Poems from the heart

Grado sa kapirasong papel

Kanina, pagkauwi galing eskwela,

Isang papel, aking dala-dala.

"Nay, heto na po ang grades ko." aking sabi.

Ako'y nagtaka, anong nangyari?

Ni walang tanong, sila'y nagalit.

Sila'y nagalit sa gradong nakalapat sa isang kapirasong papel.

hindi ba't dapat ako ay magpunyagi?

Sapagkat kahit papaano'y 'di naman ako bagsak sa klase?

kahit anong eksplenasyon ang aking sabi,

hindi nila maintindihan ang aking hikbi.

Kasalan bang hindi manguna sa klase?

"Patawad po." bulong ko nalang sa sarili.

Dulot ng pagka-bigo

Lahat ay maaaring magbago

Gabi-gabi'y nananalangin.

Na sana'y kanilang maintindihan at dinggin.

Sa Bintana, ako'y dumungaw

Itim na kalangita't bituin aking natanaw.

Ako ay nangangarap,

na sana ako'y kanilang matanggap.

Ang puot na aking nararamdaman,

Ay sing itim na ng kalangitan.

Lungkot at pusong nasaktan,

kailan kaya mabibigyang lunas at maiibsan?

Lagi nilang sabi, "Bakit di mo gayahin ang ate mo?"

Sumagi sa isipan ko,

kung gagayahin ko ang ibang tao,

Sino naman kaya ang gaganap bilang ako sa mundo?