بلا ذنب اخذوني فصليه

البارت 2

السلام عليكم ورحمة الله وبركاته

بلا ذنب اخذوني فصلية..
بارت ٢&&
##---- الكاتبة لحن الحياة----##

حسين:-وصلت للمكان وتفاجئت من شفت جثة شخص ..جسمي صارت بي قشعريرة. . زين هذا الانسان ما عنده اهل وزين منو الي كتله.وليش مرمي عالارض بقيت اسأل روحي اسئلة ما الها جواب... ردت اگوم وارجع للسيارة شفت زلم ثنين لابسين دشاديش وغتر ..همه شافوني واجوا يركضون بسرعه وواحد منهم شايل بيده مسدس..وضرب طلقتن تجاهي لكن اني ما بقيت گاعد ردت انفذ بروحي ركضت لگيت صاحبي بالسياره گتله ولك امشي بسرعه لا نروح بيها وهو حرك السياره. بسرعه لكن بقى يتساءل :--ولك حسين شكو شصاير وليش نزلت من السياره.

:-بعدين افهمك..شورطني ونزلت من السيارة والله لو ادري يصير هالشكل فلا انزل

:-والله خبلتني .حسين فهمني شكوو.

:-ولك وين رايح ارجع للبيت وبعدين نزور.

علي :-عماد. ولك تعال ..هذا سالم. ولك بس جثة راح اخوووي راح حزام الظهر .ولك ساااااااالم .عماد بسرعه الحگ.السياره .والله اليوم اموتهم على ايدي ولك سالم خويه اگعد ولك شگول للشيخ لو رجعت اگله ابنك راح بعد ما يرجع ..ساااااااااااالم

عماد:-لحگتهم بالسياره الى ان وصلوا اني شفت عرفت عنوان بيتهم. واتصلت على علي. الووو ايو حسين .عرفت عنوانهم 

:-علية عليك.يابطل.....

في بيت ابو اسراء--حسين دخلت اركض للبيت.وصاحبي اخذ سيارته وراح.للبيت ...

ابو اسراء:-شكووو ولك شبيك مخطوف لونك ودخلت للبيت چفت حسبالك اكو احد يركض وراك.ومو على استناد انت وصاحبك رحتوا للزياره ليش رجعتوا

:-بويه اني وصاحبي وگفنه بالطريق هو رح يشتري من المحل مي واني شفت شي مرمي عالارض من بعيد..نزلت اشوف شنو هالشي وتفاجئت لگيتها جثه...وو. .  .  . .. . . .. .. ..وهذا الصار واجينه مهزومين

:-زين ابن ال......شنزلك من السيارة هسه سويتلنه طلابه وبس الله يدري اذا تنحل او لا.  ربي من وين تجينه البلاوي .والله احنه ما ناقصين

:-غير حظي الفگر.......زين يابه وشعرفني رح تطلع  جثه  ورح يجون هذولي من جهه ثانيه ويبلوني ..اااخ ياربي والله تعبت ..ليش بكلشي ماعندي حظ ..لييييش

وبعد ساعه.....
🔫🔫✊✊✊✊ابو اسراء:-ولك اسمع صوت الرمي. الباب رح يتفلش من كثر الدگ   يارب سترك  سود الله وجهك رح يهجمون البيت على روسنه

ام اسراء:-عزه العزه الشيطان ..هاي ليش هيچ يدگون بالباب شنو ما يخجلون

اسراء:-كنت نايمه وفزيت 😳 وقت االغروب.على صوت صياح .....نزلت اركض..هايمه شكو شنو هذا الصوت وليش الباب هيج تندگ..

:-والله يمه علمي علمج الله اليستر.لان دگة البارت وراها سالفه كبيره وادعي الله ينجي ابوچ منها

اسراء:-اسم الله ياعلي دخيلك..بس بابا ابد ما مديون  ولا عنده عداوة ويا شخص. .يارب سترك

حسين:-بويه .اني رح انهزم اخاف احد يجي منهم ويموتوني ... واذا ما صار شي وما اجو بعد افضل ..و اتصل  علي .

:-روووح ..ربنا اليستر..حسين:'صعدت فوگ السطح وعلى سطوح الجيران وانهزمت خاف يسوولي مصيبه اني ما الي دخل بيها  لو يموتوني بمكاني .....رحت على بيت عمي ابو جهاد. مو بعيدين عنه بالفرع الورانه وراسا گمزت على بيتهم ....

ابو اسراء:+فتحت الباب واندفعت گبل وتفاجئت بزلم حاملين اسلحه ..والغضب يتطاير من عيونهم ..

علي :-وين چتال اخوي والله اليوم ادفنه بإيدي ..لك اطلع يانذل

ابو اسراء:-عمي استهدوا بالله  وين داخلين جوه البيت.احترموا حرمة الدار..

:-😠عن شنو تحچي..اسمعني زين چتال اخوي بهذا البيت واذا ميطلع اني اعرف شلون اطلعه بإيدي.

:-لا حول ولا قوة الابالله العلي العظيم..عمي غلطانين بالعنوان

:-لا ما غلطانين متأكد.ابنك دخل الهذا البيت وهو انهزم. من شافنه بعد ما كتل اخوي.  اگلك اختصر الموضوع علينه وسلمنه ابنك لان اول وتالي ابنك لازم يموت وميبقى عدل

نشمي(ابن عم علي) :-علي استهدي بالله .......عمي ابنك قتل ابن الشيخ ..وانهزم واحنه اجيه ناخذ ثار دم اخونه الي انهدر..والافضل تسلم ابنك النه

:-لا عمي مااسلمه لان ابني بريء ومو هو القتل ابنكم .

علي:-وشعرفك هو بريء😡😡

:-ابني حچالي كلشي  وهو شاف شي يالشارع  نزل يشوفه طلعت جثة .وبعدها ٢ركضوا ورموا علي هو خاف وانهزم وهو مو كبير بعده صغير والله ماعنده هالسوالف .ابني واعرفه

:-وحق الحق اذا ميطلع ابنك هسه اهجم البيت فوگ روسكم ...

:-كافي ميصير حتى الناس التمت علينه .تردون تفضحونه وتسودون وجهنه بين الخلگ

:-يصير خير ..يلا شباب.امشوا لان الواطي ما ناوي يطلع وهاي اذا موجود بالبيت اصلا ...بس قبل لا اطلع ابنك موته على ايدي .........يتبع ......

الكاتبة لحن الحياة...

بلا ذنب اخذوني فصليه.