فصليه الشيخ زين العابدين

البارت الخامس

سويت ريوك بيض سلك وطك وجبن وجاي ضلو يكعدون واحد وره الثاني تريكو شلنه المواعين غسلنهه البنات البيت كلش نضيف وحلوو يخبل كمت اخذت البنات درستهن وكالو حيجي الطفل الصغير طلعت اني وسيف العصر للحديقه نلعب اني وياه وهند ويانه بره نلعب بالحديقه تخبل كلهه خضار وحشيش وورد شويه واجه
زين: شسوون هنا
باوعت بيده طفل كمت اخذته منه وبسته يخبل حلووو
جوان : فدووه لله شنوو سميته
زين : بكيفج انتي سمي شنوو تردين
جوان : صدك اممم شنوو رئيك ب علاء
زين : بكيفج
جوان : هم حلوو وهم اسم عمه هيج اي هذا هوو علاء
زين : اوك براحتج  حلوو بس منين عرفتي عمه
جوان البنات امس حجن عنه

علاء توفه اكبر اخوانهم محبوب ويحبونه شغله مثل زين العابدين ضابط بس انغدر وكتلوه قبل ثلاث سنوات يمكن خطيه ما متزوج اعتبروه شهيد

تقرب عليه كتله
جوان : يله ندخل
زين : ااوووووووف يله امشي
راد ياخذه كتله اريده حلوو ضل يضحك كال اخذيه الج رحنه دخلنه لجوه ذبحوو ذبيحه ووزعوهه علمود سلامه علاء وكلالهم زين انو اني سميته هيج وسميناه علاء وكلش صغير وحلوو يخبل
صار العصر صحت للبنات واخذت سيف وعلاء وكلهم موجودين نومت علاء وسيف يلعب بالايباد مالته درست ريم ومريم وهند ريم جانت ثالث متوسط ومريم سادس وهند اول ابتدائي وصعب خطيه خلصنه دراسه سيف نام خليته واخذت علاء ونزلنه جوه مسوين عشه
اطياف : وين جنتي تعبنه سوينه الاكل
جوان : جنت ادرس البنات
سعاد : اي عيني سوي روحج طيبه الله اليعلم شسوين بيهم مدري شلون وثقوا بيج
مي : شهل حجي ولج امشي ولي
اطياف : اي عيني حتى انتن مدري شسوتلجن اخذيهه حجه دراسه علمود لا تشتغلين
شهد : كافي بنات صلوو على محمد
سعاد : انتي اسكتي مالج غرض انتي ومي الا اكول لزوجج عليج طالعلج لسان
هبه : لا عيني لا طالع لسان ولا شي ندافع عن حقنه وبعدين انتن جايات تهددن بينه
سندس : روحن روحن لو يدري زين هيج تحجن ويانه وخصوصا مرته يلعب بيجن جوله فسكتن احسللجن ليش تنطردن
هن سكتن
جوان : اسفه والله بس جنت ادرس البنات خاف تعبتن
سندس : لا شسالفه حمبي اصلا انتي شايله البيت كله وبعدين هذن دائما هيج يحجن خابصاتنه
اماني : يله بنات امشن نصب عشه
جوان : اشوو ماكو رباب
مي : اي راحت لاهلهه
رحنه صبينه عشه كعدت جاي اكل جان يبجي علاء اني انزله جوه بغرفه بيبي لان قريبه على الهول ينسمع كمت رحت يمه رضعته وهيج ربع ساعه ونام ورحت صعدت كعدت سيف وجبته نزلت وكلته
بيبي : جا بيبي انتي ما اكلتي انطيني اياه اني اوكله
جوان : لا بيبي الحمدلله شبعانه
كمت خليت سيف بحظن زين ورحت شلت ويه البنات المواعين وهنه غسلن صاحلي زين
زين : تعالي للغرفه
جوان : اوك
امي : انطيني سيف خليه يمي
وعلاء نايم
جوان : دربالكم على علاء ليكعد
صعد وصعدت وراه سد الباب قفله
جوان : ها زين رايد شي
تقرب مني واني ارجع
جوان : شبيك زين
زين : وتالي وياج يعني ما تحسين بيه
جوان : شكوو
باسني ضليت اضرب بيه وابعده وهو مَاكوو ما يحس خرمشته ضربته راجدي انكطع نفسي واخيرا وخر مني اباوع لوجهه بس شخط بخده باوع لروحه
زين : نعله على كووومي حضريلي ملابس اريد اطلع راح اسبح ابقي لحد ما اخلص اذا خلصت وما لكيتج امووتج
جوان : ححاضر
دخل يسبح واني حضرت ملابسه وكويتهن خلص وطلع بدل
جوان : تريد بعد شي راح اروح
زين : اي
جوان : شنوو بعد
زين : يابه شلون شفايف عسل تعالي انطيني وحده ثانيه
جوان : هااا
زين : شبيج
جوان : مبيه شي رايحه بيباي
جاي اطلع وركض سد الباب
زين : يله انطيني واخليج تطلعين
جوان : ما ما ولي عني ما اريد
زين : ما اولي لحد متنطيني
ضل يتقرب راد يبوسني وخرت راسي وحطيت ايدي على حلكي وضليت اوخر راسي منا ومنا اخير شي لزمني من شعري حيل علمود اثبت راسي وهم وخرت راسي حسيت شعري انشلع من مكانه ضربني راجدي وطلع
زين : اني اعلمج
راح وضليت ابجي اذاني خدي صار احمر وشفايفي حمر ورمن بجيت ورحت غسلت وجهي ونزلت
جوان بهمس : ريما وين زين
ريما : طلع معصب وضايج وماله خلك الدنيا صاح عليه ابوي كاله ما بيه شي وخده مزلوغ وايده هم شصار بينكم وَبعدين شبيه خدج احمر تعاركتو
جوان : لا ماكوو شي
ضليت افكر شبيه هذا
جوان : وين سيف
ريما : راح ويه عمتي ايلاف هو والبنات بس علاء نايم
جوان : يااا غير تكولون شنوو يباتون
ريما : لا هسه يجون راحت وياهم منال وفاطَمه وديما لا تهتمين ميصير بينم شي يجيبهم زين وياه
جوان : هاا اوك
ضلينه نسولف صارت ب11 اجه زين
كمت رحتله
جوان : وين الجهال
زين : راح يبقون
جوان : يااا ليش
زين : كيفي
جوان : شنوو كيفك اريدهم
زين : خلي وحده من البنات تخلي علاء يمهه الجهال راح يبقون يم عمتي ايلاف
جرني وراه
بيبي : مووفق بيبي بالعافيه
زين : تسلمين بيبي وضحك ودارلي حاولت افلت ايدي ماكوو قووي
دخلني لغرفته
جوان : شبيك زين شنوو هاي شيسمونهه يعني روح جيب الجهال ووخر عني اريد  اروح
زين : خاب دروحي
قفل الباب واخذ المفتاح
زين : راح اسبح حضريلي ملابسي
جوان : ما احضر
زين : اه صدك هيج صارت
جوان : والله قابل مجذبه عليك روح جيب الجهال وافتح الباب
زين : ما افتح وما اجيب
ضليت ابجي وكعدت بالكاع
زين : استغفر الله صرخ عليه وكومني انتي شبيج ما تفتهمين امشي ولي عني امشي يصيح علي واني مخروعه منه فتح الباب وطردني  رحت للغرفه ضليت ابجي اريد جهالي غسلت وجهي ورحت جبت علاء وصعدت نومته وبجيت اشتاقيتلهم كعدت ثاني يوَم هم نفس الروتين واتوسل بزين يجيب الجهال
جوان : زين شبيك ليش هيج تحب تاذيني ليش ما تجيب الجهال وبجيت
زين : امممم تردين ارجعهم
جوان : اي
زين : جيبيلي طفل
جوان : شنوو شبيك تخبلت انت من كل عقلك تحجي خاب دروح شبيك انت مخبل
زين : لعد روحي الله وياج وحضري ملابس الجهال اوديهم لبغداد يم بيبيتهم وخالاتهم
جوان : لا حباب وين توديهم عفيه جيبهم
نزلت لبيبي
جوان : بيبي ليش ما يجيبهم
بيبي : بيبي شسوي بعد بكيفه ما بيدي شي والله ابوه واخوانه يحاجونه واني وامهاته وما يقبل راح يوديهم لبيت جدهم صارلهم هواي ما شايفينهم
خليت وصعدت اجتني وفاء وفاء طيبه وخوش بنيه وفقيره ما تكعد يمنه طبعها انعزالي وما تسولف ودائما مريضه
وفاء : عادي ادخل
جوان : تفضلي حبيبتي
وفاء : ليش داتبجين
جوان : هذا اخوج ميقبل يجيب الجهال
وفاء : اي صدك كالي كليلهه خلي تحضر الملابس مالتهم وحتى مالات علاء
جوان : اووووف ليش هيج يذلني
وفاء : شوفي حبيبتي اني اخته كلش كلش قريبه هوو يحبج ويريدج بس انتي ما تحبينه ولا جاي تعبرينه اصلا كال هذا درس علمود توافق على اللي اريده لان يعرف نقطه ضعفج
جوان : اهئ اهئ 😭😭
وفاء : لا لا تبجين يجيبهم ما يطولون
جوان : اوك كمت حضرت وهيه يمي
جوان : اكول وفاء
وفاء : كوولي
جوان : انتي شكد عمرج
وفاء : 23
جوان : العمر كله الج
وفاء : تسلمين الله يسمع منج ويخليني ابقه سنين
جوان : اسم الله عليج ليش
وفاء : اني بيه مرض القلب من صغري وكلش متاذيه فما تشوفيني انعزاليه وما اسولف هواي لان ما أريد احد يتَعلم علي وخاف امووت ما اريده ينكسر كلبه بس زين كلش متعلق بيه ويموت عليه وكل اسرارنه سوه وما فد يوم كسر كلبي او اذاني وبعد فتره عمليتي بتركيا راح يوديني زين خطيه كلالي ما ااخليج تموتين انتي بت روحي
جوان : ياا خطيه عمري سلامتج ان شاأء الله ميصيرلج شي وتطيبين بس صدك وياه حق لاخوج يحبج لان سوالفج حلووه تخبل مثلج
وفاء : تسلمين حياتي يله اروح اني حضري الغراض ووديهن ولا تهتمين كم يوَم ويجيبهم
جوان : ان شاأء الله