احببته بطيبتي فبادلني بقسوته 💔

الجزء الثاني "هنساك....هنساكي "❤

مايؤلمني ليسَ أنكَ لآ تشعُر بِي وبـ عُمق ألمي , مَايُؤلمني' أنكَ تَشعر بي ولگنك تَتعمد أن' تَتجاهلني وتَمضي .!💔
________________

صباا قامت وغسلت وشهاا وخرجت من الحمام وكان ادم قاعد ع طرف السرير حاطط راسه بين ايديه

صباا بجمود : انت هتخرج من الاوضه دي وتنساا اي حاجه حصلت هناا كل اللي حصل ده تمحيه من ذاكرتك

ادم وقف قصادها: اااه وكانت لحظه ضعف زي اللي قابلها كل ما يحصل حاجه بينا تقولي الكلمتين دوول وتستخبي وراا الوش الجامد ده
انتي عارفه كويس ان الوش ده ع كل الناس الا عليا
تفتكري انا مش عارف انك كنتي بتعيطي
تفتكري مبحسش بيكي لما ببقا جمبك وشايف نظراتك
تفتكري مختش بالي من نظراتك وضعفك يوم وفاة اكمل
كل اللي انتي فيه ده ستاره بتستخبي وراها لكن انتي من وراها ضعيفه....انتي ضعيفه يااا صباااا

صباا بزعيق : ايووه ضعييفه.....ضعيفه من يووم ما دخلتك حياتي...ضعيفه من يووم ما حبيتك
ولسا ضعيفه...ومع كل اللي عملته فيا وقلبي مش قادر ينساك يااخي ملعون الحب ده...

ادم : انتي مش حاسه ان كلامك بيوجع

صباا : هه بيوجع بجد... فاكر يا ادم اول ما عرفتك لما قابلتك ف الاجتماع فاكر قولتلي ايه
قولتلي انتي اسمك ايه...صباااره وانا زعلت وقعدت اقولك اسمي صباا...
دلوقتي انا بشكرك لاني فعلا بقيت اسم ع مسمي انت سمتهولي بقيت زي الصباره اللي بيقرب مني مبيقابلش غير شوك...
وانا دلووقتي بقولهالك يا ادم انا هنسااك..

ادم بجمود: وانا هنساكي يا صباا...

وخرج ادم من الاوضه وهو حاسس انه خسر...خسر الوعد اللي اخده ع نفسه انه هيرجعها لحضنه...خسرها هي...خسر والمره دي مفيش امل

_________________________________

عداا شهرين
صباا وادم بيبعدو عن بعض ع قد ما بيقدروا
بيحاولو دايما ميتقابلوش غير لو ادم ابنها طلب
انه يشوف ابوه

كلام صباا اللي قالته لادم واجعه ومش قادر ينساه
واحساسه انه خسرها وندمه اللي بيزيد كل يوم ع اللي عمله مبيسيبوش

وصبا بتحاول تسامح نفسها ع الغلطه اللي غلطتها وشايفه ان بعدها عن ادم هو الصح

_______________________________
وف يوم

ف مكتب ادم
الباب خبط ودخل السكرتير بورق
السكرتير : الورق ده محتاج امضة حضرتك...
ادم وهو بيمضي : حاجه تانيه
السكرتير: ايوه يا فندم الحفله السنويه اللي الشركه بتعملها كل سنه معادها الاسبوع الجاي...انا قولت افكر حضرتك
ادم : ااه...انا كنت ناسي...تمام اتفضل انت

خرج السكرتير وادم اخد الجاكت بتاعه وخرج وهو ماسك الموبايل وبيتصل بصباا
اللي المعامله بينهم بقت شبه رسميه الشهرين اللي فاتو وبقا يتصل يبلغها انه جاي يشوف ادم