اعذروني على التاخير اعرف مقصره بحقكم
البارت الثاني عشر
شقاوة انثى
بقلم نسرين ألجبوري
مرت اليومين و صارت خطوبة غفران ومحمد سوينه خطوبه بيناتنه معزمنه أحد بس بيت ام عماد و كطعو مهر سيد و حفلة المهر اجلوهه وره ميكطعون مهر محكمه و بعد زواج احمد حتى هم بين ميشترون ذهب و رحنه اني و رشا و عمه ام عماد و اجرنه بدلات و اختاريتلهه البدله مال عرس شكل الحوريه هستوه نازل موديلهه وبدلة الحنه لون ذهبي تجنن و اخذتهه الام الصالون صارت صديقتي و كملنه كل شي و رجعنا بل طريق شكرتني عمه ام عماد ....
الله يوفقج عمه وكفتج ما انساها ابد الله يرزقج بابن الحلال ....
لا عمه ممسويه شي اني و رشا هم اختي و لتنسين اني ام المهمات الصعبه ....
فدوه الكلبج سموره والله احلى اخت انتي ....
رشاوي حبي ربي يسعدج ويهنيج عمه انزل يم بيتنه ....
والله متنزلين تجين ويانه للبيت تتعشين انتي و رشا وبعدين واحد من الولد يوصلكم ....
لا عمه مو ماما يظل بالهه عليه ....
معليج اني اخابرهه هسه ....
دكت على ماما....
الووو هلو حبيبه ام محمد اكولج سمر راح تروح ويانه للبيت تتعشى و بعدين نوصلهه ها اي ماشي زين لعد الله وياج ....
ها عمه شكالت...
تكول وصلوهه يم بيت خالتهه تبات لان باجر الصبح ترحون تشترون ذهب لغفران وامج راح تجي تبات يم بيت خالتج ....
اي زين ....
اي نتعشى ونكمل و نروح نتمشى البيت خالتج هم اشوف امج واكعد اسولف وياها اشويه ....
ان شاء الله بداخلي احجي شنو الفايدة العشه اذا عماد ماكو بل دوام يللا هم تغيير جو وصلنه للبيت لكينه عمو ابو عماد جايب اكل من بره كعدنه تعشينه و كملنه و احمد اخذ رشا يوصلهه البيتهم واني وعمه ام عماد عبرنه البيت خالتي لكيت امي جايه ها ماما شلونج هلو خاله....
هله بل معدله حبيبة خالتهه ولج والله لو عندي ولد الا اخذج اله .....
هههههه فدوه الكلبج زنوبه ....
اي ام محمد شخبارج ....
الحمدلله خيه انتي شلونج الولد شلونهم...
والله تعبانه بتحضيرات الزواج ...
الله يساعدج وين حتسون العرس ...
والله بل قاعه ومناك يرحون للفندق ...
اي زين خلصي من الهوسه ....
كعدنه سوالف وضحك جان يدك موبايل ماما رقم مريم ....
هاي مريم كاعده ادك عليه خير بهل ليل ساعه 11 مو من عوايدهه تخابر هسه....
