BARAKO SERIES: #2 Seduce Me (Stefano Dela Costa Story) COMPLETED

Chapter 12

Parang may sariling isip ang paa ko. Naglakad ako palapit sa kinatatayuan ni Amanda. Ibang iba na siya ngayon. She looks more beautiful now.

" Amanda?" Tawag ko sa kanya. Napingon siya sa akin. Napangiti ito ng makita niya ako.

" Stefano" Mahinhin na wika nito. Iyon ang isa sa nagustuhan ko sa kanya napakamahinahon niyang magsalita. Pati sa paggalaw napakahinhin din.

" Long time no see. It's been 10 years?" Wika ko. Matagal na noong huling nakita ko siya. Graduation namin noon sa High School. Lumapit ako sa kanya para bigyan siya ng halik sa pisngi.

" Yeah, ang tagal na dito pa tayo nagkita."

Hinampas niya ako ng mahina sa braso ko.

" How are you?" Tanong ko.

" I'm good. Sa ibang bansa ako nagwork pero umuwi na ako dito kasi namimiss ko ang family ko."

Napatango tango ako.

" Saang bansa ka ba nagwork?" Magmula ng mag-graduate kami ng senior high wala na akong balita mula sa kanya. Actually Amanda is my ultimate crush during our high school days. Mahiyain kasi ang beklash kaya hindi ako nanligaw noon. Tsaka confused pa ang lola niyo sa kanyang katauhan before. Ewan ko nagkakagusto ako sa lalaki pero nagkakagusto din naman ako sa babae.

" Sa London ako nagwork as a Nurse. Pagka graduate ko sa College nagtake ako ng board exam then nakapasa ako. Kinuha ako ng Tita ko para magwork sa hospital na pinagwoworkan niya. Nagwork ako doon ng for 2 years."

" So you'll be staying here for good?" Ngumiti ito sa akin.

" Yes. Actually, nagwowork ako ngayon sa PGH as a Staff Nurse. 3 years na ako dito sa Pilipinas. Okay naman ang pasahod although mas malaki ang sahod ko sa UK pero mas masaya naman dito. I really enjoy my life here unlike there nakakalungkot puro trabaho tapos malayo ka pa sa pamilya." Wika nito

" That's good to hear from you. Puwede ka b..." Naputol ang sasabihin ko nang may tumikhim sa likuran ko. It's Kuya Alex.

" Kuya Alex" Nakita kong kasama niya ang mga kaibigan. Kung sa ibang pagkakataon napapatili ako ng lihim dahil ang mamacho ng kaibigan ni Kuya. Pero nag-iba na ang ihip ng hangin. I don't know what happened.

Hindi ko nakita si Alonah na kasama nila. Bahala siya sa buhay niya kung saan siya nagpunta.

May lumapit na lalaki kay Amanda. Ang isa sa kaibigan ni Kuya Alex na si Redentor Dimasalang. Seryoso itong napatingin kay Amanda na ngayon ay parang takot na takot.

" Kanina pa kita hinahanap" Seryosonh wika nito kay Amanda habang matiim ang pagkakatitig niya sa kanya.

"P-Pasensya na." Napayuko ito.

" I'm talking to her ngayon lang kasi kami nagkita. We were catching up" Paliwanag ko baka kasi may masama siyang iniisip sa amin ni Amanda. Napatingin ito sa akin. Hindi ko tinanggal ang pagkakatitig ko sa kanya. Nakipaglaban ako ng titigan.

" Excuse us aalis na kami." Wika ni Redentor. Tanging tingin na lang ang nagawa ni Amanda sa akin. Tumango ako bilang pagtugon sa tingin niya sa akin.

" Okay bro" Wika naman ni Kuya Alex. Tinapik nito sa balikat si Redentor. Gusto kong mapaismid sa yabang at angas nitong gago na ito. Ewan ko may something akong nararamdaman sa ugali niya.

" Kuya mag-ano sila ni Amanda at Redentor?" Tanong ko kay Kuya Alex.

" Magkasintahan sila matagal na. Siguro nasa 3 years na. Ewan ko kay Redentor kung bakit hindi niya pa mapakasalan si Amanda. Kita mo naman super sa ganda at super sa sexy ang girlfriend niya. Pero kung mambabae ang gago parang walang kasintahan" Napalatak pa si Kuya sabay iling nito.