نولو دوكا عند شاهين لي من لي شافها بدا يخمم فخطة للانتقام و كي عرف انها بنت فاطيمة خمم يتقرب منها و يكسب ثيقتها و يطلب بنتها و يتزوجها و يسافرو يعيشو في لندن و لتم يدير فيها واش يحب وهذا ل صار **** شاهين بعدما أقنع فاطمة أنو راح يعيش شهد أميرة وراح يسعدها وغير معاه لي رايحة تكون هانية مع أنو كان عندو مخططات انتقامية ،امها كان كل همها تزف بنتها لعريسها وتشوفها هانية في دار راجلها قبل ما تنام عينها وتخلي بنتها لي معندهاش سند آخر في هاذي الدنيا من بعد امها همها كهم كل ام تشوف بنتها عروسة..
فاطمة بعدما كلات راس بنتها بموضوع الزواج مخلات حتى طريقة مجربتهاش باش تقنعها تقبل بشاهين يعني بعدما خمت لقات بلي الحل الوحيد باه تسكر امها هذا الموضوع وهو تقبل تتزوج..... شهد تحكي مع روحها:""ماما وعاجبها وهو طلبني منها يعني نكون عجبتوا لما شافني؟؟لالا مانظنش شكلي ميطيحش واحد من أول نظرة 😒 ،،يكون عاجبوا النسب تاع ماما؟؟ثاني منظنش معندوش بزاف ملي عرفها يعني من المستحيل يتزوج ببنت وحدة تخدم عندو وهو مديرها 😛.....يعني هو صغير وعقليتوا مليحة كيما قالت ماما وشباااب مالفوق هو ضاربها في روحو شوية ومغرور بصح أنا شفتو غير مرة يعني منقدرش ندي عليه نظرة وأنا منعرفوش... وبعد منتزوجوا راح نروحوا نعيشوا في لندن وأنا كل حياتي نحلم نكمل قرايتي ثم وقريت أدب إنجليزي باش نقدر نروح لكن ظروفنا متسمحش وهكذا راح يتحقق حلمي... نعيش فالغربة ونخلي ماما وحدها.. شهد ما طاوعهاش قلبها تروح وتخلي امها وحدها كان جاوا يسكنوا في بلاد وحدة نقولوا تقدر تزورها منين ذاك لكنها راح تعيش في بلاد وبعيدة بزاف ثاني بصح امها لي قنعتها تتزوج بيه وهي راضيتها تبعد وتخليها المهم لقات شاهين لي تهنى على بنتها معاه.... شهد قالت ليماها بلي راهي قابلة بشاهين وفرحتلها بزاااف يعني وأخيرا 😜،،حكات فاطمة مع شاهين وبشراتوا بلي بنتهر قبلت وهو كان أسعد خبر في حياتوا وأخيرا راح يبدا يحقق إنتقاموا قللها بلي تكاليف العرس كامل عليه وقرروا يديروا حفلة صغيرة يعرضوا فيها معارفهم وبعد العرس بيوم يسافروا.....وهذا لي صار.جا نهار العرس ناضت صباح بكري و راحت عند الحفافة ..جبدت شعرها و دارتولها كوب كيما يلي فلافوتو و زيناتو بتاج فضة زاد فيها النص..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ماكياج خفيف زاد حلاها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و لبست robe blanche princesse طويلة جات تاع الصح كيما الاميرة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
......... قاعدة في بيتها تستنى عريس الغفلة يجي العريس لي معرفتش كيفاش قبلت بيه .....قاعدة تفكر في عرسها ...اليوم تخرج من دارهم عروسة ....ليوم تخرج من الدار لي تربات فيها ....ليوم تخرج من الدار لي كبرت فيها...الدار لي شهدت لحظات بكاها ،لحظات ضحكتها..فرحتها..حزنها.. الدار لي فيها ذكرياتها ...طفولتها.....و الاهم راح تخلي يماها...يماها لي عيات وهي تربي فيها و كبرتها ...يماها كان عندها الحق كي بعدتها على باباها ....دمعات سخونين هبطو على خدها كي تفكرت صحبتها لي كانت تتمنى تكون موجودة معاها في هاذ النهار .. زادت قوات في بكيتها كي تفكرت بلي هي سبب موتها ....صحيح انو الاعمار بيد الله و انو موتها قضاء و قدر مي هي تاني كان عندها يد فيه رغم انو نيتها بريئة الا انها ادت الى موت صاحبتها، فطنها من شرودها تزمير السيارات و دخول يماها و الدموع في عينيها ..........(
