بلا ذنب اخذوني فصليه

البارت 3

السلام عليكم ورحمة الله وبركاته
بلا ذنب اخذوني فصلية.
بارت٣&&
الكاتبة لحن الحياة.....
علي :-بويه لگينه چتال سالم..

:-ابني خل تخلص ايام الفاتحه وبعدين نتصرف والله مااتركهم...

:-بأمرك ياشيخ...

بعد.ايام الفاتحه......

ابو اسراء:-ولك شجابك لا يلگفوك والله يموتوك.ارجع البيت عمك.حسين:-اي بويه راجع ..بس والله اشتاقيت الكم..

ام اسراء:-يبعد.روحي يايمه ..شلون بخت عندك.

:-اي والله شسوي امري لله..يلا يمه بس انطيني مي وخل ارجع

:'هسه يمه...هاك ابني هذا المي

:-شكرا يمه ..شربت وبست راسها وطلعت وسمعت صوت الباب يندگ قوي. ..بسرعه.صعدت ع السطح ورجعت البيت عمي.

ابو اسراء:-بس لا اجوا مره ثانيه.استغفر الله ربي .كله منك حسين..طلعت فتحت الباب  بس عالمره العشيره كلها جاية..وياهم شيخ بس باين علي علامات الحزن وبنفس الوقت الغضب..دخلتهم.جوه ورحبت بيهم ..

الشيخ:-(بحده)انت ابو القاتل.

:-اعتذر منك شيخ بس ابني ماقتل شخص واعتقد الولد حچو الك الموضوع مثل مافهتهم وابني ما قتل اي شخص الشيخ:-بس هذا الكلام ميمشي علي شنو اثباتك على انه ابنك مو القتل ابني ..

ابو اسراء:-شيخ گلت ابني ما قتل ابنك.وروحوا شوفوا منوو الي عنده عداوة وياكم واله مصلحه بقتل ولدكم.

علي:-اسمعني زين تطلع ابنك لا وعلي اطلعه بنفسي

الشيخ:-علي 😠اگعد .

_:-شيخ ما اسكت هذا اخوي وابنك الراح

:-كافي اسكت ..اابو ..منو حضرتك

:-ابو اسراء...

:-ابو اسراء..ابني وعودي راح مني ولو شما اسوي ابني ميرجعلي بعد وعلي وعماد شافوا ابنك بعينهم شلون ابنك انهزم .اذا هو مامسوي شي ليش انهزم.فهمني

:-لا حول الله ..وبهاي الاثناء دخل اخوي ابو جهاد..ابو جهاد :-الله بالخير 👋

الكل:-الله بالخير والعافية...

الشيخ :-وهسه سلمنه ابنك الدم بالدم..

:-گول غيرها ياشيخ .اني اگلك ابني بريء تگلي الدم بالدم..

الشيخ :-مازال هيج.احنه نريد شي ثاني مثل الرهينه الى ان تثبت ادانته الابنك.

ابو جهاد:-شنو القضيه شيخ انت الچبير تگول هيچ

:-جا شتريدون مني .. بعد ما انچتل وليدي..انتو تكولون ابنكم بريء وولدي يكولون شفناه بالعين وهو گاعد يم ...استغفر.الله .يم جثة ابني ..شريد.اكول وعودي صار جوه التراب

:-حقك والله هذا ابنك..لكن شيخ صدگ ابني بريء

:-اذا ابنك بريء مثل ما تگول جيبلي اثبات:-ماعدنه غير الله هو الشاهد

:-ونعم بالله .اذا عدي حل ثاني وماكو غيره انطونه نريد.فصلية اذا ثبت عدنه ابنكم هو القاتل تبقى بنتك فصلية .وان كان بريء بنتك ترجع الك معززة مكرمه...يعني تبقى مثل الرهينه عدنه

ابو جهاد:-شنوو شيخ .ماكو فصليه بتنه موولعبه وننطيها رهينه يمكم

علي:-اذا مو فصليه.سلمونه ابنكم ..

ابو اسراء:-شيخ انطينه مهله ونرجع الكم خبر. .

:-هاهيه يومين الكم فكروا على راحتكم ...يالله ياربع گوموا نتوكل

:-_بأمرك شيخ...

:-همه مشوا ودخلنه اني وابو جهاد  جوه..   وبگلبي مشتعل نيران

ابو جهاد:-انت من كل عقلك تحچي شنو مهله والله لا فصليه ولا ابنك..وحسين بريء ليش ميفتهمون

:-حقهم ابنهم مات وشافوا الغبي (حسين)گاعد عنده ..فكروا هو القتله هسه شلون راح نطلع من هاي المصيبه

:-توكل على الله...

في المطبخ....

اسراء:-يمه اگلج يمكن مشوا ..امشي خل نشوف بابا شصار وياه.بلكي انحلت المشكله

:-الله يسمع منك..يلا امشي..الله يساعدكم.شلونك خويه ابو جهاد.

:-هلا خيتي الحمدلله .

:-شلونك عموو

:-هلا بيج بنيتي ...الحمدلله..

ام اسراء_:-ها بشروا شصار ..ما انحلت المشكله ابو اسراء:-بقيت ساكت .ما جاوبت ..

ابو جهاد:-خيتي شراح يحلها .

_:-ليش خويه اسم الله ..

:-لو يردون حسين ..

:-عزه العزاني يايمه .😱😱

؛-لو فصلية مدري رهينه الى ان يعرفون المجرم الحقيقي............

:-يااااا صخام بوجهي شنو فصلية .والله. ما انطيهم بنتي😭

ابو اسراء:-كافي لتبچين هسه نفكر بحل ونقرر يومين ........يتبع.  .      .  .  .