مساء العسل والبقلاوه على عيونكم
#البارت_الثالث
#بقلم_نسرين_الجبوري
ماما راح اروح للمدرسه تقريني باجر عدنه امتحان ....
روحي ماما ....
يمه ليش تعلميهه للهايشه عل معلمات خلي هيه تقرأ لو بس فالحه تاكل مو ناي اني اشو كوله اقرأ بل بيت و درجاتي احسن منهه ....
اي شسوي انته خبله و ذكيه وهيه عاقله وثوله وبعدين تعلمي كولي ماما مو يمه ....
صار مامي ...
شوف المكموعه اكوللهه ماما تكولي مامي ...
يعني شسوي ميرضيج ...
تعالي هسه عوفي هاي السوالف اريدج بموضوع واذا سويتي انطيج 5 الآلاف ....
هله هله صار بيهه 5 الآلاف كولي ....
أسمعي فتحيلي اذانج زين باجر اروح للمدرسه اخذلج اجازه الصبح و اريدج تراقبيلي ابوج و تشوفي من يطلع منا وين يروح ....
لالا يمه هاي يجوز بيهه أذيه الابويه 5 الآلاف متفيد هيه الإجازة خوش شغله بس سويهه 10 و اني انفذلج المهمه ...
ولج تساوميني أمري الله هاج هاي العشره بس ديري بالج اسمعج كايله الابوج متلومين إلا نفسج ...
لا يمه أقصد ماما ابد ما اكوله اروح اسبح بين تخلصين العشه صدك بيبي وين ...
راحت ويه بيت خالتج ....
اي بعد احسن تنام يمي وتكضي الليل شخير ومتخليني انام ....
بنت الكلب ليش تحجين على بيبيتج. ..
اخ يمه عفتي الماسحه حولتي عل نعال هسه قابل اني حاجيه شي غلط اروح اصعد احسنلي صعدت اخذت ملابسي و طبيت للحمام اسبح واغني واركص جوه المي
ولا اطب بسوبرك شارع ضيك
ولا اطب بحجلتك شارع ضيك
وهله وهله العب العب للكاع ...
بنت الكلب اطلعي اريد اغسل دتسبحين لو تغنين. ....
ها بابا والله مو وكتك هسه دقايق واطلع يعني اشون محد يرتاح بهذا البيت بكل شي لاحكيني اكل يصيحوني اسبح يوكفولي انام يكعدوني بل كبر وهم يلحكوني لبست ملابسي وطلعت يللا تفضل استاذ عبدالله ....
اشبيج ادردمين بنت الكلب و فوكاها انتي ما راضيه وهاي جديده مال استاذ عبدالله...
اوووف انته ومرتك تعبتوني الله لو خالقني قرده ولا هل عيشه نزلت واني ادردم وينج يمه جوعانه سويلي لفه ....
انتظري خلي ابوج يغسل ويبدل و نتعشى. ..
ما اريد انتو شغلتكم ميئوس منهه سويلي لفه اكل وحدي .....
الله وأكبر على راسج تهججين بلد هاج اكلي و فضيني. ...
راح اكل وأنام لتكعدوني ...
