اجت المدرسه ودراسه وركض وما الحك متت حتى ضعفت الكل انتبه طبعا بهاي الفتره بديت الاحظ نحول وضعوف هند كلش وما تاكل ودائما تشكي من راسهه ومره تقيئت دم اني تخبلت رحت لزين كتله اخذهه للمستشفى
اجه مشتريلهه حلويات وتكمز وفرحانه بستهه
جوان : شلوننهه دبدوبتي الحلووه
هند : زينه
جوان : يله روحي يم لعبي يم البنات اي زين شنو شبيهه
زين : لا رد
بيبي : شبيك يمه احجي
ماكو ما يحجي
جوان : زين شبيك احجي
زين : بيهه سرطان بصراخ فهمتي وكعد وحط ايده على راسه ودنك
جوان : بقيت منزله راسي اكيد ديشاقه وياي شنو سرطان شنو هالحجي
جوان : زين داتشاقه وياي
زين : تشوفين هذا موضوع مال شقه
جوان : نزلت دموعي حييل
عمو : زين فهمنه شنو اله علاج من يمته وهيه هيج
زين : لا ماكو علاج الهه يكول الطبيب منتشر بكل جسمهه
جوان : لا مستحيل شنو مالهه علاج شنو يعني تموت لا مستحيل ما خليهه تروح مني هاي روحي من الدنيا قطعه من كلبي تهسترت ضليت اصيح وابجي
البنات يسكتن بيه وابجي واصرخ اجت هسه شبكتني
هند : شبيج ماما
جوان : يا روح ماما شبكتهه وصبو عشه محد اله شهيه لان هند جانت محبوبه سمينه حيييل وعدهه خدود حمررر وبيضه وعيونه زرك
نمنه وكعدنه ثاني يوم وحاجيت زين ياخذنه للطبيب كال اروح احجز للهند
حاجيت كيان
جوان : فدوه كيان اخذني للمستشفى
كيان : امشي يله
شهد : ولج رجلج ما يقبل شلون تطلعين تردين تعمين على روحج
جوان : ما عليه خل اروح اشوف وضع بنتي بنفسي ورحنه وسوينه تحاليل وكالو الهه علاج راح يبدون كيمياوي وياهه
جوان : اي هسه سوي حباب الله يخليك
الدكتور : اي ما عدنه وكت طويل
وفعلا بدوا وياهه علاج كيمياوي انتهت يمه بنيتي دبدوبتي اشوفهه تذبل كدام عيوني ورجعنه وزين كلبهه كلاب عليه كلي شلون تطلعين وتصرفين من يمج وضربني راجدي وطلع معصب واني بس إبجي وادعي ثاني يوم اخذناهه اني وماما اخذنه حسن وسوينالهه كيمياوي ومر اسبوع وكله كيَمياوي وتعبت بنتي وضعفت حييل وزين ما اجه من ذاك اليوم كاعدين كلنه وسمعنه صوت هند
ركضنه فوك كلنه وشفناهه واكفه كدام المرايه وشعرهه طايح بيدهه وبالكاع
وتبجي شبكتهه وهدئتهه
جوان : يطول والله ويصير احلى
هند : والله
جوان : وداعتج بعد روحي يطول وتصيرين احلى اجه ثاني يوم زين حجو عليه لان ماكوو وتركنه بهاي الحاله وشاف بنته وبعيونه الانكسار
اخذتهه كذلك ومر شهر واني حالتي حاله هند فقدت 12 كيلو صارت هيكل وحييل تعبت
الدكتور : اكو حاله شفاء وجاي يستجاب جسمهه
جوان : صدك دكتور والله طمنتني
دكتوور : راح نسويلهه عمليه
جوان : اتفقنه نسويلهه عمليه يشيلونه وبعد اربعه ايام
دكتور : بس.....
جوان : بس شنو دكتور لا توكف كلبي كول
دكتور : نسبه نجاح العمليه 5%
جوان : شلون ضليت ابجي اخير شي وافقت
رجعت للبيت وكلت للكل
زين : نروح للهند نعالج حجزت باجر
جوان : لا خاف منلحك وهم لازم كيمياوي وعمليه بعد شهر او شهرين
زين : اي هو هيج
جوان : جا شلون مضل وكت
زين: والله ما ادري محتار
بيبي : يمه وليدي لا تحتار والله لو ما جوان جان هسه بنتك ماتت تركض بيهه ركض وحتى شعرهه كصته علمود هند.
مي :خلي نطلع هم نخرج من جو الكابه وهم تتونس هند
بهاي الاربعه ايام طلعنه هوواي وتونست هند اجه يوم العمليه
رحنه اني وهند ويمه وماما وزين وحسن وفهد وكيان وكرار وسندس ورباب وضلينه ثمان ساعات متانين وهيه جوه واني كلبي ميت عليهه وكلساع يخابرون علينه خطيه ضال بالهم شويه وطلع ركضنه
الدكتور بابتسامه : الف مبروك نحجت العمليه الحمدلله على سلامتهه
سجدت بالكاع سجده شكر لله
جوان : الحمدلله يا ربي وابجي شبكت زين وحطيت وجهي بصدره وابجي واكله شوف مستحيل تعوفني وتروح كلبي كامل وما ينقسم وتروح قطعه منه
وضليت ابجي ويضحكون عليه وحتى صوروني هاي سوالف سندسوو متكعد راحه هههههه
يمه : خايبه شنو عجبج الوضع دكافي
جوان : اضحك ودموعي تصب
مسحت دموعي ورحنه لغرفه هند اباوعلهه نايمه
جوان : بنيتي حبيبتي هنووده حياتي اكعدي
فتحت عيونهه
هند : ماا ماا
جوان : حبيبتي تروحلج فدوه ماما وابوس بيدهه
هند : طبت راح يطول شعري.
جوان : اي حبيبتي راح يطول وترجعين تصيرين دبدوبه تخبلين
كلنه ضحكناهه وفرحت واشوف الفرحه بعيون زين
اجه الدكتور : الحمدلله على السلامه يا حلوووه شلونج حاسه بالم
هند : لا حياتي بس يمته اطلع ضجت 😏
صفنه عليهه تسوي روحهه جبيره
الدكتور : اي من عيوني هسه شويه وتطلعين
هند : شكرا ما تقصر
ضحك وراح
كيان : ولج هنيده منين متعلمه هيج
هند :من ماماتي بعد منين
صفنه عليهه
المهم رجعنه للبيت وثاني يوم سوينه ثواب وعزيمه واجو قرايبهم كلهم
أنت تقرأ
فصليه الشيخ زين العابدين
General Fictionفتاه تعيش بدلال وراحه تذهب فصليه لشيخ وعائله كبيره جدا ويكون لها اطفال وتعيش حياتهه وفوقها مسئوليه كبيره ويفرجها الله عليها لتعيش بسعاده وهناأء
