السلام عليكم
شلونكم حبايب
القصه بقلم هدى حيدر ✍️
اني زينب. البنيه الوحيده لهلي وعندي اخوي الصغير عمره3سنين
جنه عائله سعيده فديوم كال ابوي اريد اروح ازور باجر كلتله امي واني اروح وياك وبحكم حسوني اخوي صغير لازم يروح وياهم
اني جان بيه عمري10سنوات بصف الرابع
ابتدائي كلتلهم اني عندي دوام خذولي اجازه
ماقبل ابوي وصار الصبح وراحو وبطريقهم ودوني للمدرسه وجان اخر يوم اشوفهم بي
رجعت من المدرسه لكيت عمامي وعماتي وخوالي كولهم هنا تفاجات طبيت تلكتني عمتي الجبيره شبكتني وتبجي كالت اهلج ماتو. ٠٠٠٠
متت من البجي جان اصعب يوم الي ومن عده تركت المدرسه بهاي السنه
ورا الفاتحه دخلت على عمامي لكيتهم
يسولفون وكلمن يريدني اعيش عنده
اني جنت لسبالي يحبوني
بس الحقيقه لان ابوي عنده املاك واني الوريثه الوحيده
طبيت وعمتي شبكتني وتبجي كالت بنيتي
اريده تربا عندي اني ماعندي احد
عمتي رجله شهيد وعده3بنات وكاعده بيت وحده وماعده ولد. كوه قبلو عمامي
جانت مدللتني بس طبعا مومثل دلال اهلي
وبناته هماتين يمشطن شعري ويبدللي ورجعتني عمتي للمدرسه
زوجن بنات عمتي وحده ورا الثانيه
وصار عمري 16سنه
صفا البيت بس اني وعمتي
بليل فرشت الي ولعمتي ضلينه نسولف الى ان نمنه فزيت3على صوت عمتي وهي تشهك
خفت وكمت اكله عمه عمه شبيج
وكامت تشاهد
كمت ابجي كلتلي لتكعدين بيت حازم اخوي روحي لبيت لبيبيتج لخوالج
وشهكت ماتت
كمت اصيح رحت على المبايل خابرت دك دك
كوه ياله حجه عمي
ومن بعده ضجت وتكابت بزايد
جنت بكته خامس اعدادي
اجه عمي ورا الفاتحه كلي ترحين وياي للبيت
اني ذكرت وصيت عمتي
كتله لا اروح لخوالي
بنجف اروح لبيبيتي مشتاقتله
كلي موبكيفج اني عمج ومسؤل بيج
اصلا عمتج وصتني بيج كالت امانه عندك زينب عرفته جذاب المهم قبلت ورحت ويا
بيت عمي متكون من عمي حازم الي هو عده محل بلباب وضرغام الوحيد المدلل عطال بطال لايشتغل لا شي 2بنات ايمان ورشا عباره عن عكارب مو بنات عم
ومرت عمي الي اني كاعده على كلبه
اول مجابني عمي للبيت
لكيت مرت عمي سبع لطامات بوجه
وبنات عمي كالن جتي المدلله
وضرغام كام يباوعلي من فوك ليجوه متت من عيونه بودي افكسهن
كعدنه اسبوع ونوب كال عمي نكعد بيت اخوي الله يرحمه اني محجيت بس من رحنه نقهرت من شفت عمو ومرته نامو بغرفه
بابا وماما. وهمه وكول واحد كعد بغرفه
بس زاد حزني كمت بكل ركن بلبيت اتذكر اهلي
وهمه مخليني خدامه عدهم محد محترمني بلبيت وهذني بنات عمي ينكطن سم
وضرغام يضايقني بتصرفاته
فد يوم اجه خطبني صديق باب لابنه
ناس مثقفين ومحترمين وابنه شايفني جانو دائما يزورونه يجون يم اهلي
بس عمو رفضهم
اني وخرت المستحه ورحت حاجيته
كتله ليش مقبلت خليني ازوج حتى تخلصون مني كام وصفكني راجدي وكعني بلكاع
وكلي مهلكه نجبي انتي ضرغام ومتصيرين
لغيره فتهمتي
عفتهم ورحت لغرفتي ادري بيهم طمعانين بفلوس بابا
ضليت بس ابجي وحس روحي طلعت لا يقبلون اروح لبيبيتي ولاهم يجوني خوالي
