#حنين_حاتم
#صديقات_على_مر_الزمن....بارت33
يعني شنو ليش هيج تسوين
يعني مثل ماسمعتي نجوم السمة اقربلج من كميل
خريج السجون
يمة فدوة لاتقيسن من هاي
والله نسجن ضلم والله
ليش متوافين وانتي تعرفي كلش زين وتعرفين اخلاقة
متكليلي ليش
بدون ليش
ولج ابو كلب ابن كلب مرة اخذتة وياي للمحكمة يشهد علمود طلاكنة اني وابوج اخذ من عندي 4 الاف دينار بذاك الوكت هسة يسون 400 الف
وهوة شعلي بأبو
ابو فد واحد جلف وبخيل حتة وياهم
اني مراح اتزوجة الة اني راح اتزوج كميل
وكميل شنو اكيد نسخة من ابو
وتعيشين وياهم بنفس البيت وامة مارايدتج
يراووج النبي عربي
يمة الله يخليج اني معلية بأهلة محد دايم وهمة ثنينهم كبار كلهة كم سنة ويودعون الدنية
واني ماعدي مشكلة اتحمل
هاااا هاذ تتحملي وابن خالج السيد الشريف دك وناح وتوسل لحد مامات وخليتي لناس تصيح من وراها مات
يممممة رحمة لربج رحميني
الله اخذ امانتة اني شنو ذنبي
اني الله قابل وموتة ليش بكلشي تحطون سالفة
ولد راح والله يرحمة ويعوضة الجنة خلو بكبرة مرتاح وانسو السالفة
طال النقاش وية الحجية
وختمتة بصياح وكلتلي ماطول مصرة علي معناهة هوة هاذ نفسة الي جنتي تجيبي لغرفتج بليل
وماتاخذين خريج السجون لو علة جثتي
خلتني ادك والطم
ماينوخذ منهة حق لابلطيب ولا بلغصب
تعبت واني اقنع بيهة
جريت حسرة واني اتذكر شلون دخل للسجن من وراي
بيوم خابرتني يسر وسولفتلي علة وضعهة خابرت لارا وامهة دلتنة علة واحد ابو خيرة ورحنالة وكال مسويلة سحر لرجلهة ديخلو يشوفهة خنزيرة موبشر ولهاذ لسبب ميطيق يتقربلهة
ولسحر علة رزقة هم ولهاذ لسبب ميحصل شغل
دلانة علة مكان السحر وكلنة علة اسم الي مسويتة بس خلانة نحلف علقران انو منجيب سيرة اسمهة لأي بشر كان
ومن كال اسمهة عرفناهة وحدة من اخوات سالم
بيومهة خابرنة علة يسر ودليناهة علة مكان السحر وفعلا طلعتة من فوك لكنتور
ابو الخيرة كال اني مااكدر افك السحر
مااشتغل بهاي الشغلات بس دلانة علة واحد بلحلة ونطانة عنوانة ورقمة
يسر متكدر تروح لان رجلهة ماكلتلة
اذا تكلة ميصدكهة وتخاف يروحن يسون سحر جديد لان هوة كلشي يصير بينهم يروح يسولفة لخواتة
من كد ماعامياتة بلسحورة
طلبت من عدنة انو احنة نروح
واتفقنة نروح اني ولارا ثاني يوم نطلع من الجامعة ونروح
ثاني يوم حضرت كروة وفلوس خاف يطلب من عدنة ابو الخيرة ونطيت خبر لخالتي كلت خاف يصير شي واني رايحة طريق بعيد امي مااكدر اكللهة
