#صديقات_على_مر_الزمن ...بارت ((1))
#حنين_حاتم
جاي البس بشالي وسمعت صوت لهورن وامي تصلي وتصيح الله اكبر عود دتكلي اجة لسايق
مديت راسي من لباب اشرتلة بيدي حتة ينتضر
ركضت لبست جواريبي ولحذاء جريت لجنطة ولبست عباتي بسرعة
طلعت صعدت بلسيارة وحرك
سايقنة شايب ودائما اني ويا مناكر لان اتأخر
طريق مدرستنة كلش حلو اضل صافنة علجامة رغم حافضة شكول البيوت وكلشي
سيارتنة تكسي واني اخر وحدة تصعد بلخط وياي 3 بنات بلمتوسطة علاقتي بيهن موهلكد علة كد لسلام وبس
وكفت لسيارة ونزلنة لسايق علشارع
مدرستي صايرة بمكان تجاري كلش مجمعات واسواق وشوارع اربع سايدات
نزلنة كلنة عبرت لشارع ووصلت للمدرسة الي جانت مكتضة بطالبات المدرسة الي عكس دوامنة جانن حالات ومنتضرات لسواق من
بين هوستهن طبيت من باب المدرسة الي يجي بعدة ممر طويل عن اليمن اكو حديقة وعن ليسار مثل الكراج اكو مدرسات يسوقن يخلن سياراتهن بي
اكو شجرتين نبك كبار حيل وقديمات من عمر المدرسة
من اباوع عليهن ادوخ بكد ماعاليات
نهاية الممر تجي بناية المدرسة
قدديمة حيل من اباوعهة احس نفسي بجيل الثمانينات علباب واكفة الفراشة ام عبد الله جبيرة بلعمر بس ماحاطة احترام لنفسهة ابد صوتهة عالي لبسهة ممحتشم واغلب البنات يضوجون من عدهة لان منافقة حيل وحتة شكلهة ممريح
وقوفهة علة هاذ لباب حتة تمنع لبنات من لدخول منا لان هاذ باب لادارة وخاص للمدرسات مشيت لحد مالفت بضهر لبناية مال لصفوف مناك لباب المخصص لدخولنة
تقريبا هية اكبر مدرسة بلمحافضة
بضهر لبناية تصير ساحة جبيرة كلللش هاذي مخصصة للطالبات
بعدني امشي صارت كبالي لارا بمكانهة المتعودة الكاهة بي
هية تجي قبلي لان جدهة يجيبهة
تباوعلي وتضحك
اباوع علة وجهة الملائكي وابتسملهة متكدر تتقرب الي لان تصير كبال باب لمدرسة لخارجي وهناك لشرطي ولحارس واكفين
تنتضرني اوصل الهة
وجه بريء الى اكبر حد عيون عسلي فاتح وبيهن جرة
بياض فاتح حييل شعرهة بي لون بقية معانيهة حلوة ماعدا حلكهة شوية بي عرض
جسمهة معتدل الطول ومتناسق
طبيعتهة باردة حييل بطريقتهة بلكلام تصرفاتهة ردود افعالهة بكلشي باردة اني من تدقني اكلهة انتي فاهية احاول استفزهة حتة تغير هلطبع لان حيل مااحبة
اني وياهة فرق السماء عن لارض بكلشي
شخصياتنة تناقض موطبيعي كلشي بلارا موجود عندي عكسة
محد جان متخيل احنة نكون صديقات مقربات اذكر اليوم الي لتقينة بي
جانت جاية نقل من غير مدرسة اول شي صارت بشعبتنة بعدين ودوهة بشبة الباء وتالي جابوهة بشعبتنة احنة الأف من دخلت باوعت عليهة وضحكت كلت خطية هاي يارايحة ياراجعة
