كلامهة صحيح جا منو يعرف مكانه وخبر عمي
هدى .. ظليت صافنه ومحتارة كلتله يجوز عمري مخلي جامعه يدورون عليكم
فيصل ..اي يمكن لان هو من حجه وياي كلي ما خليت مكان ما دورت بيه عليكم
هدى ..معناهة صخام وجهج يا هدى اذا عمامي مراقبينك يعني حتى انه يشوفوني من اطلع وياك كعدت ادك والطم نزلت للكاع منهارة وادك والطم على صدري وووجهي حيل
فيصل ..تقرب مني وحضني وكلي شبيج تسودنتي جا انه غير ابن عمج ليش انتي خايفه محد يمس شعرايه منج
هدى ..يمه شلون شلون بيه اذا درو اهلي جا غير يذبحوني والله يكتلوني وما يخلولي ذكر
فيصل ... كافي يروحي لا تخافين انه وياج يلا كومي ارجعج للجامعه وهاي الفترة راح ابتعد عنج  ونخفف التواصل الى ان اشوف الوضع واعرف منو اللي يتابعني وانه ادزلج خبر بيد عشق
هدى ..اي اي صار اسوي مثل ما كلت
فيصل .. كومي ولف وجهج ما اريد شيء يطلع منج
هدى ..اي كمت لفيت نفسي واخذني رجعني للجامعه دخلت جوة لكيت عشق بس ما حجيتله الصار كلت هو تطلع من فيصل احسن سفتلي عذر ثاني ومشيته عليه ادري مصدكتني بس شسوي مابيه حيل لفبصل وسوادينه
&&&&&&&&&&&&&&
عشق
كعدت الصبح واني فرحانه لان اخيرا همام رجع الي ورحت سبحت وبدلت ومشطت شعري   وخليت مكياج خفيف وعطرت نفسي وطلعت 
رحت امشي بالممر اريد اروح لغرفة همام اللي صايرة قريبه من غرفتي ردت ادك الباب وبطلت لان سمعت يحجي ويه احد  ويمكن كان يحجي ويه بنت والمحادثه كانت
همام .. اذا كدرتي تجين تسوين فضل لان انه هواي محتاجج
....
همام .. اي تعاي واخليج بعيوني وما اقصر وياج وشتردين انطيج وانه بالخدمه 
.....
همام ..اي هاي هيج جا انه اجهزلج امورج وتعاي

...
همام ..انتي تدرين شكد غاليه عليه لا لا ابد اي عذر ما مسموح انه كلت انتظرج تجين وانه راح انتظر بفارغ الصبر
خلص المحادثه واني صرت نار منه يحب وحده وانه اكول ليش بسرعه سامحني طلع عنده وحده ثانيه ويريد يكسرني بيه انه الك يا همام اله اندمك
خليت ونزلت واني كالبة خلقتي ع الكل وما طايقه نفسي  
&&&&&&&&&
همام
من حجيت ويه عشق حسيت براحه لان عشقي رجعت الي وكلت اخليه براحته وبعدين افتح الموضوع وياهة مرة ثانيه كعدت الصبح مرتاح وفرحان  سبحت وبدلت ملابسي مشطت شعري وعطرت روحي ردت اطلع دك موبايلي لكيت اتصال من روز فتحت الخط ها شلونج روز
روز ..تمام وانت شلونك
...انه الحمد لله بخير
روز ..اكولك على مو ضوع اللي كتلي عليه
...اي شنو قررتي
روز.. بصراحه اني موافقه بس ماما معترضه
همام ..ليش معترضه
روز ..تكول  ما اكدر اترك مكاني اللي تعودت عليه
همام ..خالتي يمج
روز ..اي
همام ..انطينياهة اني احجي وياهة
روز ..اوك
ام روز ..شلونك يووم
همام ...الحمد لله يمه انه بخير انتي شلونج
ام روز ..اني تمام بسماع صوتك
همام ..بس انه زعلان منج
ام روز ..ليش يوووم
همام ..يمه انه محتاج وجود روز هنا
ام روز ..بس يمه الطريق بعيد واحنه راح نكون هناك اغراب والدنيه مترحم
همام ..يمه انتو راح تكونو بحمايتي ويمي محد يدوسلكم على طرف
ام روز ..بس يووم
همام ..قاطعته اذا كدرتي تجين تسوين فضل لان اني هواي محتاجج

بعده دار الحديث اللي سمعته عشق
لمن خلصت المكالمه نزلت سلمت ع الكل وشفت عشقي شكله زعلان بس ليش ما اعرف كلت بعدين افتهم منه هي خلصت ريوك وطلعت ويه فيصل للجامعه وانه بقيت بالبيت لان تعبان ومالي  واهس اطلع
&&&&
اسفه لان البارت جدا قصير ولان تاخرت عليكم بالكتابه اعتذر من التقصير اتمنى تسامحوني لان ظروفي هالايام صعبه جدا صعبه
تحياتي الكم