مساء الورد عليكم حبايبي معكم مريم التميمي وقصه ابماء العم
كانت الايام تمر بسرعه بهاي الايام كنا نحس بشوك قوي لاهلنه شنو السبب منعرف اهلنه هم خلال هاي الفترة تغيرت تصرفاتهم ويانه انلاحظ اهلنه هواي يتمعنون بمعانينه وابوي اللي مابطل يوصيني على اخوتي وولد عمي جان عمري بذاك الوكت 18سنه طالب اعداديه اخر سنه بوكته خلصنه امتحانات وفضينه كلشي والحمد لله الكل جان ناجح واهلنه فرحو بينه ورفعو راسهم لكن هاي الايام نظرت الحزن ما فاركتهم احس اهلي عبالك يردون يسافرون ما اعرف شنو الشعور اللي جان عدنه عمامي من جدي اخبارهم متسر لا عدو ولا حبيب بعدهم يتعرضون لابوي وعمامي قبل يوم روحتنه ويه جدي سمعت ابوي وعمامي يحجون ويه جدي وانه مو طبعي اتنصت بس بوكته انجبرت اسوي هيج حتى اعرف سبب حيرة اهلي وسمعت ابوي يحجي ويه جدي ويكله ..بويه خلينه نتنازل عن الشركه الهم ونكسر الشر
جدي ..ليش بويه سامع شيء
ابوي ..لا بويه بس هم كبار وصعبه عليهم تصير اكبر شركه عد اخوتهم الزغار
جدي ..اسمع بويه الشركه تبقى الكم واذا سمعت متنازلين اغضب عليكم وما اريد هذا الموضوع ينفتح واذا سامعين شيء كولولي
ابوهمام ..لا بويه ماكو شيء لتشيل هم
جدي ..لعد حظرولي غراضي باجر طالعين للبستان
ابو همام ..تأمر بويه بخدمتك
راحو اهلي يجهزون الامور لان طلعتنه راح تصير بالليل ولحد مستغرب السبب يعني ليش نطلع بالليل صاحلي ابوي وكلي همام بلغ امهاتك يحظرن الكم غراضكم حتى ترحون بالليل
همام ..اي بويه تأمر آمر
مشيت شويه عن ابوي وابوي صاح بصوت بيه مثل شوك على حسرة امور مكدرت افسره ..همممممام
التفت عليه كتله ..هلا بويه كول شتآمر
شفت ابوي فاتح ايديه ويكلي تعال بويه 😢والدمعه فارة بعينه استغربت شكل ابويه وتصرفه مشيت ناحيته وشبكته مسح على راسي مثل مايسون لليتيم وكلي بويه هلتن هله باخوتك وولد عمك وبنت عمكم الوحيده ودير بالك ع جدي وعلى نفسك دراستك انتبه الهة انته واخوتك كلهم ابتعدت عن ابوي وعاينت بوجهة كتله بصوت كله عتب بوية اكو شيء انت ضامه عني وما تريد تخبرني بيه بوية كولي لا تخليني بخوف عليكم
ابو همام ..لا يوليدي ماكو شيء لتخاف يبعد ابوك
همام ..بويه اذا اكو شيء خبرني لا تخليني بقلق عليك .
ابو همام ..يبعد ابوك كتلك ماكو شيء لا تضغط عليه بالخالي بلاش
همام ..بس يبويه نظراتك تكول غير شيء
ابو همام ..بويه همام اسمع كلمتي ونفذه ولا تتناقش ويه ابوك
همام ..صار بويه تآمر آمر
رحت من يم ابوي وانه الخوف والحسرة كاتلتني بس عندي احساس قوي راح يصير شيء شنو هو ؟ما ادري دخلت للبيت وصحت بأمي وعماتي كلتلهن ابوي يكول حظرن الغراض مال السفر حتى نتوكل على الله ونسافر بالليل
الجميع ..ان شاء الله يمه
رحنه انه واخوتي وولد عمومتي وحظرنه الاشياء المهمه اللي نحتاجه وانتظرنه السيارة لمن تجي نزلنه تعشينه ويه اهلنه جانت عيونه تباوع وبيه الف سالفه وسالفه وعيونه اهلنه تحجي سوالف ما مفهومه اعاين لعشقي حاظنه امه وتاكل وامه نفس الشيء كل واحد بينه عنده بكلبه سالفه وميكدر يحجيه خلصنه عشه واهلنه جهزو غراضنه وصار وكت الوداع اي جنت حاس بيه وداع سلمنه على اهلنه وكل واحد بيهم جان من يلزمني يوصيني جنه وصيه موت مو سفرة ااااااخ يا كلبي لو افهم شراح يصير وليش وجوهم ما تتفسر تقرب مني والدي
سلم عليه وجني احس بيه يكولي ترة هذا اخر يوم اشوفك بيه 😔😔😔
أنت تقرأ
ابناء العم
Romansقصة اجتماعية ورومانسيه تتحدث عن العلاقة القوية التي تربط ابناء الدم الواحد وتتضمن قصة الحب التي تتعلق بابنت عمهم الوحيدة الكاتبه مريم التميمي
