بلا ذنب اخذوني فصليه

البارت الاول

مرحبا
اليوم قصتنه تتكلم عن فصليه ..... القصه خياليه

الشخصيات....

ابو اسراء//انسان متفاهم مو عصبي احب عائلتي كلها واتمنالها الخير
ام اسراء//انسانه واعيه محبوبة بين الكل وزوجي وابنائي همه كل حياتي
اسراء//البنت الكبيرة ..عمري ١٨سنه صف سادس اعدادي...طولي وسط.ومحجبة ...وبقية الاشياء تعرفوها بالقصه

حسين //الابن الثاني عمري. ١٧سنه بيني وبين اسراء سنه وحده فقط..طولي.١٦٦تقريبا ..دراستي تركتها لاه ما الي واهس بيها

عباس//الابن الثالث عمري ١٥سنه صف ثالث متوسط
نور//اخر شخص بالقائمه السوداءههههه اقصد بالعائلة الجميلة ..عمري ١٣سنه صف اول متوسط..

((بقية الشخصيات تعرفوها بعدين))تعرّف على كاتب القصة.
ابو أسراء:-السلام عليكم

ام اسراء:-وعليكم السلام .اجيت بوكتك الغدا جاهز..لعد حسين وين..

:-بره..بس يقفل ابواب السيارة .ويجي.

:-اهاا يلا ابو سراوي اگعد اكل

:-لحضه بس اغسل واجي ..

:-على راحتك..

حسين:-السلام عليكم .شلونچ يمه.

:-وعليكم السلام هلا وليدي الحمدلله انت شلونك.

:-الحمد لله..يمه اسراء وين  شو وحدچ تشتغلين وين الاميرة النائمة

:-يمه اترك اختك بحالها عدها دراسه.وبس هاي السنه الها وتدخل كليه ..خل تجيب معدل عالي بلكي يصير براسهه خير :-امممممم احنه شدخلنه وشكو مقهورين اذا القاضي راضي.

:-ولك احجي عدل .

:-هههههه اسراء  اسراااءء

:-شكو شبيك حسين ولك شصاير وگفت گلبي

:-كل شي ماكو بس حبيت اخبث عليچ..بيها شي

:-طبعاا بيها ...شنو ما عندك.شغل وعمل جاي تخبث .شكول شكول. عابت هالشكول اي والله

ابو حسين:-هلا بنتي شلونچ.

:-هلا باباتي الحمدلله .شلونك.

:-بخير ..شلونج ويا الدراسه.

:-ان شاء الله زينه..بس.من رخصتكم فدوه خل اقره.دروسي:-روحي بنتي اهم شي تشدين حيلچ وتطلعين معدل عالي ..وبالتوفيق ان شاء الله

:-الله يوفقك بويه..رحت اقره وساعه ٣غفيت...وگعدت على صوت وقت الغروب على صوت صياح. ........    

عودة قليلة .الى الوراء...

حسين:-بويه صاحبي اتصل علي حتى نروح نزور اني وياه

:-روح ابني ..بس يا امام رح ترحون تزوروه.

:-الامام علي..ولازم نطلع من وكت يعني هسه لازم احضر نفسي.

:-زيارة مقبوله مقدما..

:-تسلم بويه....اني رايح ابدل ملابسي.....بدلت وطلعت رحت الصاحبي عنده سياره ....صعدنه بيها وتوجهنه للامام..من الناصرية للنجف...بالطريق نزل تحسين (صاحبي)يشتري مي وعصائر لان الدرب طويل. هو راح يشتري.وكان اشوف الشارع فارغ ما بي بشر.بس اكو شي شويه كبير كان عالارض ..بعيد عنه بمسافة٢٥متر ..ما تحملت نزلت اشوف شنو هذا الشي ...رحت اتمشى علي لكن من وصلت كانت الصدمة ............

عائلة الشيخ رافع و (يلقب ابو سالم ).

علي:-بويه سالم مو گال اليوم يرجع من النجف.شو الحد الان ماكو وحتى جهازة مغلق. شنو رايك اروحح للنجف  واعرف اخباره اذا كمل شغله او بعده ..احسن ما نبقى بنار.وما نعرف شصاير وياه..

:-اللي تشوفه صح سوي.واخذكم واحد.من الشباب وياك.لتروح وحدك

:-بويه ترى انه مو جاهل. لتخاف علي

:-ابني شلون ما اخاف عليك.الدنيا ما تنحزر

:-صح كلامك بويه بس

:-بدون بس..يلا اخذ كم واحد من الشباب وياك وتوكل :-ان شاء الله بويه.رح اخذ عماد واروح .......اتصلت بعماد ..الو .....كذا الموضوع واريدك تجي وياي

:-صار تدلل تآمرني بشي ثاني

:-لاخويه تسلم .ما يؤمر عليك ظالم.يتبع............

النشر رح يكون بأوقات فراغي...

.الكاتبة لحن الحياة

بلا ذنب اخذوني فصليه...