يكفيك ضلما يازمن

البارت الاول

البارت الاول

🌸 يكفيك ضلمآ يازمن  🌸

                    🌹للكاتبه رونق 🌹

مساء الخير ع جميع متابعيني

ابدي قصتي وياكم واتمنى ان تنال اعجابكم وطموحي توصلوها للمركز الاول مثل قصة اهات ودموع يتيمه

وقبل كلشي راح نتعرف ع ابطال القصه

البطله اسمي ازل : عمري 16 سنه صف رابع اعدادي يتيمه الام عندي بس اخ واحد اسمه محمد يدرس طب ابلاروسيا ووالدي متزوج ع امي باحدى محافظات الجنوب
مواصفاتي : طولي 165 وزني 55 بيضه وعيوني خضر وصاحبة رموش طويله وشعري طويل لخصري تقريبا ويميل للاشقر عندي غمازه وحده نكدر نكول جميله طبعا شبيهة ماما اني عايشه وي خالو وبيبي باربيل بيت جدوا اهل بابا مااعرفهم بس بابا اشوفه بالسنه مره وحده
اني سافره حتى حجاب ماالبس

البطل اسمي كيان  : عمري 30 سنه متزوج بنت عمي بس ماعندي اطفال طولي تقريبا 185 وزني 75 صاحب جسم معضل وجميل وشكل اجمل عيوني ملونه وطبعا دائما جنت مغرور بشكلي اني مهندس بس ممتعين بس عندي بوتيك ملابس نسائيه واحذيه وحقائب بمنطقه معروفه بمحافضتنه طبعا اني اعيش  باحد محافضات الجنوب عايش وي اهلي ابويه مدرس ونبع الحنان مدرسه همين حالتنه الماديه كولش زينه عندي اخوه اثنين واحد اسمه مهند الجبير متزوج وعنده ولد وبنيه وهو ظابط واخويه الثاني ظرغام وحاليا يدرس صيدله ابغداد وعندي اخوات 2 متزوجات وحده اسمها حنان  متزوجه ابن عمي الي هو اخو زوجتي وبنفس محافضتنا والثانيه اسمها غفران  متزوجه ابغداد والثالثه اسمها رقيه بكلية القانون مرحله اولى  حاليا

باقي التفاصيل راح نعرفهه من خلال سردنه للقصه

ازل :من وعيت ع الدنيه لكيت امي وابويه منفصلين كلمن عايش بمكان بس ممطلقين ومااعرف السبب واني عايشه  ابيت جدو اهل ماما باربيل احنه جنه عايشين ابغداد بس انتقلنه  لاربيل بسبب عمل خالو

بابا عايش باحد محافظات الجنوب ومااشوفه غير بالسنه مره متزوج وعنده 2 اطفال

قبل سنتين جنت عايشه عيشه تخبل جنت يوميه انام بحضن نبع الحنان جنت حيل متعلقه بيها بس اخذها الموت مني فجأه وبعدها حسيت بوحده وانفصلت عن العالم الخارجي حيل اتاثرت بيها بس ابجي ليل نهار تقريبا 3 اشهر يله كدرت استوعب الصار واتجاوزت الازمه بس ولا لحضه كدرت انسى اخويه محمد  اكبر مني ب 5 سنوات وجان يحبني ويموت عليه وينفذلي كولشي اطلب احنه حالتنه زينه اخويه طلع معدل 89 وطلعه خالو ع حسابه البلاروسيا يدرس الطب بقيت عايشه وي خالو وبيبي وره وفاة ماما

خالو جان متزوج من وحده موضفه ويا وصارلهم تقريبا 3 سنوات وماعدهم جهال بس همه جانو متفقين واحد يحب الثاني جان خالو وبيبي يموتون عليه وخاصه خالو بس احس بزوجته  تغار مني ومااطيقني ودائما تسويلي مشاكل بس بيبي متنطيها مجال