#حنين_حاتم
#صديقات_على_مر_الزمن
صديقات رغم المحن 💔 #بارت23
يسر: نفتحت لباب واباوع ابوية كبالنة شكلة وكفتة نضرة عينة كلشي بي يدل ان هوة موبوعية
طب جانن اكو تحفيات على لكاونتر حابتهن النة تمارة مطبخنة زغير وغراضنة زغار
مد ايدة شمر لتحفيات الي علكاونتر بلكاع تفلشن كلهن
امي جانت بلدوام من بعد ماتعينت بدائرة مال ايتام
ام سامر توسطلتلهة وعينتهة
ضلينة نتراجف
قيس بلشغل وبس احنة بلبيت
رجعت ذيج الرهبة رجع ذاك الخوف حيلي كلة جان يرجف
ولاكأن كبرت ولاكأن عدت سنين
نسيت الحجي الي جنت اقوي روحي بي قبل ماانام
واكول اني بعد ماخاف منة واذا مد ايدة علية اني هم اضربة وهوة اصلا موبوعية ومابي كل حيل من لشرب
بس اضاهر هاذة حجي جنت اقشمر روحي بي
صار يصيح علو صوتة وشكو شي كبالة يشيلة ويضربة بلكاع مواعين صواني كلاصات
صوتة صار يعلة والفشار علة امي
وينهة امجن لدا.... تشتغل موووو
وذاك لصكط مكيفلهة عايفهة علة حل شعرهة
لا اخوة يلزموهة ولارجل
يتهادد ويصيح
طلع صاطور من الكاونتر واجة علينة احنة وحدة حاضنة لثانية
يفشر ويخوف بينة بلصاطور يقربة يمنة واحنة نتهينة خوف وبجي
قسما بلله بذيج الحضة احس روحي من لخوف تنسحب مني
مو ابو جلاد
يربي ماكو هيج كلب قاسي بحياتي ماسامعة اكو هيج ابو
بس ماعتب علي وهوة يسكر بلقندرة
ولخمر قسة كلبة ومسخة من كل فضيلة حطهة الله بلأنسان
كسر كلشي بينة وخلق براوحنة ثغرات صعب تروح كسر ثقتنة بنفسنة
خلاني اخاف من كلشي واكره شي اسمة رجال
تقرب علينة ويفلش بلغراض
تدنة علزوالي يلزمهن ويفتكهن بلصاطور
اباوع عليهن والدموع تجري
هاذة تعب امي وشكاهة
اقتصدت وحرمت روحهة من كلشي حتة راحة ماعدهة حتة تسويلنة بيت
حتة منحس بنقص
تمارة كامت علي تريد تدفعة
جرهة حييل من شعرها صارت جوا حاط لصاطور علة ركبتهة ويفشر عليهة
ولج دا..... تتحديني وترفعين ايدج علية علمتجن ذيج ال...... مووو
ولج اني تمدين ايدج علية اليوم اسوي مااسوي
كمت اصرخ كل صوتي والطم تخيلتهة راح تموت بين ادي
دقايق وطبو علينة زياد وامة واخو
زياد واخو ركضو علة ابوي جرو من تمارة ويضربون بي ميدرون بي ابوية لان ماجايبين سيرتة ابد واني من يسالوني اكلهم ابوية ميت اني ماعندي ابو
طلعو برة وامهم تسأل بينة هاذة منو
تمارة كلتلهة عمنة هاذة واني تجاوزت علي وهيج ضربني
كعدت تدعي وتحجي علي
