فصليه الشيخ زين العابدين

البارت الاول

مرحبا اسمي جوان عمري 20 سنه من بغداد اني حلووه اخبل بدون مدح وتكبر بس اني احلى وحده بالبيت ابوويه يصيحلي وجه الگمر ووجه الخير لان دائَما يكولون اذا صارت هاي الشغله اشتريلج هيج وهيج وفعلا صارن هواي شغلات  يصيحولي النافعه والخفيفه اني مرحه واحشش والضحكه تارسه وجهي بس قويه وعندي شخصيه مدلله شكلي شكره وبيضه عيوني صفر على عسلي حلوات شعري طويل لحد خصري وسرح وناعم اني ناعمه وخفيفه وضعيفه وزني 53 وطولي 161 شوويه كصيروونه فديتني اخبل ههههههه عندي خمس اخوان واخت وحده
ماهر عمره 29 متزوج شهر زور وعنده اثنين بنات ضحى وسجى حلووات الله يحفظهن وزوجته طيبه كذلك
ساهر عمره 27 مزوج اسمهه حور عنده ولد اسمه عادل 
مصطفى عمره 25 خاطب وحده يحبهه اسمهه خديجه
علي هذا المدلل  مالتنه عمره 23شقي ومرح ما متزوج ولا خاطب
ورتاج عمرهه 22 متزوجه طبعا اموت عليهه لان اختي الوحيده تزوجت ابن عمي يحبهه عَمرهه جان 16 عدهه بتهه ليان بالروضه تجنن فديتهه تصيحلي جوانووو وتمووت عليه
صح من تزوجت رتاج هواي اتاذيت جنت احبهه بس الله عوضني بنسوان اخواني حور شهر زور وخديجه كانو ونعم الاخوات الي
طبعا اني اصغر وحده ومدلله وكلشي اريده احصله شوويه عقلي طفولي بس فاهمه اني ما محجبه ابد خلصت سادس بمعدل 98 من كثر حبي لحلمي اصير دكتوره ودخلت طب عام الحمدلله حاليا مرحله اولى اني عائلتنه متمكنه وعايشين الف الحمدلله والشكر عندي عمامي خمسه وثلاث عمات اما خوالي ثلاثه واربع خالات يمووتون عليه وجدي وبيبتي

نروح للبطل ##
مرحبا اسمي زين العابدين عمره 32 متزوج عندي ريم ومريم وهند وسيف وزوجتي حامل هسه بولد زوجتي عهود عمرهه 30 حبيتهه من جنه صغار جيران نلعب سوه بس همه شالو لغير محافظه جان عمري 12 وهيه 10 سنوات قروا اهلنه سوره الفاتحه وحجزوهه الي وكبرنه واحنه سوه صار عمري 15 وتزوجتهه جان عمرهه 13 صغيره صح بس ابتعدت عني صارت بغير محافظه وضجت فتزوجنه وصارت
ريم حاليا عمرهه 15
وبعدهه مريم عمرهه 13
وهند 7
سيف سنتين
وحامل بولد
اني طبعي عصبي بس متفهم ابويه دائما ياخذني وياه للمضيف ونحل العشاير وامور الفصول ومدري شنو دائما يستشيرني رغم عندي خوان أكبر مني بس يكول انت الذكي والفاهم شكلي طويل وضخم حنطي عيوني جوزي وشعري طويل اكلبه ليوره كلش ضخم طولي 191  ودائما انيق وطيب القلب واساعد الناس ابويه متزوج ثلاثه والرابعه محد يدري بيهه بس اني واخوواني كرار وكيان عندي 12 اخو و6 خوات نصهم متزوجين ونص ما متزوجين 

نروح للبطله ##
مره من المرات رجعت للبيت اني وصديقتي غاده دائما نرجع سوه اباوع لبيتنه ناس يمه وصريخ رحت اركض من الخوف اشوف كاعدات امي ورتاج ونسوان اخواني وعمامي ونسوانهم وعماتي َوولدهم الكل موجود رحت لامي
جوان : ماما شكو شصاير
ام جوان : ولج راح اخوج راح يمه وتبجي
جوان : كلتلهه يا اخو شبيج محد يحجي
كال خالد ابن عمي هذا سبق وتقدملي اربع مرات بس ارفضه لان اريد اكمل دراستي
خالد: اخوج داعم مره وميته وهسه هو بالسجن
اني ضربت على خدودي صخام وضلينه نبجي كالو راح يروحون للسجن جلبت وياهم وعاطوا علي كال ابوي امشي بويه رحت وياهم اووووف سوده علي علاوي حبيبي يبجي بالسجن رحت شبكته ويكلي لتعوفيني انقهرت وضليت ابجي عليه

نروح للبطل ##
جانت حياتنه اني وعهود حلوه وطبيعيه خاليه من المشاكل فد يوم جانت حامل بشهر الثامن كالت اروح اشوف اهلي واكمل غراضي المهم وديتهه لبغداد بس هيه الجهال ضلو يمي لان حامل ومتكدر وهم اني اخاف عليهم فبقوا يمي كاعدين نسولف ونضحك كلنه اني واخواني وزوجاتهم اجاني اتصال جاوبت
زين العابدين : الوو
مجهَول : عفوا اخي تره صاحبه هذا الرقم سوت حادث وهيه بمستشفى **** تعال بسرعه
اني تخربطت اوضاعي تغيرت ملامح وجهي سالوني كلتلهم وكلنه ركبنه توزعنه بسيارات اخواني
وصلنه للمستشفى َگالو ماتت بس الطفل عايش بس بالخدج لان شهر الثامن عنده نقص اهنا جسيت كلشي فقدت فقدت أعز انسانه على كلبي عهود زوجتي ام جهالي حبي الاول اهلي كلهم يبجون اني حطيت ايدي على راسي ونزلت راسي طاحت دمعتي

* اتدرون ما هو أصعب من الموت، هو فراق.. فراق المحبوب حيث يصاب المحب بحالة هستيريا من جراء ذلك لا توصف
     
نروح للبطله  ##
رحنه للمستشفى ولكينه ناس شكد ما شاأء الله شكد عددهم راح ابوي وعمامي يحجون وياهم وواحد يصيح وعصبي والنسوان تبجي كلت اكيد تعنيلهم هواي هالمرحوومه حددوا بعد ثلاث ايام يجون سووا كعده عشائره بس ميطلع علي لحد ما نكمل الكعده المهم رجعنه

نروح للبطل ## شويه واجو زلم هواي اهل المخنث الك**د اللي دعم زوجتي
كلنالهم كعده عشائريه جايه وياهم بنيه ملابسه حجاب لابسه بنطرون اسود وبدي اسود وشعرهه مسويته ذيل حصان شكره تخبل راحو وهيه شبكت رجال جبير اعتقد ابوهه رجعنه وسوينه الفاتحه وخلصنه اسبوع ورحنه للناس سويناهه كعده طلبت دم بدم ضلوا يهدون بيه واني اصيح واكلهم اكتله اكتله
نروح للبطله ##

كعدنه كلنه يم الباب النسوان ونسمع اكو واحد بس يصيح ويكول دم بدم ويهدون بيه بعدين سمعت ابوي يصيح جوان ما انطيهه بتي الوحيده ما انطيهه ركضت اله ورحت حضنته كتله عيونك جوان كلشي ولا انت سلامتك حبيبي وابجي واحاجيه وهو يبوس ويكول ما انطي بتي عرفت طلبو فصليه كعدناه وعدلناه واجه ساهر حط علي الستره

                    انتهى