ابناء العم

البارت السادس

ابناء العم
بقلم /مريم التميمي

انطلقنه بالطريق للنجف حتى ندفن اعزاز كلبنه جانت الذكريات هي المسيطرة علينه اعاين عالوجوه الحزن ماليهة وبعيونهم الف دمعه ودمعه وبكلوبهم الف حسرة وحسرة اعاين لطفلتي كاعده يمي ساعه تصفن ساعه تبجي وتناشغ وتسحب روحه ويه كل نشغه وانه كلبي منمرد عليهة طول الطريق واحنه بس نبجي وونون على اهلنه  بينه حسرة جبيرة على فراكهم مو سهله علينه فركتهم واحنه نتذكر ايامنه الحلوة وياهم وانه افكر بابوي شنو جان تفكيرة باخر لحظه جان يفكر بينه امي شنو كالت قبل لاتموت عمامي عماتي اااااااخ كلبي بعد ميتحمل على الطريق وكفنه السايق يم مطعم لان طريق طويل ولازم نتغده نزلنه ودخلنه للمطعم بس مكدرنه ناكل لان جنه شبعانين بالهم ما اكلنه شيء رجعنه صعدنه للسيارات وكملنه طريقنه للنجف جدي اتصل بالمحامي حتى يعرف مكان المدافن
جدي .الووو  شلونك ابو غسان
المحامي ..هلا شيخنه شلونك البقيه بحياتك
جدي ..حياتك الباقيه ،اكلك عمي انطينه عنوان المكان حتى نجي كبل عليكم
المحامي ..عمي لا تشيل هم همه السواق يجيبونكم انه منطيهم العنوان
جدي ..هاي هيه عمي مشكور تعبناك ويانه
المحامي ..لا عمي تعبك راحه
غلق جدي التلفون وظل يحجي هو والسايق بعدين التفت علينه كال جدي حظرو نفسكم راح نوصل انه خابرت فيصل كلتله خل يحظرون ارواحهم راح نوصل وووصيهم مثل ما كلت الهم
كلي فيصل صار خويه تأمر امر
غلقته من عنده وحجيت ويه عشقي كلت اله خاف يسالونه عن شيء ظلي ساكته اشرت براسه بأي
وصلنه للمقابر وشفنه عالم هواي جايه من وصلنه كامو يصيحون فسحو المجال ذوله ولد المرحومين حيل اذتني الكلمه لكن شنسوي خذا امر الله ما حبيت كلمة الشقفه من الناس ومن عمومتي اللي ما حسيت بحبهم النه
تقدمنه باتجاه توابيت اهلنه وظلينه نحجي وياهم ونعاتبهم اخوتي وولد عمومتي كسرو خاطري واللي موتني هو عشقي اللي كامت تهيل التراب على راسه كامو يدفنون باهلنه واحنه عيونه عليهم ونظراتنه الاخيرة تودعهم المحامي جان مو كف السيارات بعيده  عن اهل التشيع دزلي رساله كلي همام اخذ اخوتك وولد عمومتك واطلع مدام الجماعه مشغولين بالدفن اني دزيت رساله لحدي وفيصل وعلي وكلت الهم يلا  خلي ننسحب منهم كامو بسرعه لمو اخوتي واني بعدت عشقي كلت اله تعاي ميصير تبقين هنا خليتهم ينشغلون بينه على ما اخوتي ياخذون اخوانهم وينسحبون كلي عمي الجبير اي بويه اخذه منا عيب من الزلم انه اخذت عشقي ورحت صعدنه بالسيارات كلت الهم تاكدو كلهم موجودين كالو اي انطيت اشارة للسايق امشي السايق طلع بينه لبغداد ما رجع بينه للبصرة خابرني المحامي كلي عمي اني خليت وجهتكم بغداد وحاجز الكم هناك يم الكاظم لحد ما تهدأة الامور واخليهم يرجعونكم تشكرت منه وسديته  وكلت الهم احنه رايحين زيارة للكاظم جم يوم  انطلقت بينه السيارات لبغداد ووصلنه بوكت متاخر واخذونه للفندق اللي حاجزينه النه اول ما دخلنه للفندق توزعنه على الغرف وصارت غرفه بيه ٣اسرة النه انه وجدي وعشقي خليته كدام انظاري لان جنت كلش خايف عليهة راحت هي وتمددت على فراشه كمت غطيته وطلبت منه ترتاح ورحت يم جدي ظلينه شويه نحجي بعدين نام جدي بعد ما اخذ علاجه غطيته ورحت افتريت ع الولد اطمن عليهم واحد واحد  وتأكدت منهم نايمين ورجعت تمددت على سريري ونمت

المحامي ...
لمن راح الشيخ واحفاده كملنه دفن وكامو عمام الولد يدورون عليهم جنت انه وولدي واكفين وياهم التفتو عليه صاحو وين وديت اولاد اخوتنه كلت الهم ما ادري جنت واكف وياكم ما ادري عنهم شيء كالو لا تعرف وظام علينه وين وديتهم  انكرت معرفتي بمكانهم صاح واحد من ولدهم شفته طول الوكت يخابر ويراسل اكيد رقمهم عنده بالموبايل التفت عليه شيخ جبار هذا جان كلش عصبي وما يتفاهم كلي جيب موبايلك بعصبيه كلت اله تفضل شيخ (بعا انه عندي ثنين موبايلات وهن يتشابهن نفس الجهاز ومخلي شريحه خاصه اخابر بيه ولد الشيخ سعد الله يرحمه من دزيت رساله لهمام حتى ينسحب هو واخوته بوكته جنت يم السايق مالتهم وهذا السايق يصير نسيبي رجل بنتي رجال فاهم ومعدل وانه حاسبه مثل ولدي سلمته الجهاز وكتله من تجي للبصرة اخذه منك لان نت محسب لهيج شيء )اخذ شيخ جبار الجهاز وكام يفتش بيه لكه محادثه بيني وبين ابني انه جنت اوصي ابني انو يوكف وياهم وميقصر بشي وهاي المحادثه جانت نفس وقت محادثتي ويه همام بوكت قليل لمن شاف الموبايل ما بيه شيء سلمه الي وطلب موبايلات ولدي ..ولدي عصبو وكالو ميصير هيج واحنه تاركين بيوتنه وحلالنه وجاين وياكم هيج تتهمونه اشرت لولدي اسكتو وانطوهم الموبايلات احنه ما عدنه شيء ظامينه عليهم
اخذو الموبايلات من ولدي وفتشوهن ما لكو شيء
سلمونه الموبايلات واعتذرو منه احنه هم ادينه الواجب وياهم وتركناهم ورحنه

اسفه ع التأخير بس شسوي مدا الحك اعذروني