امنيتي چانت ازوج شخص احبه ويحبني يهتملي يحسسني انو اني الي قيمه وقدر عنده اعيش قصة حب الكل يسولف بيه
عمري 15زوجت ابن عمي زواج تقليدي عادي عمي ابو ضرغام خطبني من ابوي و ابوي وافقاجه كلي
اني صراحه ماوافقت بس امي ضلت تلح عليه ودكلي هذا ابن عمج ون تلكين مثله منه وبينه باجر عكبه شي صير يتعتبون يستحون من ابوج
وابوي يكلي وافقي هذوله بيت عمج شوكت مااريد اشوفج ادفع الباب واطب مو مثل الغريب نعرفهم ومنه وبينه الصراحه ماعرفت شكلهم ضليت صافنه اكلوني اكل بلحچي بعدين كتلهم بكيفكم
وافقو عاد همه اسمه ضرغام الچبير بخوته يداوم بلجيش عنده ثنين خوات وثنين اخوه مواليده 1985
عدينه المهر والگي وسوينه حفلة خطوبه وملچنه
بس هوه من نوع البارد ابد لانحجي اني ويا فترت الخطوبه ولانتكلم ولامبايلات لحد يوم الزواج
اني هم اهلي من نوع المتشددين كلش ماعدهم هاي السوالف مخابرات لو طلعات زين اذا بسنه طلعت مره
يوم العرس تحضرت رحت لام الصالون الساعه بل9:00الصبح طلعتني اجنن ولبست البدله البيضه حلم كل بنيه هذا اليوم بس الصراحه گلبي كلش ماهاوي هذا العرس بس بداخلي اكول لا بلعشره احبه لان هو من نوع انسان غامض وكتوم حيل وميحجي ولايسولف اني ويا اختلاف شاسع وخلصت الحنه ومنتضره الزفه
اجو الجهال اسمع صوتهم اجت اجت الزفه
گلبي كام يدك حيل
اجه دخل بكل برود رفع البركع وباس گصتي وجرني من ايدي وطلع
