بلا ذنب اخذوني فصليه

البارت 4 او 5

السلام عليكم ورحمة الله وبركاته

بلا ذنب اخذوني فصلية.
بارت ٤&&%
"""الكاتبة لحن الحياة"""
ام اسراء:-يمه بنتي والله ما انطيهم شعره منها

:-ام سراؤي كافي ..ماكو مشكله وما الها حل

:-يارب صبرنه ...وهسه شلون

اسراء:-بقيت جامدة شنو فصليه وشنو رهينه .اصلا اني ما اعرف معنى فصليه ...كل الي خطر ابالي انه رح ياخذون شخص يحتجزوه عدهم الى ان يعرفون القاتل الحقيقي بس من كالت امي. ما انطيهم بنتي .هنا اني اعضاء جسمي كلها بدت ترجف...مستحيل اروح يم هذولي الناس واترك اهلي .....بعد نصف ساعه من الحيرة ..والكلام الي ما جاب نتيجه عمي راح وابوي وامي محتارين ..عفتهم ورحت الغرفتي ..ليش ياالٰهي ديصير بينه هالشكل..

نور:-سروو..طلعي بابا يصيحج..يكول خل تجي عندي كلام وياها  

:-اي جاية ..نزلت  گعدت يم بابا...وامي گاعده يم بابا و تبچي....ها بابا شنو ردت مني.

:-بابا شنو رايج.بعد السمعتي

:-والله يابابا مدري ..باباا زين شنوو معنى فصليه  وليش بنت مو  ولد😥

:خرب ههه..والله ضحكتيني مع انه مو وكت ضحك والله...بابا الفصلية ..ياخذوها اهل المقتول   من اهل القاتل .مثل الفديه بس تكون زوجة لاحد من اهل المقتول  ....واكيد ياخذون بنت مو ولد ..يعني ننطيهم فصلي..

:-ياااا  .والله ما كنت اعرف شنو فصلية صح اني سامعه الكلمه  بس ما اعرف معناها ....

:يي بنتي نرجع الموضوعنه...بنتي 😣اوووف والله ما ادري شگول ..بس اخوچ اسم الله علي اذا لزموا يموتوا خلاص ..والله ميهون علي انطيچ فصليه وحق الله لكن شبيدي.....لكن مهما يكون گلبي مطمئن عليج وادري بيچ عايشه .بس اذا اخذوا اخوج.ولا سمح الله واذوه شسوي

:-مجرد التفكير انه ياخذون حسين ويموتوه ..احس روحي تريد تغادر جسمي ..بابا زين حسين هو بريء بعد.ليش يكتلوه الله لا يوفقهم ناس ما عدها لا ضمير ولا انسانيه ..

:-بابا اني ليش لعد كلت هيچ لان اخوج بريء وانتي اريدچ ترفعين راسي وتشوفيهم شنو اخلاقنه ومو احنه الي نقتل ابن بلدنه علمود مصالح الدنيا..وانتي سباعيه ومينخاف عليچ.

:-بابا ..والله اخاف والنوب همه ناس غربه .وشايلين علينه حقد.حسبالهم احنه القاتلين ابنهم .والله اكيد.ميرحموني...:-انا لله وانا اليه راجعون...ادري بابا و الله مو هينه علي اخليهم ياخذوچ فصليه ..لكن ما باليد حيلة .يعني لو دم اخوچ.لو فصليه .... والاثنين صعبات علي ويأذني

:-اسم الله عليك بابا وعلى حسين ...بس انطيني مهله افكر واگللكم.....خنگتني العبره سيطرت عالدمعه گوه..وركضت الغرفتي..شمرت نفسي عالسرير..وطگيت بچي....ليش هيج حضي يارببييييييي يعني بلا ذنب ياخذوني فصلية ليش اهئ اهئ اهئئئئئئئئئ ابچي واشهگ..بس كاتمه صوتي .....بعد.عناء وتفكير طويل فكره تاخذني وفكره ترجعني ...قررت .......رحت واني رافعه راسي وحچيت بثقة   .....        ..لحن الحياة