فصليه الشيخ زين العابدين

بارت سادس

رحت حضرت الغراض وةلشي يحتاجونه واني ضايجه وابجي اخذهن زين واخذ علاء ومرت ايام واني بس ابجي وما اكل وضعفت وكلش متغيره َصايره صفره وما انام بالليل صبينه عشه وكعدنه كلنه  ردت اروح صاح عليه عمو
ابو زين : بويه ما اكلتي شي
جوان : مشكور عمو سفره دايمه
بيبي : خايبه اكعدي متشوفين روحج
جوان : بيبي والله شبعانه
زين : خزرني كعدي ويانه
جوان : خفت وكعدت ما اكلت بس هيج العب بالاكل
مي: زيوون يمته تجيب البنات
امي : اي والله يمه مشتاقيلهم
زين :باوعلي كال باجر اجيبهم
جوان :طفرت من يمي صدك والله
زين : اي
كمنه شلنه الاكل ما مصدكه راح يجون جهالي باجر واكفين كلنه البنات ننظف ونغسل امراعين
ديما:هنيال الشاغل بالك يا حلوو
مي :اي يعيووني اني اكوول شغير رئي اخووي تالي 😜 امممممم
جوان : مخبلات شبيجن والله جهالي شاغلين بالي
ديما : عابت 😬
كملنه وكعدنه نسولف شويه وصعد كل واحد لغرفته كعدت ب12 ونص غسلت وبدلت وجاي اعدل بفراشي وجان يدخلون ريم ومريم وهند ركضت بووستهم
اجه سيف : ولو ولو امي حبي حطنج.
ابوس بيهم واشم بيهم
جوان : هسه ردتلي عافيتي
نزلنه جوه وهمه لازكين بيه وعلاء هم يمي
هبه : اي عيني احنه شنوو كاعدين هيج دتعالو سلمو علينه صارلكم من الصبح يمهه
مريم  : والله خاله امنه وبكيفنه
هبه : شوف شوف الادسسزز باعتنه كلنه
سوينه عشه وتعشينه وبعد ثلاث ايام الدوام مالتهم وثاني يوم كالعاده روتين عادي العصر كاللهم زين اخذكم تشترون ملابس عارضن البنات الا اروح اني وياهم وزين كال متروحين وعاط على البنات
صعدتهن فوك وضلن يبجن ويسولفن وياي
جوان : يمه ليش ما تروحن
ريم : يمه غير اني مثل البنات تروح وياي امي تشتريلي تنصحني تختارلي ما اروح الا انتي ويانه
مريم : اي ماما احنه شنو نعرف شنشتري
منعرف قياسااتنه

زين العابدين فتت وسمعت بناتي يسولفن ويبجن ويه جوان كسرن كلبي هم يردن مثل قبل امهن
دخلت عليهم
زين : شوفي جوان حضري نفسج بس ما اريد شي يطلع منج فهمتي راح ياخذكم عمار تروح وياكم سندس ومي
مريم : ييييسسس
جوان : ماشي
رحت لبست بنطرون اسود وبدي اسود واخذت من ريم صايه سوده وبيهه ذهبي لان معندي ولبست شاال ذهبي واسود مالت الصايه وحذاء ابيض رياضي وجزدان صغير ونزلت جوه واخذنه عمار اخذت سيف وياي بس علاء بقه رحت اشتريت للبنات ملابس بيت ومدرسه وطلعه وغراض وكل احتياجات المدرسه وقرطاسيه هم وسيف اشريتله تراكات ورجعنه هلكانين حييل تعبانين رجعنه ب7 وربع لكينه عدهم بيت عمهم اهوو ذول العكره سعاد واختهه المزعجات وخطيه البنات يشتغلن وديت الغراض لفوك سيف نام واخذت علاء العب بيه كبران حييل يخبل صاير وابوس بيه وهو يناغي ويدردم حييل حلوو ابيض وعيونه عسلي وسمين انطيته لوفاء ورحت ساعدت البنات وضليت انكل الاكل ويه البنات طبعا وفاء ابد ما تشتغل لان تتعب بسرعه صبينه الاكل وكعدنه ناكل رحت كعدت سيف تعبان خطيه فلاونزا وكلته وبس يبجي وشابكني وما يقبل اتحرك خليته عند زين وشلنه الاكل رحت غسلت المواعين صاح عليه زين بصوت رج البيت رج
زين : جوووووواااااان
رحت اركض
جوان : ها خير شنو
زين : اتركي الخره وتعالي يبجي عليج ما تشوفينه يبجي بصراخ تعالي
خير الله : شبيك خويه شسالفتك
بيبي : ياا بيبي تخبلت صيحلهه على كيف شبيك هيج خلست البنيه
جوان : انطيني اياه
اخذته جان يبجي
جوان : سوده عليه حبيبي تبجي علي
رحت غسلت وجهه انطيته دوه وخليته بحضني هو نام وشلته خليته فوك ونزلت كملت تغزيل البيت صارت ب 9  كاعدين كلنه نسولف وبيت عمهم راحو ضلت بس سعاد
زين : بعد اسبوعين ونروح لتركيا علمود عمليتج وفاء
سعاد بهمس : هسه هيه اول وتالي ميته علمين تروحون وتتعبون
زين : خزرهه خزره اني من يمي خفت وهيه ضلت تبلعم بت روحي هاي افتهمتي مستعد انطيهه قلبي علمود
تعيش
وفاء : بعد روحي يخوي متقصر
ضلينه نسولف ونصنف ونلعب صارت ب12 رحنه نمنه نامن بناتي كعدت ب3 اباوع لسيف عركان ويرجف ومصخن رحت جبت ماء ووصله وسويتله كمادات وانوب صار زين ب5 وشويه كال جوعان
رحت كعدت ديما وريما وما كعدن وانوب كلت وفاء مريضه خطيه ومي عدهه دوام خلي اروح لسندس معدهه شي وغرفتهه بصف غرفتي  رحت دكيت الباب
عمار : ها هله خويه رايده شي
جوان : اعتذر على الازعاج بس سيف مريض واريد انزل اسويله اكل وعلاء نايم بالغرفه خاف يبجي خلي اجيبه يمكم اذا ما عدكم مانع
عمار : هله بيه لا معندي شي كاعدين احنه هسه شويه واطلع للدوام وسندس كاعده جبته حطيته على الجربايه ونزلت جوه وكلته وراح عمار وسندس كالت اخذي راحتج عمري راح اروح لغرفتج اشوف البنات وعلاء خليه يمي
جوان : مشكوره خيه ما تقصرين
سندس : تدللين خيتي
نام سيف وما بيه حيل اصعد ونعست حييل نمت اني وياه على القنفه كعدت على صوت بيبي
بيبي : بيبي ليش نايمه هنا كعدي روحي لغرفتج
اباوع الكَل كاعد جاي يتريكون
جوان : ها بيبي صباح الخير
بيبي : صباح النور حبيبه ليش نايمه هنا
جوان : والله بيبي سيف امس كله مريض مصخن وجاع ونزلنه هنا وتعبت ونمت ومحسيت
بيبي : يله عيوني مصار شي روحي صعدي كملي نومتج
جوان : لا بيبي اساعد البنات وشبعت نوم
رحت صعدت سيف وعلاء نايم والبنات هم غسلت وسبحت وصارت ب7 ونص ونزلت جوه صبحت عليهم وتريكت ولملمنه صادف اليوم خميس كلهم  راحو للدوام صارت ب9 كمت كعدت البنات وعلاء ونزلت ضل بس سيف تعبان فوك
صارت ب11 سوينه غده اجووي الولد وتانينه عمي ماكو نتصل عليه كال انتظروني صارت ب2 وماكو الاكل برد وشويه واجه هو ومره يعني عمرهه بالأربعين وبنات اثنين وثلاثه ولد كبار
عمي : السلام عليكم
الكل : عليكم السلام
كيان : ويه يأبه هاي زوجتك
الكل باوعله باستغراب اباوع لنص الولد يضحكون ومن ضمنهم زين
زين : والله يابويه سويتهه وجبتهم
سلمنه عليهم وعرفت هاي زوجته الرابعه
والولد فهد ونمر وصقر والبنات وحده زينه ابد مو راحه ووحده كلش حلوه ومرحه اسمهه امواج حلوه
حسام : يابه اخويه الكبير اسد وهسه اخواني الاصغر مني مدري الاكبر مني فهد ونمر وصقر انكلبت حديقه حيوانات ههههههههه
الكل : هههههههه
لؤي : اسكت لك حيووان مدري شلون قبلت بيك مرتك بعدك على خبالك

(طبعا لا تستغربون بيناتهم كله غلط ماكو زعل ولا شي لهذا عايلتهم حلوه رغم عددهم هواي بس ملمومه ومحد عازل بيهم بيت لوحده والجنات كلهن محبات لبعض )
تغدينه وصارت ب3 سوينه كيك وعصاير محد نام بعد ما تسوه النومه
ضلينه نسولف وحمويني الجدد هم تعودوا واندمجوا
كلشي عادي اخذت البنات درستهن طبعا ريم صارت رابع علمي ومريم اول متوسط وهند ثاني ابتدائي وسيف ثلاث سنوات ونص وعلاء سنه وشهر طبعا صارلي سنه عدهم ما مقصرين ويايه بس اشتاقيت لاهلي وما اعرف اخبارهم