شقاوة انثى..

1

مساء الخير على عيونكم قصتنه اليوم جميله ولطيفه أن شاء الله تستمتعون بقراءتها

#شقاوة_انثى

#بقلم_نسرين_الجبوري

. الطفولة عالمٌ مُخمليّ، مُزدانٌ بقلوبٍ كالدُر، وأرواحٌ باذِخة الطُهر....

الطفولة شجرة نقاء وارِفة الظِلال، وأغصان عفويّة تحمِل ثِمار القبول والمُتعة.....

الطفولة ربيع وزهر، وأكاليل ياسمين تتقلّد جيد الحياة فتكون زينة لها. الطفولة قصّة حُلم، وقصيدة أمل، وخاطِرة عذوبة.....

الطفولة حياة الروح، وروح الحياة. الطفولة أنفاسٌ عذبة وسحائب ماطِرة وأريج عبِق.....

وكفت عل ميزان...أقيس وزني
فرحانه كلش واني حرك كلب اختي"وضلعتي الهايشه....واكلها
-شوفي وزني 69 وي طولي الي168..
یمه فدیتني أجنن...

طلعت للصاله...بيدي الميزان..
اريد أراويهم...
ماما ملتهي تسولف وي جارتنا...
وكل اشوي دكلها..

-داده مااخذ من وقتج جاي اطلع..
وهي من العصر واكفات...

عيوني للطرمه... يم الحديقه..
بابا بيده درنسيف يصلح نقطة الكهرباء..

مااكله بوزني المثالي...لا يخلي اصبعي مكان الدرنفيس
زين أنتظر نور وهيفاء"وفاتن من يجن من عيالهن
بيوم الجمعه....
بس كون مااسمن بعد..
محمد بس اكله يروح يضحك عليه

لأن اني الكعده...والكل يعزني...

نمت ومن وكت بوراي دوام...

الصبح صبح...وسينفونيه نبع الحنان

-لچ أم خويط راح اصعد اكسر الماسحه عليج
أخيتج راح اتروح للمدرسه وتعوفج..

فزيت واني اتهدد
-عوفيني انام يوم...
وهاي الهايشه ترى اكوم اكسرها تكسر

-لج معزايه ليش تغلطين على اختج كومي...
صوتها قريب عليه..
معناها جابت واحد من اسلحتها البيضاء..

رفعت الغطا من وجي..واشوف الماسحه بيده..صرخ

'اخ يمه اشبيج اخ لتضربين والله اذا تضربيني اعوف البيت واهج ...

-ولج انتي الوحيده الي ما عرفت اربيج اليوم أعيد تربيتج تعالي ولج لا تنهزمين ...

اجت تضرنبي طفرت...من الجربايه
ركضت واركض وتركض امي ورايه أستغفر ولج يمه كافي اريد ابدل واروح للمدرسه. ..

يللا بسرعه دقايق والكاج جاهزه ....

الله يصبرج ياروح وين أولي اريد اغيب ما اريد أداوم بدلت و رحت للمدرسه اني والهايشه مريم طبعن مشيت عليهه لقب الهايشه واني مشه عليه لقب ام خيوط و هيفاء لقب الفاهيه دخلت للمدرسه تلكتني صديقتي ساره الزركه ها الزريكه اشبيج وجهج يطير الرزق ...