أهواء القدر 😍😍 كورنيك جزائرية منقولة 😍😍

جزء 17

  شاهين راح قعد مع جاكلين وبدات تعمرلوا في راسو على شهد وقاتلوا هي ما تستاهلش الشفقة والعطف تاعك (كان حكالها شاهين على قصة انتقاموا مع شهد)
واقترحت عليه تروح تسكن في الدار معاهم وهو قبل ميقدر يرفضلها حتى طلب... قبل أنو تجي معاهم..
شاهين راح مع جاكلين للدار وخلى شهد وحدها فالشركة نسى أصلا بلي هي كانت معاه... شهد فالشركة تشوف فالساعة وتستنى في حضرة جنابو يشرف ويديها تروح..
شهد{تحكي مع نفسها}:اوووف وين راح وخلاني وحدي هنا غير كون نعرفهم، أكيد يكون راح مع المصفارة تاعو .
قص على تفكيرها هذاك الرجل لي كان يشكر في جمالها في الحفلة(رفاييل اسمو)....شافها وحدها طلب منها يوصلها هي رفضت مع لول لكن قالها شفت مسيو شاهين روح مع جاكلين وداري في طريق دار مسيو شاهين اذا سمحتي نوصلك معاياا.. يعني صح دارها بيا وروح ،قبلت شهد العرض تاع السيد وراحت معاه psk مكانتش رافدة معاها دراهم......
شاهين وصل للدار كان قاعد في الصالة مع جاكي 😜تفكر بلي خلى شهد فالشركة وحدها.رفد مفاتحو وجا خارج...قاتلوا جاكلين:
She:ooooh honey where're going?!
Chahin:I forgot chahd in the office she don't know the places here..
هو خارج وهي تلحق فيه كي فتح الباب لقاها هابطة من الطومبيل تاع السيد بقى باهت فيها....ستناها حتى دخلت للدار وجبدها من شعرها (مفهمتش واش قصتو مع شعرها المهم طفو الضو💡)
شاهين:يا****كيفاه تركبي في طومبيل واحد في نص الليالي*****
المهم كل الألفاظ السيئة عايرها بيها وهو يضرب فيها. {شهد وهي تبكي وتحاول تجبد شعرها من يدو}:هو على الأقل خمم فيا وجابني روحت ماشي كينما نتا ديتني معاك رميتني ثم وروحت..
شاهين مزال شادها من شعرها ويضرب فيها:هذا ميبررش عملتك 😈..
شهد تصيح:واش هو الذنب لي درتو اني روحت للدار وحدي ولا انك تكرهني وحاب تسودلي حياتي..رماها فالقاعة وجا طالع...
جاكلين واقفة تتفرج وتستشفى في شهد 👿
هو طالع نطقت:
جاكي:شاهين معليش تقلي وين غرفتي... {أكيد متهدرش دزيري هي}
شاف فيها شاهين وهو مزال مقلق من جيهة حاس بالذنب أنو خلا شهد وروح من جيهة حاس بالغيرة كي هي روحت مع غيرو مد وجزر في عقلو::
شوفي غرفة الضيوف اذا كانت فارغة..
كانت حابة تدي غرفة شهد باه تزيد تذلها كثر لكن خممت في فكرة أخبث::معليش نتشارك أنا وأنت في نفس الغرفة؟!
شاهين بهت في جرأتها كيفاه طلبت منو هذا الطلب شاف في شهد لقاها حالة فمها تشوف في جاكلين..
شهد:يعني أكيد حكالها على علاقتنا وعلى معاملتو ليا ولا متتجرأش تطلب طلب كيما هذا ومنين من راجل متزوج..شاهين حب يقهر شهد وقبل انو جاكلين تسكن معاه قالها::اوكي ضرك نفرغلك جيهة من خزانتي تحطي فيها حوايجك (يحكي ويشوف مع شهد يعني نتي مرتي وقدرتيش حتى تدخلي لشمبرتي)
جاكلين حست انها دارت انجاز وهكذا تزيد تذلها اكثر..
شهد خلاتهم وطلعت لبيتها تبكي..كيفاه انا مرتو وميعاملنيش كيما يعاملها هي هيه واش نتوقع من واحد وعدني انو يخلي حياتي جحيم..جاها احساس معرفاتوش وشي هو بقات تخمم فيهم هي رقدت في بيتو يعني راهم****..لا وين راني نخمم انا مهمنيش فيهم يخطوني برك..حست بالغيرة على شاهين من جاكلين لكن بقات تكذب في احساسها...
عملت دوش وبدلت حوايجها وبقات تخمم حتى رقدت.....
في الصباح كانت راقدة حتى دخل عليها شاهين ونسا ميدقش الباب قبل ميدخل...لقاها راقدة على كرشها وخصلة من شعرها في وجهها الغطا طايح في الأرض هي مكانتش تتوقع يجي ليها حتى لبيتها كانت لابسة روبة rose bébé قصيرة وكي رقدت زادت طلعت منظر مغري بقا يتفرج فيها حتى بدات تتحرك فالفراش باه فطن على روحو راح نوظها
نخلعت كي شافتو واقف قدامها غطات روحها:
هي:غير الخير واش تستحق من عندي مع الصباح؟!
وشافت في الساعة لقاتها 8:00 تفكرت لفطور جات نايضة قالها يماك باغية تحكي معاك عيطتلي قلتلها راهي راقدة...
شهد بغات تطير من الفرحة كي سمعت بامها محكاتش معاها من لي كانو فالمطار عطالها التيلفون وخرج..
شاهين كان هابط في الدروج فكر كان شهد تحكي لمها .
على معاملتو ليها رجع يجري كان راح يفتح الباب سمع شهد تحكي:
شهد:متتقلقيش عليا ماما شاهين راه دايرني في عينيه كيما وعدك وراني هانية معاه الحمد لله مانيش حاسة بلي راني فالغربة كامل..
ام شهد:.....................
شهد: علاه واش بيه صوتي..لالا كيما قتلك ماما متشغليش بالك واطمني مكنتيش غالطة كي قنعتيني نتزوج بيه ظهر بلي يستاهل يكون زوج مثالي وسندي من بعدك...
شاهين كان يسمع وجاه هذاك الشعور تاع الذنب فكر يتنازل على انتقاموا قصت على تفكيرو شهد كي فتحت الباب محبش يبينلها انو سمعها قالها:اعطيني تليفون واهبطي وجدي لفطور دقيقة نلقاك التحت وبدلي عليا هذي اللبسة لي لابستها...