#حنين_حاتم
#صديقات_على_مر_الزمن......بارت17
صديقات رغم المحن 💔
نور رفعت راسهة تبجي وعين علينة وعين علمديرة
حجت وجان تكللهة
ست اني متنازلة عنهم ومسامحتهم ماريد لا اشتكي عليهم ولا توصل للتربية
عاطت بيهة شنو مسامحتهم شبيج ماما تخافين من عدهن والله افركلج حلكهن فرك وهاي سوالفهن الة اندمهن عليهة
لا ست ماخايفة بس اني استاهل
اني اني اني تحاوزت عليهن وسبيت سمر وفشرت عليهة اني الي ثرتهة وخليتهة تتصرف هلشكل
يعني هسة شنو نور تعوفيهن هيج بدون متاخذين حقج بعد كل لسونة بيج سونج فرجة للطالبات شلون تسكتيلهن ولج شلون
ست الله يخليج اني سامحتهم وخلص ماريد شي منهم عوفيهم خلص
انتي متردين حقج هاذة شي يرجعلج روحي لصفج يلله
سمر: طلعت نور وهية ستلمتنة رزايل واني كوة ساكتة كلسا اريد اكب بوجههة وزمن تكرصني تكلي ستري علينة لاتسويلنة استدعاء ولي امر
لحد ماخلصت محاضرتهة كلت للمعاونة ينفصلن سبوع كامل ويتنقص من كل درس 10 درجات
زمن رأسا شهكت لان درجاتهة بل60 وال50
ول10 ممكن ترسبهة
رادت تحجي اشرتلنة علباب احنة هم طلعنة من سكوت
لكينة اسراء بلباب ناصبة مناحة وكاعدة بلكاع
شافتنة دنكت تبجي وكل حيلهة يختض
تقربت يمهة ثنيت رجلية وكعدت يمهة بلكاع همستلهة
والله اسراء قصرتي لوجايبة لطامة يحضي
ولج شبيج علة شنو تنبجين
اسراء: كلة مني سمر شنو ذنبكم انتو توكعون بيهة
ولج سكتي شنو هلحجي ولج اخيتنة انتي وحكج اطلعة من عيونهة هلنذلة الخسيسة الي ماراعت زاد وملح اريد الله يضوكهة من نفس لكاس
اسراء: سمر لاتدعين عليهة فدوة
خررررررب ولج بطيتي كلبي بهلطيبة
هلطيبة لمفرطة متنراد بهلوكت اسراء دخيلج صيري قوية واحنة بضهرج وحقج وين ميكون نطلعة
لاتضنين هلعقوبة اذتنة لاوداعتج ماهزت شعرة من راسي وحكج اجيبة عد كائن من يكون عسما ننفصل سنة مو اسبوع
ولج اخيتنة انتي هاذ النفس ليصعد وينزل شكم اسراء عدنة ليش
اي ضحكي رحتلج فدوة
تقربت حضنتنة وزمن ويسر نامن فوكانة
اسراء: الله لايحرمني منكم ولايراويني بيكم مضرة وعسا يومي قبل يومكم
كمنة كلنة للساحة برة احنة مفصولين واسراء ويسر نهزمن من لدرس
كعدنة نسولف ونضحك ولا كأن مفصولين ولاكأن كل هاذ صاير يكفي انو احنة سوة مهما يصير ويانة عادي وحدة تنسي الخ ووحدة تهون علثانية
اسراء: اي حجولي شصار وياكم احجي سمر شسويتي بسالفة حيدر
ذكريات رحمة لأهلج لتجيبين سيرتة كدامي ولا تسأليني لأن الله وكيلج اني نفسي مادري شصار وشراح يصير اهلي مخليني خراعة خضرة الرأي والقرار كلة الهم اني مركونة علة صفحة
