السلام عليكم بنات هذا
مشهد من قصه عائله شيخ جبل
بقلم هدى حيدر 44howda✍️
چنت هستوني نازل من ديالى ... جان بوكته عام1986/4/5
صاعد بسياره وي ربعي البجيش
چان الجو حلو
صاعدين بسياره كشفي
مفتوحه والهواى عالي يلعب لعب والسياره تمشي سريع
ماكو شمس چانت مغيمه بيومه الجو يخبل شهر الرابع
والولد يسولفون..
واني بالي مويمهم. رايح بعالم ثاني
منتجي على السياج مال السياره
وخال ايدي على لحيتي واحرك بيه...
افكر من ارجع.... لهلي صارلي تلاث اشهر مانازل
مشتاق لامي واني چبير باخوتي
الطريق طويل حيل من ديالى ...لديوانيه
ماحسيت اله ...ضربه على متني ..
سعد. هااا ..ولك جبل ون سارح..
رديت عليه واني خال ايدي على متني افرك بي
من قوة ضربته. ون يخوي يمكم ..
سعد. ون يمنه انت اصلا ..شاردبعالم ثاني
جبل. اي صدك. افكر بلعمارات والملايين..شبيك وين ملي غير يمكم
خالدوعيونه مليانه غيره . لا يخوي...يفكر بنات
سلف ..ماضاله وحده ..ماحابته ...
هسه احنه عاد احنه ربعك يخوي
موغربه هم نسقنه وياك ...
چان يمي بطل ماي
شلته بايدي اليمنه وكتله
وحگ هذا الماي الي استشهد الامام الحسين وماشرب منه ...
اني مافد يوم طخيت راسي لمره
الله وكيلك هنه يذبن رواحهن عليه
سعد.وهو يضحك. جنه صدك ابو اسد
يابه نشاقه وياك..على كيفك لاصير عصبي
خالد. لا...عمي. حقهن اذا حبنك انت ابن شيخ هذال
ابن شيخ العشيره اهل -الديوانيه -كله تحلف براسه
ضجت منهم انداريت عنهم انطيتهم مكفاي (ظهري)
خالد ماضاله وحده بسلف مامتحارش،بيه
بس محد تعتبره بنعال
صديقي بيتهم قريب علينه
اني ويا ربينه سوى كبرنه
عشت ويا عشرت عمر زين وسخي وطيب وابن ناس
بس هو بي خصله موحلوه
دومه يقارن نفسه بيه
اباوع لجنود الوياي كلمن ماخذته صفنه يفكرون باهلهم
اكو منهم مزوجين وملهوفين على اطفالهم
ونسوانهم...
والي مشتاق لهله....
كلما. نوصل لمنطقه توكف السياره وينزل واحد من الجنود
وصلت قريب على منطقتي ..
طفرت من السياره ..ونزلنه اني وخالد
نمشي وخالد يسولف ...عليمن مادري...
بالي ابد مويمه احس مخنوك ...كلش وتعبان
حاجيته
جبل. اكلك خويه خالد. انت روح لبيتكم
اني اروح شويه يم الشط
خالد. ليش خويه خيرك شبيك ..اليوم مو على بعضك
جبل. مادري احس مختنك وضايج
خالد. افه ...يخوي. خلينه نرجع للبيت
نسبح ونبدل ومن بعده نطلع
افرك الديوانيه فر. انسيك الدنيه كله وناخذلنه نفس غشه (اركيله)
